¶ 1 BEA nae ma‘u e Ehabi ae foha e toko fitugofulu i Samelia. Bea nae fai e Jehu ae gaahi tohi, mo ne ave ki Samelia, ki he kau bule i Jesilili, bea ki he kau mātua, bea kiate kinautolu naa nau tauhi ki he fānau a Ehabi, o behe,

2 Koeni ka mou ka ma‘u leva ae tohi ni, ka kuo iate kimoutolu ae gaahi foha o ho mou eiki, bea oku mou ma‘u ae gaahi jaliote moe gaahi hose, moe kolo tau foki, bea moe mahafu;

3 Fili mai aia oku lelei hake mo gali i he gaahi foha o ho mou eiki, bea fakanofo ia ki he nofoa fakatu‘i o ene tamai, bea mou tau ma ae fale o ho mou eiki.

4 Ka naa nau manavahe lahi aubito, o nau behe, Vakai nae ikai faa tuu i hono ao ae tu‘i e toko ua: bea kabau kuo behe te tau faa tuu fefe akitautolu?

5 Bea koe tagata aia nae bule ki he fale, bea moia nae bule ki he kolo, moe kau mātua foki, bea mo kinautolu nae tauhi  ae fānau, naa nau fekau atu kia Jehu, o behe, Ko hoo kau tamaioeiki akimautolu, bea te mau fai ae mea kotoabe te ke fekau mai; e ikai te mau fakanofo ha tu‘i: ka ke fai aia oku lelei i ho mata oou.

6 Bea naa ne toki tohi a hono ua oe tohi kiate kinautolu, o behe, Kabau oku mou kau kiate au, bea kabau te mou fakaogo ki hoku le‘o, mou tutuu ae ulu oe kau tagata io ae gaahi foha o ho mou eiki, bea mou omi kiate au ki Jesilili i he feitualaa ni abogibogi. Ka koeni, koe gaahi foha oe tu‘i, koe toko fitugofulu, naa nau nofo moe houeiki oe kolo, aia nae tauhi akinautolu.

7 Bea nae hoko o behe, i he ene hoko mai ae tohi kiate kinautolu, naa nau ave ae gaahi foha oe tu‘i, mo nau tamate‘i ae kau tagata e toko fitugofulu, mo nau ai ho nau ulu ki he gaahi kato, mo nau ave ia kiate ia i Jesilili.

¶ 8 Bea nae ha‘u ha tagata fekau, mo ne fakaha ki ai, o behe, Kuo nau omi ae gaahi ulu oe gaahi foha oe tu‘i. Bea naa ne behe, Mou fokotuu ia i he tuuga e ua i he huaga oe matani kolo o a‘u ki he abogibogi.

9 Bea i he ene hoko ki he bogibogi, naa ne alu atu, mo ne tuu ai, mo ne behe eia ki he kakai kotoabe, Oku mou agatonu akimoutolu; vakai naaku fai ae laba ki he eku eiki bea naaku tamate‘i ia: ka kohai nae tamate‘i akinautolu ni kotoabe?

10 Koia mou ilo eni e ikai to ki he kelekele ha momoi mea i he folofola a Jihova aia nae folofola aki e Jihova ki he fale o Ehabi: he kuo fai e Jihova ae mea naa ne folofola aki i he ene tamaioeiki ko Ilaija.

11 Koia, nae tamate‘i e Jehu akinautolu kotoabe nae toe i he fale o Ehabi i Jesilili, bea mo ene kakai ogoogo kotoabe, bea mo hono kaiga, mo ene kau taulaeiki, bea nae ikai te ne tuku ke toe ha toko taha kiate ia.

¶ 12 Bea naa ne tuu hake o ne alu, bea ne hokoage ki Samelia. Bea i he ene nofo ki he fale koe kojiaga oe faga sibi, i he hala,

13 Nae fetaulaki a Jehu moe kaiga o Ahasia koe tu‘i o Juta, o ne behe, Kohai akimoutolu? Bea naa nau beheage, Koe kaiga akimautolu o Ahasia; bea oku mau alu hifo ke aahi fakakaiga ki he fānau ae tu‘i moe fānau ae tu‘i fefine.

14 Bea nae behe eia, Buke moui akinautolu. Bea naa nau buke moui be akinautolu, mo nau tamate‘i akinautolu i he gutu luo i he fale oe kojiaga sibi, io ae kau tagata e toko fagofulu ma toko ua; bea nae ikai te ne tuku foki ha taha okinautolu.

¶ 15 Bea i he ene mahui atu mei be botu koia, naa ne ilo a Jonatabi koe foha o Lekabi nae fakafetaulaki mai kiate ia: bea naa ne fetaba ki ai, mo ne behe kiate ia, Oku agatonu ho loto, o hage koe kau a hoku loto mo ho loto? Bea nae beheage e Jonatabi, Io, oku behe. Kabau oku behe, tuku mai ho nima. Bea naa ne tuku atu kiate ia a hono nima; bea naa ne too hake ia kiate ia i he jaliote.

16 Bea naa ne behe, Ke ta o mo au, bea ke mamata ki he eku fai velega koeuhi ko Jihova. Bea behe, naa nau bule‘i ia ke ne heka ki hono jaliote.

