¶ 1 BEA nae ui mai e Ilaisa ha toko taha i he fānau ae kau balofita, mo ne behe kiate ia, Nonoo ho nootaga vala, mo ke ave i ho nima ae buha ni oe lolo, bea ke alu ki Lemoti‐kiliati:

2 Bea oka ke ka hoko atu ki ai, ke ke kumi kia Jehu koe foha o Jihosafate koe foha o Nimisi, bea ke hu atu, bea ke bule ke ne tuu hake mei he haohaoga o hono kaiga, bea ke ave ia ki ha loki i loto fale;

3 Bea ke toki too ae buha lolo, mo ke liligi ki hono ulu, mo ke behe, Oku behe e Jihova, Kuou fakanofo koe koe tu‘i ki Isileli. Bea hili ia ke ke fakaava ae mataba, bea ke hola, bea oua naa ke fakatuotuai.

4 Koia nae alu ae tagata talavou, io ae balofita talavou, ki Lemoti‐kiliati.

5 Bea i he ene hokoage, vakai, nae nonofo fakataha ae gaahi eiki oe kau tau; bea nae behe eia, Kuou ha‘u mo ha fekau kiate koe, e eiki. Bea nae behe e Jehu, Ki ahai iate kimautolu kotoabe? Bea naa ne behe, Kiate koe, e eiki.

6 Bea naa ne tuu hake, mo ne hu atu ai ki loto fale; bea naa ne liligi ae lolo ki hono ulu, mo ne behe kiate ia, Oku behe e Jihova koe Otua o Isileli, Kuou fakanofo koe koe tu‘i ke bule ki he kakai a Jihova, io ki Isileli.

7 Bea te ke ta‘i ae fale o Ehabi ko hoo eiki, koeuhi keu fai totogi koeuhi koe toto o eku kau tamaioeiki koe kau balofita, bea moe toto oe kau tamaioeiki kotoabe a Jihova, i he nima o Jisibeli.

8 Koeuhi e auha ae fale kotoa o Ehabi: bea teu motuhi mei a Ehabi ae kau tagata kotoabe bea moia kotoabe oku tabuni mo toe i Isileli:

9 Bea teu gaohi ke tatau ae fale o Ehabi moe fale o Jeloboami koe foha o Nibati, bea ke tatau moe fale o Baasa koe foha o Ahija:

10 Bea e keina a Jisibeli e he faga kuli i he botu o Jesilili, bea e ikai tanu ia e ha toko taha. Bea naa ne too ae mataba mo ne hola.

¶ 11 Hili ia nae hu mai ki tua a Jehu ki he kau tamaioeiki a ene eiki: bea nae behe e he toko taha kiate ia, Oku lelei kotoabe? koeha nae ha‘u ai ae jiana faha ni kiate koe? Bea naa ne behe kiate kinautolu, Oku mou ilo be ae tagata, bea mo ene lau.

12 Bea naa nau behe, Koe loi; ka ke tala mai ni. Bea naa ne behe, Nae behe mo behe a ene lea kiate au, o behe, Oku behe e Jihova kuou fakanofo koe ke ke tu‘i ki Isileli.

13 Bea naa nau fai vave ai, bea too taki taha e he tagata a hono kofu, bea ai ia ki lalo iate ia i he botu maoluga oe hala tuuga, bea  naa nau ifi aki ae gaahi mealea, o behe, Oku tu‘i a Jehu.

14 Koia nae teu laba e Jehu koe foha o Jihosafate koe foha o Nimisi kia Jolami. (Ka koeni nae ma‘u be e Jolami a Lemoti‐kiliati, eia mo Isileli katoa, koeuhi ko Hasaeli koe tu‘i o Silia.

15 Ka kuo liliu mai a Jolami ki Jesilili ke fakamoui ia mei he gaahi lavea naa ne lavea ai i he kakai Silia, i he ene tau mo Hasaeli koe tu‘i o Silia.) Bea nae behe e Jehu, Kabau ko ho mou loto ia, bea oua naa tuku ha taha ke alu atu be hao mei he kolo ke alu o fakaha ia i Jesilili.

16 Bea behe, nae heka a Jehu i ha jaliote, mo ne alu ki Jesilili; he nae tokoto ai a Jolami. Bea kuo ha‘u a Ahasia koe tu‘i o Juta ke aahi kia Jolami.

