¶ 1 KOIA naa nau omi ae buha oe fuakava ae Otua, mo tuku ia i he loto falefehikitaki aia nae fokotuu ki ai e Tevita: bea naa nau atu ae gaahi feilaulau tutu, moe gaahi feilaulau fakamelino i he ao oe Otua.

2 Bea i he ene fakaoji e Tevita ae atu ae gaahi feilaulau tutu, moe gaahi feilaulau fakamelino, naa ne tabuaki ae kakai i he huafa o Jihova.

3 Bea naa ne tufaki ki he kakai taki taha kotoabe o Isileli, ki he tagata moe fefine fakatouoji, ke taki taha haane foi ma, moe koga kanomate lahi, moe ibu uaine e taha.

¶ 4 Bea naa ne fakanofo ae niihi i he kau Livai ke tauhi i he ao oe buha oe fuakava a Jihova, bea ke fai ae tohi fakamanatu, bea ke fai ae fakafetai moe fakamalo kia Jihova koe Otua o Isileli:

5 Ko ho nau eiki a Asafi, bea hoko moia a Sakalia, mo Jieli, mo Similamoti, mo Jehieli, mo Matitia, mo Iliabi, mo Benaia, mo Obeti‐itomi: bea nae ia Jieli ae gaahi utete moe gaahi haabe; ka nae ia Asafi ae fakaogo aki ae gaahi mea bakihi;

6 Bea nae ia Benaia foki mo Jeesieli koe ogo taulaeiki ae gaahi mealea mau ai be i he ao oe buha oe fuakava ae Otua.

¶ 7 Bea i he aho koia nae fuofua atu e Tevita ae fakafetai kia Jihova i he nima o Asafi bea mo hono kaiga.

¶ 8 Mou fakafetai kia Jihova, ui ki hono huafa, fakaogoogo i he lotolotoga oe kakai a ene gaahi gaue.

9 Mou hiva kiate ia, hiva aki ae gaahi same kiate ia, mou fetalanoa aki a ene gaahi gaue fakaofo.

10 Mou vikiviki i hono huafa maonioni: tuku he fiefia ae loto okinautolu oku kumi kia Jihova.

11 Mou kumi kia Jihova bea mo ene malohi, mou kumi mau ai be ki hono fofoga.

12 Manatu ki he ene gaahi gaue fakamanavahe aia kuo ne fai, a ene gaahi mea fakaofo, bea moe fakamāu mei hono fofoga:

13 Akimoutolu ae hako o Isileli ko ene tamaioeiki, akimoutolu ae fānau a Jekobe, ae kakai kuo ne fili.

14 Koia ko Jihova ko ho tau Otua; oku i mamani kotoabe a ene gaahi fakamāu.

15 Mou manatu mau ai be ki he ene fuakava; ae folofola koia naa ne fekau aki ki he toutagata e afe;

16 Aia naa ne fai mo Ebalahame, bea mo ene fuakava kia Aisake;

17 Bea kuo ne fakababau ia kia Jekobe koe fono tuu mau, bea koe fuakava taegata ki Isileli.

18 I he  ene behe, Ko koe teu foaki ki ai ae fonua ko Kenani, koe tufakaga o ho mou tofia;

19 Lolotoga a hoo mou tokojii be, io, koe tokojii be, bea koe kau muli be i ai.

20 Bea i he e nau alu fano mei he fonua e taha ki ha fonua kehe, bea mei he buleaga e taha ki ha kakai kehe;

21 Nae ikai tuku eia ke fai taetotonu kiate kinautolu e ha toko taha: naa moe gaahi tu‘i naa ne valoki‘i koeuhi ko kinautolu,

22  Mo ne behe, Oua naa ala kiate ia kuou bani aki ae lolo, bea oua naa fai ha kovi ki hoku kau balofita.

23 Ke hiva kia Jihova, a mamani katoa; fakahāhā atu i he aho kotoabe a ene fakamoui.

24 Fanogonogo a ene nāunāuia i he lotolotoga oe kakai hiteni; mo ene gaahi gaue fakaofo lahi ki he gaahi buleaga kotoabe.

