¶ 1 KO kinautolu eni nae ha‘u kia Tevita ki Sikilaki lolotoga a ene kei fakafufu ia koeuhi ko Saula koe foha o Kisi: bea naa nau kau moe kau tagata to‘a, koe kau tokoni i he tau.

2 Ko ho nau mahafu tau ae kaufana, bea naa nau faa gaue aki ho nau nima toomatau mo ho nau toohema i he li ae maka moe fana‘i ae gahau mei he kaufana, bea naa nau oe kaiga o Saula ia Benijimani.

3 Koia nae eiki hake ko Aniesa, bea hoko moia a Joasi, koe ogo foha o Simaa koe tagata Kibea; mo Jisieli, mo Beleti, koe ogo foha o Asimaveti; mo Bilaka, mo Jehu koe tagata Anatoti,

4 Mo Isimaia koe tagata Kibione, koe tagata to‘a ia i he toko tolugofulu, bea nae bule ia ki he toko tolugofulu; mo Jelemaia, mo Jehesili, mo Johanani, mo Josabati koe tagata Kitala,

5 Mo Elusei, mo Jelimoti, mo Bealia, mo Simalia, mo Sifatia koe tagata Halufi,

6 Mo Elikena, mo Jisia, mo Asalili, mo Joesa, mo Jasobeami, koe kau tagata Kola,

7 Mo Joela, mo Sebatia, koe ogo foha o Jilohami koe tagata Kitoa.

8 Bea nae ai ae kakai Kata nae mavahe akinautolu kia Tevita ke  nofo moia i he botu malohi i he toafa, koe kau tagata malohi, moe kau tagata galigali moe fai ae tau, naa nau faa too ae ba bea moe tao, bea nae tatau a ho nau mata moe mata oe faga laione, bea naa nau veevave o hage koe faga tia i he fuga mouga;

9 Koe uluaki a Eseli, ko hono toko ua a Obataia, ko hono toko tolu a Iliabi,

10 Ko hono toko fa a Misimani, ko hono toko nima a Jelemaia,

11 Ko hono toko ono a Atai, ko hono toko fitu a Ilieli.

12 Ko hono toko valu a Johanani, ko hono toko hiva a Elisabati.

13 Ko hono toko hogofulu a Jelemaia, bea ko hono toko hogofulu ma taha a Makibanai.

14 Koe gaahi foha eni o Kata, nae eiki bule ki he kau tau: koia nae jii hifo iate kinautolu nae bule ki he toko teau, bea koia nae lahi hake nae bule ki he toko afe.

15 Ko kinautolu eni nae alu atu i he Joatani i he uluaki mahina, lolotoga a ene malofa atu ae vai ki hono kau vai kotoabe; bea naa nau tuli akinautolu kotoabe nae nofo i he gaahi telea, ki he feituu hahake, bea ki he luluga.

16 Bea nae ha‘u foki ha niihi mei he fānau a Benijimani mo Juta ki he kolo malohi kia Tevita.

17 Bea nae alu atu a Tevita ke fakafetaulaki kiate kinautolu, bea naa ne lea o behe kiate kinautolu, Kabau kuo mou omi fakamelino be kiate au ke tokoni kiate au, e kau taha a hoku loto mo kimoutolu: ka koeni, kabau kuo mou ha‘u ke lavaki‘i au ki hoku gaahi fili, ka oku ikai ha fai fakamalohi i hoku nima, ke afio‘i ia e he Otua oe tau gaahi tamai, bea ne valoki ia.

18 Bea nae toki hoko ae Laumalie kia Amasai aia nae eiki hake i he gaahi eiki tau,  bea naa ne behe, Oku oou  akimautolu, e Tevita, bea oku  mau kau kiate koe, akoe koe foha o Jese: ke melino, ke melino be koe, bea ke melino akinautolu oku tokoni kiate koe; he oku tokoni e ho Otua kiate koe. Bea nae toki ma‘u akinautolu e Tevita, bea naa ne fakanofo akinautolu koe gaahi eiki tau ki he kogakau.

19 Bea nae to mai kia Tevita ha niihi mei a Manase, i he ene omi fakataha moe kakai Filisitia ke tau‘i a Saula: ka nae ikai ma‘u ekinautolu e nau tokoni: he nae loto ae houeiki oe kau Filisitia ke ne alu, o nau behe, E kau atu ia ki he ene eiki ko Saula, bea  e tuutamaki ai a ho tau ulu otautolu.