17 Bea i he ene hoko atu ki Samelia, naa ne tamate‘i akinautolu kotoabe nae kei toe kia Ehabi i Samelia, koeuhi ke ne fakaauha ia, o hage koe folofola a Jihova, aia naa ne folofola aki kia Ilaija.

¶ 18 Bea nae tanaki e Jehu ke fakataha ae kakai kotoabe, mo ne behe kiate kinautolu, Nae tauhi jii be a Ehabi kia Beali; ka e lahi aubito ae tauhi kiate ia a Jehu.

19 Koia foki, mou ui mai kiate au ae kau balofita kotoabe o Beali, a ene kau tamaioeiki kotoabe, bea mo ene kau taulaeiki kotoabe; oua naa hala i ha toko taha: he oku ai a eku feilaulau lahi keu atu kia Beali; iloga be ia e toe, e ikai jii te ne moui. Ka nae fai eni e Jehu i he kākā, koe mea ke ne fakaauha akinautolu nae lotu kia Beali.

20 Bea nae behe e Jehu, Fanogonogo ha katoaga mamalu kia Beali. Bea naa nau fanogonogo ia.

21 Bea nae fekau atu e Jehu ki Isileli katoa: bea nae ha‘u ae kakai kotoabe nae lotu kia Beali, koia nae ikai ha tagata e toko taha nae tae ha‘u. Bea naa nau omi ki he fale o Beali; bea nae fonu aubito ae fale o Beali mei hono ta e taha o a‘u ki hono ta e taha.

22 Bea naa ne behe kiate ia nae tauhi ki he fale tukuga kofu, Omi kitua ae gaahi kofu ma anautolu oku lotu kia Beali. Bea naa ne fetuku mai ae gaahi kofu kiate kinautolu.

23 Bea nae alu a Jehu, mo Jonatabi koe foha o Lekabi, ki he loto fale o Beali, o na behe ki he kakai nae lotu kia Beali, Mou kumi, bea vakai ke oua naa i heni mo kimoutolu ha taha i he kau tamaioeiki a Jihova, ka koe kau lotu be o Beali.

24 Bea i he e nau huage ke atu ae gaahi feilaulau moe gaahi feilaulau tutu, nae fekau‘i e Jehu ae kau tagata e toko valugofulu ke tuu mei tuafale, mo ne behe, Kabau e hao ha toko taha oe kau tagata kuou tuku ki ho mou nima, e totogi aki ae moui aana, e he moui aana  kuo tuku ia ke hao.

25 Bea nae hoko o behe, i he ene fakaoji leva eia ae o hake oe feilaulau tutu, nae behe ai e Jehu ki he kau leo bea moe gaahi eiki tau, Mou huage ki loto fale, mo tamate‘i akinautolu; ke oua naa hao mai ha toko taha. Bea naa nau ta‘i aki akinautolu ae mata oe heleta; bea nae laku kitua akinautolu e he kau tagata leo bea moe gaahi eiki tau, mo nau alu ki he kolo oe fale o Beali.

26 Bea naa nau omi ki tua ae gaahi tamabua mei he fale o Beali, mo nau tutu akinautolu.

27 Bea naa nau maumau‘i hifo ae fakatātā o Beali, mo nau maumau‘i hifo ae fale o Beali, mo gaohi ia koe fale vao o a‘u ki he aho ni.

28 Nae behe ae fakaauha e Jehu a Beali mei Isileli.

¶ 29 Ka ne ogo eni nae ikai tafoki a Jehu mei he gaahi agahala a Jeloboami koe foha o Nibati aia naa ne fakaagahala‘i a Isileli, io ae gaahi fakatātā oe uhiki‘i bulu koula aia nae i Beteli bea mo Tani.

30 Bea nae behe e Jihova kia Jehu, Koeuhi kuo ke fai lelei i hoo fai aia oku totonu i hoko ao, bea kuo ke fai ki he fale o Ehabi o fakatatau moia kotoabe naaku finagalo ki ai, e nofo a hoo fānau ki he nofoa fakatu‘i o Isileli o a‘u ki hono fa oe toutagata.

31 Ka nae ikai tokaga a Jehu ke ne eveeva i he fono a Jihova koe Otua e Isileli aki a hono loto katoa: he nae ikai liliu ia mei he gaahi agahala a Jeloboami, aia nae fakaagahala‘i a Isileli.

¶ 32 I he gaahi aho koia nae kamata motuhi a Isileli e Jihova i hono botu kotoabe: bea nae teia akinautolu e Hasaeli i he gaahi mata fonua kotoabe o Isileli;

33 Mei Joatani o fai ki hahake, ae fonua kotoabe o Kiliati, moe kakai Kata, moe kakai Lubeni, moe kakai Manase, mei Aloeli, aia oku i he vee vaitafe o Alanoni, io o a‘u ki Kiliati bea mo Besani.

34 Bea koeni, ko hono toe oe gaahi gaue a Jehu, moia kotoabe naa ne fai, bea mo ene malohi lahi, ikai kuo tohi ia i he tohi fakamatala ki he gaahi tu‘i o Isileli?

35 Bea nae mohe a Jehu mo ene gaahi tamai: bea naa nau fai hono butu i Samelia. Bea nae fetogi ia i he bule e Jihoaasi ko hono foha.

36 Bea koe gaahi aho nae bule ai a Jehu ki Isileli i Samelia, koe ta‘u e uofulu ma valu.