¶ 1 NAE behe foki e Tevita koe tu‘i ki he fakataha kotoabe, Oku kei talavou mo vaivai be a Solomone ko hoku foha, aia be toko taha kuo fili e he Otua, he oku lahi ae gaue: he oku ikai ma ha tagata ae fale lahi, ka kia Jihova koe Otua.

2 Bea koeni kuou fai tokonaki eau aki a hoku malohi katoa, ma ae fale o hoku Otua, ae koula ki he mea koula, moe siliva ki he mea siliva, moe balasa ki he mea balasa, moe ukamea ki he mea ukamea, moe taaga ki he gaahi mea akau; moe maka koe onike ke fonofono aki, moe gaahi maka gigila mo lanu kehekehe, moe faahiga maka mahuiga kotoabe, bea moe maka hinehina, koe mea lahi.

3 Bea koeuhi foki kuou tuku bau a eku ofa ki he fale a hoku Otua, koia kuou atu mei he eku koloa totonu aaku, ae koula moe siliva, aia kuou atu ma ae fale o hoku Otua, koe fakalahi ataatā be ki he mea kotoabe aia kuou tokonaki ki he fale maonioni,

4 Io ae taleniti koula e tolu afe, oe koula mei Ofeli, moe taleniti siliva maa e fitu afe, ke aofi aki ae gaahi holiji oe fale:

5 Koe koula ki he mea koula, moe siliva ki he mea siliva, bea ki he gaahi gaue kehekehe e fai e he nima oe kau tufuga. Bea kohai ha taha oku fie fakafonu hono nima ke gaue kia Jihova he aho ni?

¶ 6 Bea nae toki atu mea i he fiefie fai e he kau tuu ki mua i he kau mātua moe houeiki oe gaahi faahiga o Isileli, bea moe gaahi eiki nae bule ki he gaahi toko afe moe gaahi teau, bea mo kinautolu nae bule ki he gaue ae tu‘i.

7 Bea  naa nau foaki ma ae gaue i he fale oe Otua koe koula, koe taleniti e nima afe, moe koga kehe e taha mano, bea koe siliva koe taleniti e taha mano, bea moe taleniti e taha mano ma valu afe oe balasa, bea moe taleniti e taha kilu oe ukamea.

8 Bea ko kinautolu nae ma‘u ae gaahi maka mahuiga naa nau foaki ia ki he koloa oe fale o Jihova i he nima o Jehieli koe tagata Kesoni.

9 Bea nae toki fiefia ai ae kakai, koeuhi naa nau atu i he fiefie fai, bea i he loto agatonu naa nau atu loto lelei be kia Jihova: bea nae fiefia foki a Tevita koe tu‘i i he fiefia lahi.

¶ 10 Koia nae fakafetai e Tevita kia Jihova i he ao oe fakataha katoa: bea nae behe e Tevita, Fakafetai kiate koe, E Jihova koe Otua o Isileli koe mau tamai, ke taegata bea taegata.

11 Oku oou, E Jihova, ae maoluga, moe malohi, moe nāunāu, moe ikuna, bea moe mafimafi: he oku  oou ae mea kotoabe oku i he lagi bea moe mamani: oku oou ae buleaga, E Jihova, bea oku hiki hake koe koe ulu ki he mea kotoabe.

12 Oku meiate koe ae koloa moe ogoogolahi, bea oku ke bule koe ki he mea kotoabe; bea oku i ho nima ae malohi moe mafai; bea oku i ho nima oou ae faa hakeaki‘i, moe foaki oe malohi ki he mea kotoabe.

13 Koia foki, a ho mau Otua, oku mau fakafetai kiate koe, mo fakaogoogolelei a ho huafa nāunāuia.

14 Ka kohai au, bea kohai a hoku kakai, ke behe ke mau faa atu mea behe ni i he fiefie fai? he oku meiate koe ae mea kotoabe, bea kuo mau atu be kiate koe mei he mea oku oou.

15 He koe kau muli akimautolu i ho ao, moe kau aunofo, o hage ko hoo mou gaahi tamai kotoabe: oku tatau moe ata a ho mau gaahi aho i he mamani, bea oku ikai ha nofo mau.

