¶ 1 BEA nae laga e Tevita ae gaahi fale moona i hono kolo, bea naa ne teuteu ha botu ki he buha oe fuakava ae Otua, mo ne fokotuu ki ai ha falefehikitaki.

2 Bea nae toki behe e Tevita, Oku ikai lelei ke fua ae buha oe fuakava ae Otua ka e he kau Livai be: he ko kinautolu ia kuo fili e Jihova ke fua ae buha oe fuakava ae Otua, bea ke tauhi kiate ia o taegata.

3 Bea nae tanaki fakataha e Tevita a Isileli katoa ki Jelusalema, koeuhi ke o hake ae buha oe fuakava a Jihova ki hono botu, aia naa ne teuteu ki ai.

4 Bea nae fakataha e Tevita ae fānau e Elone, moe kau Livai:

5 Mei he gaahi foha o Kohate; a Ulieli ko ho nau eiki, bea mo hono kaiga koe toko teau moe toko uofulu:

6 Bea oe gaahi foha o Melali: ko Asaia, ko ho nau eiki, bea mo hono kaiga koe toko teau moe toko uofulu:

7 Bea oe gaahi foha o Kesomi; ko Joeli ko ho nau eiki, bea mo hono kaiga koe toko teau moe toko tolugofulu:

8 Bea oe gaahi foha o Elisafani; ko Simaia ko ho nau eiki, bea mo hono kaiga koe toko uageau:

9 Bea oe gaahi foha o Hebeloni; ko Ilieli ko ho nau eiki, bea mo hono kaiga koe toko valugofulu:

10 Bea oe gaahi foha o Usili; ko Aminitabi ko ho nau eiki, bea mo hono kaiga koe toko teau moe toko hogofulu ma ua.

11 Bea nae ui mai e Tevita kia Satoki mo Abiata koe ogo taulaeiki, bea moe kau Livai, kia Ulieli, mo Asaia, mo Joeli, mo Simaia, mo Elieli, bea mo Aminitabi,

12 O ne behe kiate kinautolu, Ko kimoutolu koe kau tuu ki mua i he gaahi tamai ae kakai Livai: mou fakamaonioni‘i akimoutolu, io akimoutolu bea mo ho mou kaiga, koeuhi ke mou omi ae buha oe fuakava a Jihova koe Otua o Isileli ki he botu kuou teuteu ki ai.

13 He koe mea i he ikai te mou fuofua  omi ia, koia nae teia ai akitautolu e Jihova ko ho tau Otua, koeuhi nae ikai te tau kumi kiate ia o hage ko hono aga oku totonu.

14 Koia nae fakamaonioni‘i akinautolu e he kau taulaeiki moe kau Livai ke nau o hake ae buha oe fuakava a Jihova koe Otua o Isileli.

15 Bea nae fua ae buha oe fuakava ae Otua e he fānau a Livai i ho nau uma aki a hono gaahi kau haamo, o hage koe fekau e Mosese o fakatatau moe folofola a Jihova.

16 Bea nae lea a Tevita ki he eiki oe kau Livai ke ne vahe‘i ho nau kaiga niihi ke fai ae hiva aki ae gaahi mea hiva, koe gaahi utete, moe gaahi haabe, moe gaahi ukamea bakihi, nae tatagi, i he hiki hake ae le‘o i he fiefia.

17 Koia nae vahe‘i e he kau Livai a Hemani koe foha o Joeli; bea i hono kaiga oona, a Asafi koe foha o Belekia; bea mei he gaahi foha o Melali ko ho nau kaiga, a Etani koe foha o Kusaia;

18 Bea nae fakataha mo kinautolu a ho nau kaiga o hono ua oe lakaga, ko Sakalia, mo Beni, mo Jeseeli, mo Similamoti, mo Jehieli, mo Uni, mo Iliabi, mo Benaia, mo Maaseia, mo Matitia, mo Elifili, mo Mikineia, mo Obeti‐itomi, mo Jieli, koe kau leo mataba.

19 Koia, nae vahe‘i ae kau hiva, ko Hemani, mo Asafi, mo Etani, ke fakabakihi aki ae gaahi mea bakihi balasa;

20 Bea ko Sakalia, mo Asieli, mo Similamoti, mo Jehieli, mo Uni, mo Iliabi, mo Maaseia, mo Benaia, ki he gaahi utete o hage koe le‘o fakafefine;

21 Bea ko Matitia, mo Elifili, mo Mikineia, mo Obeti‐itomi, mo Jieli, mo Asasia, ki he gaahi haabe nae le‘o lahi hake.

22 Bea nae ia Kinania ae faji oe hiva: nae ekinaki eia ae hiva, he naa ne boto ai.

23 Bea ko Belekia mo Elikena koe ogo tauhi mataba akinaua ki he buha oe fuakava.

24 Bea ko Sibania, mo Jihosafate, mo Netanili, mo Amasai, mo Sakalia, mo Benaia, mo Eliesa koe kau taulaeiki, nae ifi ekinautolu ae gaahi mealea o muomua i he buha oe fuakava ae Otua: bea ko Obeti‐itomi mo Jehia koe ogo tauhi mataba akinaua ki he buha oe fuakava.

¶ 25 Koia, nae alu a Tevita, moe kau mātua o Isileli, moe gaahi eiki tau nae bule ki he gaahi toko afe, koeuhi ke nau o hake ae buha oe fuakava a Jihova mei he fale o Obeti‐itomi, i he fiefia.

26 Bea nae hoko o behe, i he ene tokoni e he Otua ae kau Livai nae fua ae buha oe fuakava a Jihova, naa nau feilaulau aki ae faga bulu e fitu, moe faga sibi tagata e fitu.

27 Bea nae kofu aki a Tevita ae kofu oe tubenu lelei, bea nae behe moe kau Livai kotoabe nae fua ae buha oe fuakava, moe kau hiva, bea behe mo Kinania koe tagata taki hiva moe kau hiva: nae kofu aki foki e Tevita ae efoti oe tubenu lelei.

28 Nae behe ae omi e Isileli katoa ae buha oe fuakava a Jihova aki ae mavava, moe uulu oe gaahi nifo‘i manu, moe gaahi mealea, moe gaahi mea bakihi, moe tatagi oe gaahi utete moe gaahi haabe.

29 Bea nae hoko o behe, i he ene a‘u atu ae buha oe fuakava a Jihova ki he kolo o Tevita, nae jio a Mikale koe ofefine o Saula mei he mataba jioata, mo ne mamata ki he tu‘i ko Tevita oku mee mo ta mea faiva: bea naa ne manuki kiate ia i hono loto.