25 He oku lahi a Jihova, bea oku tāu moia ae fakafetai lahi: oku tāu moia foki ae manavahe ke lahi hake i he gaahi otua kotoabe.

26 He koe gaahi tamabua be ae gaahi otua oe kakai: ka nae gaohi e Jihova ae gaahi lagi.

27 Oku i hono ao oona ae nāunāu, moe abajia; oku i hono nofoaga ae malohi moe fiefia.

28 Atu kia Jihova, akimoutolu ae gaahi faahiga kakai, atu kia Jihova ae nāunāu moe malohi.

29 Atu kia Jihova ae ogoogolelei oku tāu mo hono huafa: omi ha feilaulau, bea ha‘u ki hono ao: lotu kia Jihova i he matamatalelei oe maonioni.

30 Ke manavahe kiate ia a mamani kotoabe: e nofo mau foki a mamani ke oua naa gau‘e ia.

31 Tuku ke fiefia ae gaahi lagi, bea tuku ke nekeneka a mamani: bea tuku ke behe e he kakai i he lotolotoga oe gaahi buleaga, Oku bule a Jihova.

32 Ke uulu ae tahi, bea mo hono fonu oia: ke fiefia ae gaahi tokaga goue moe gaahi mea kotoabe oku i ai.

33 E toki ba atu ae hiva oe gaahi akau oe vao i he ao o Jihova, koeuhi oku ne haele mai ke fakamāu a mamani.

34 Mou tuku ae fakafetai kia Jihova: he oku ne agalelei; bea oku taegata a ene aloofa.

35 Bea mou behe, Fakamoui akimautolu, akoe koe Otua o ho mau fakamoui, bea tanaki fakataha akimautolu, bea fakahaofi akimautolu mei he hiteni, koeuhi ke mau atu ae fakafetai ki ho huafa maonioni, bea  mau vikiviki i he fakamalo kiate koe.

36 Ke fakafetai kia Jihova koe Otua o Isileli o taegata bea taegata. Bea nae behe e he kakai kotoabe, Emeni, mo nau fai ae fakafetai kia Jihova.

¶ 37 Koia naa ne tuku a Asafi mo hono kaiga i he ao oe buha oe fuakava a Jihova, koeuhi ke tauhi mau ai be i he ao oe buha oe fuakava, o hage koe gaue nae totonu ke fai i he aho kotoabe:

38 Mo Obeti‐itomi mo ho nau kaiga, koe toko onogofulu ma valu; ka koe kau leo mataba a Obeti‐itomi koe foha o Jitutuni, bea mo Hosa:

39 Bea ko Satoki koe taulaeiki, bea mo hono gaahi kaiga koe kau taulaeiki, i he ao oe fale fehikitaki o Jihova i he botu maoluga aia nae i Kibione,

40 Ke  nau o hake ae gaahi feilaulau tutu kia Jihova i he fuga feilaulauaga oe feilaulau tutu mau ai be i he bogibogi moe efiafi, bea ke fai o fakatatau moia kotoabe kuo tohi i he fono a Jihova, aia naa ne fekau ki Isileli;

41 Bea nae fakataha mo kinautolu a Hemani mo Jitutuni mo kinautolu nae fili, akinautolu nae lau a ho nau higoa, ke fai ae fakafetai kia Jihova, koeuhi ko ene aloofa oku taegata;

42 Bea fakataha mo kinautolu a Hemani mo Jitutuni moe na gaahi mealea moe na gaahi mea bakihi koeuhi ko kinautolu e hiva ki he Otua aki ae gaahi mea faji hiva. Bea koe gaahi foha o Jitutuni koe kau leo mataba akinautolu.

43 Bea nae alu ae kakai, koe tagata taki taha ki hono fale oona: bea nae alu foki a Tevita ke ne tabuaki‘i a hono fale.