16 E Jihova ko ho mau Otua, koe koloa kotoabe kuo mau tokonaki ke laga aki ha fale kiate koe ma a ho huafa maonioni, oku mei ho nima oou, bea oku oou kotoabe.

17 Oku ou ilo foki, e hoku Otua, oku ke ahiahi‘i ekoe ae loto, bea oku ke finagalo lelei ki he agatotonu. Ka ko au, i he agatonu o hoku loto kuou atu fiefie fai ae gaahi mea ni kotoabe: bea kuou mamata fiefia eni ki hoo kakai, aeni kuo fakataha ni, moe nau atu mea kiate koe i he fiefie fai.

18 E Jihova koe Otua o Ebalahame, mo Aisake, bea mo Isileli, koe mau gaahi tamai, ke ke tuku mau eni ki he filioi moe fakakaukau oe loto o hoo kakai ke taegata, bea ke teuteu a ho nau loto kiate koe:

19 Bea ke foaki kia Solomone ko hoku foha ha loto haohaoa, ke ne tokaga ki hoo gaahi fekau, mo hoo gaahi fakamooni, mo hoo gaahi fono, bea ke fai ia kotoabe, bea ke laga ae fale lahi aia kuou fai tokonaki ki ai.

¶ 20 Bea nae behe e Tevita ki he fakataha katoa, Koeni mou fakafetai kia Jihova ko ho mou Otua. Bea nae fakafetai e he fakataha katoa kia Jihova koe Otua oe nau gaahi tamai, bea nae bunou hifo ho nau ulu, mo nau hu kia Jihova, bea moe tu‘i.

21 Bea naa nau atu ae gaahi feilaulau kia Jihova, mo nau atu ae gaahi feilaulau tutu kia Jihova, i he aho nae feholoi moe aho koia, io koe faga bulu e taha afe, moe faga sibi tagata e taha afe, moe faga lami e taha afe, fakataha moe nau gaahi feilaulau mea inu, bea moe gaahi feilaulau lahi aubito ma a Isileli katoa:

22 Bea naa nau kai mo inu i he ao o Jihova i he aho koia i he fiefia lahi. Bea naa nau fakanofo a Solomone koe foha o Tevita ke tu‘i ko hono liuga ua, mo nau bani ia aki ae lolo kia Jihova ke hoko koe bule lahi, bea ke taulaeiki a Satoki.

23 Bea nae toki nofo a Solomone ki ne nofoa fakatu‘i o Jihova koe tu‘i koe fetogi o ene tamai ko Tevita, bea naa ne monuia; bea nae talagofua a Isileli katoa kiate ia.

24 Bea nae aganofo kia Solomone koe tu‘i ae houeiki kotoabe, moe kau tagata malohi, bea moe gaahi foha kotoabe foki oe tu‘i ko Tevita.

25 Bea nae fakahikihiki lahi aubito a Solomone e Jihova i he ao o Isileli katoa, bea ne tuku kiate ia ae gaahi mea fakatu‘i nae heeki ke tuku ki ha tu‘i nae mua iate ia i Isileli.

¶ 26 Nae behe ae bule a Tevita koe foha o Jese ki Isileli katoa.

27 Bea koe kuoga naa ne bule ai ki Isileli, koe ta‘u e fagofulu; naa ne bule i Hebeloni i he ta‘u e fitu, bea naa ne bule i Jelusalema i he ta‘u e tolugofulu ma tolu.

28 Bea naa ne bekia i he ene hoko o motua lelei, kuo lahi hono aho, mo ne koloaia, mo ogoogolelei: bea nae fetogi ia i he bule e hono foha ko Solomone.

29 Bea koeni koe gaahi gaue a Tevita, mei he kamataaga o a‘u ki mui, vakai, kuo tohi ia i he tohi a Samuela koe tagata kikite, bea i he tohi a Natani koe balofita, bea i he tohi a Kata koe tagata kikite,

30 A ene bule kotoabe, mo ene malohi, moe gaahi mea nae fai kiate ia i hono kuoga, bea ki Isileli foki, bea ki he gaahi buleaga kotoabe oe gaahi fonua.