20 Lolotoga a ene alu ki Sikilaki, nae hoko mai kiate ia mei a Manase, a Atina, mo Josabati, mo Jitieli, mo Mikaeli, mo Josabati, mo Ilihu, mo Silitei, koe gaahi eiki bule  akinautolu ki he gaahi toko afe o Manase.

21 Bea naa nau tokoni a Tevita aki ha kau tau: he koe kau tagata to‘a lahi aubito akinautolu kotoabe, bea koe gaahi eiki bule akinautolu i he kau tau.

22 He koe kuoga koia nae ha‘u ai  ae kakai kia Tevita i he aho kotoabe ke tokoni kiate ia, bea nae fakaaau o fuu toko lahi a ene kau tau, o hage koe kau tau oe Otua.

¶ 23 Bea ko hono lau eni oe gaahi kogakau nae tali teuteu ki he tau, mo nau omi kia Tevita i Hebeloni, ke liliu ae buleaga o Saula kiate ia, o tatau moe folofola a Jihova.

24 Koe fānau a Juta nae fua ae ba moe tao koe toko ono afe moe valugeau, nae tali teuteu ki he tau.

25 Oe fānau a Simione, koe kau tagata malohi mo to‘a ki he tau, koe toko fitu afe moe toko teau.

26 Oe fānau a Livai koe toko fa afe moe onogeau.

27 Bea ko Jihofata koia nae tataki ae kakai Elone, bea nae iate ia ae toko tolu afe ma fitugeau:

28 Mo Satoki, koe tagata talavou nae malohi mo to‘a lahi, bea mei he fale o ene tamai ae gaahi eiki tau e toko uofulu ma ua.

29 Bea oe fānau a Benijimani, koe kaiga o Saula, koe toko tolu afe: he nae fai o a‘u ki he kuoga koia e ho nau toko lahi, ae tauhi i he fale o Saula.

30 Bea oe fānau a Ifalemi koe toko ua mano moe valugeau, koe kau tagata malohi mo to‘a, koe kau ogoogo i he fale oe nau gaahi tamai.

31 Bea mei hono vahe ua oe faahiga o Manase  nae ha‘u ae toko taha mano moe valugeau, aia nae lau ho nau higoa, ke ha‘u o fakanofo a Tevita ke tu‘i.

32 Bea oe fānau a Isaka, akinautolu nae boto i he ilo ae aga oe kuoga, bea ke ilo aia nae totonu ke fai e Isileli; koe gaahi eiki iate kinautolu koe toko uageau; bea nae tali e nau fekau e ho nau kaiga kotoabe.

33 Oe fānau a Sebuloni, akinautolu nae alu atu ki he tau, mo boto i he tau, i he gaahi mahafu tau kotoabe, koe toko nima mano, aia nae faa tutuu fakataha lelei i he tau: nae ikai te nau lotolotoua.

34 Bea o Nafitali, koe gaahi eiki tau e toko taha afe, bea nae kau mo kinautolu ae toko tolu mano moe toko fitu afe nae too ae ba moe tao.

35 Bea oe faahiga o Tani nae boto i he tau, koe toko ua mano, ma valu afe moe onogeau.

36 Bea o Aseli, akinautolu nae alu atu ki he tau, mo boto i he tau, koe toko fa mano.

37 Bea i he kau vai e taha o Joatani, oe kau Lubeni, moe kau Kata, bea mei hono vahe ua oe faahiga o Manase, koe toko taha kilu moe ua mano, nae too ae gaahi mahafu tau kehekehe i he tau.

38 Koe kau tagata faa tau eni kotoabe, nae faa tutuu lelei, bea naa nau omi kia Tevita i he loto mooni ki Hebeloni, ke fakanofo a Tevita ke tu‘i ki Isileli katoa: bea ko hono toe foki  oe kakai i Isileli nae loto taha be ke fakanofo a Tevita ke tu‘i.

39 Bea naa nau i ai mo Tevita i he aho e tolu, bea naa nau kai mo inu: he nae fai a ho nau tali e ho nau gaahi kaiga.

40 Bea iloga ae kakai nae vaofi mo kinautolu, kia Isaka, mo Sebuloni, mo Nafitali, naa nau omi ae ma kuo fakaheka ki he faga asi, bea ki he faga kameli, bea ki he faga miuli, bea ki he faga bulu, bea  nae omi moe magiji, koe mahoaa, moe gaahi fiki fakamomoa, moe gaahi fuhiga kalebi, moe uaine, moe lolo, moe faga bulu, moe faga sibi lahi aubito: he nae lahi ae fakafiefia i Isileli.