17 Bea nae tuu ae tagata leo i he fale maoluga o Jesilili, bea naa ne mamata ki he kau fonoga o Jehu i he ene ha‘u, bea naa ne behe, Oku ou jio ki ha fonoga. Bea nae behe e Jolami, Fekau ki ha tagata heka hose, ke alu o fakafetaulaki kiate kinautolu, bea tala ke ne behe, Koe lelei be ikai?

18 Koia nae alu ae toko taha nae heka hose ke fetaulaki moia, bea naa ne behe, Oku behe mai e he tu‘i, be koe lelei be ikai? Bea nae behe e Jehu, Koeha a hoo kau aau ki he lelei? foki atu ki hoku tua. Bea nae fakaha e he tagata leo, o behe, Nae hokoage ae tagata fekau kiate kinautolu ka oku ikai toe foki mai ia.

19 Bea naa ne toki fekau atu ha toko taha kehe ke heka hose, bea naa ne hokoage kiate kinautolu, mo ne behe, Oku behe mai e he tu‘i, be koe lelei be ikai? Bea nae beheage e Jehu, Koeha a hoo kau aau ki he lelei? alu koe ki hoku tua.

20 Bea nae fakaha e he tagata leo, o behe, Naa ne hoko atu kiate kinautolu, ka oku ikai te ne toe foki mai: bea koe agi ki  he manu oku hage koe alu a Jehu koe foha o Nimisi; he oku ne alu fakavave aubito.

21 Bea nae behe e Jolami, Mou teuteu. Bea nae teuteu a hono jaliote. Bea nae alu atu a Jolami koe tu‘i o Isileli mo Ahasia koe tu‘i o Juta, koe taki taha i hono jaliote, bea naa na alu atu ke tali a Jehu, bea naa nau fetaulaki moia i he abi o Naboti koe tagata Jesilili.

22 Bea nae hoko o behe, i he ene mamata e Jolami kia Jehu, naa ne behe, E Jehu, oku lelei be be ikai? Bea nae beheage eia, O lelei fefe‘i ka kuo lahi behe fau ae gaahi feauaki moe gaahi gaue fakatevolo a hoo fa‘e ko Jisibeli?

23 Bea nae fakatafoki ae nima o Jolami, bea naa ne hola, o ne behe kia Ahasia, E Ahasia kuo fai ae laba.

24 Bea nae teke‘i e Jehu ae kaufana aki a ene malohi katoa, bea naa ne fana‘i a Jolami i hono vahaa nima, bea nae aji atu ae gahau mei hono mafu, bea naa ne to hifo i hono jaliote.

25 Bea nae toki behe e  Jehu kia Bitikali ko ene eiki tau, Too hake mo li ia ki he botu i he goue o Naboti koe tagata Jesilili: he manatu lolotoga a e ta heka fakataha mo muimui kia Ehabi ko ene tamai, nae tuku e Jihova ae tautea ni kiate ia;

26 Koe mooni kuou mamata aneafi ki he toto o Naboti, moe toto o hono gaahi foha, oku behe e Jihova; bea teu totogi kiate koe i he botu ni, oku behe e Jihova. Koia foki, ave o li ia ki he botu na, o fakatatau moe folofola a Jihova.

¶ 27 Ka i he ene mamata ki ai ni a Ahasia koe tu‘i o Juta naa ne hola i he hala oe fale goue. Bea nae muimui kiate ia a Jehu, mo ne behe, Ta‘i foki ia i hono jaliote. Bea nae fai ia i he hakega ki Kuli aia oku ofi ki Ibiliami. Bea naa ne hola ki Mekito, mo ne bekia i ai.

28 Bea nae ave ia i ha jaliote ki Jelusalema e he ene kau tamaioeiki, bea nae fai hono butu ki he fonua loto o ene gaahi tamai i he kolo o Tevita.

29 Bea i hono hogofulu ma taha oe ta‘u a Jolami koe foha o Ehabi nae kamata bule a Ahasia ki Juta.

¶ 30 Bea i he ene hoko mai a Jehu ki Jesilili, nae fanogo a Jisibeli ki ai; bea naa ne ai ae loa ki hono mata, mo ne ai ae teuga ki hono ulu, bea jio ia mei he mataba jioata.

31 Bea feouga mo ene hu mai a Jehu i he mataba oe kolo, naa ne behe, Nae lelei koa a Simili, aia naa ne fakabogi a ene eiki?

32 Bea nae haga hake eia a hono mata ki he mataba jioata, mo ne behe, Kohai oku kau kiate au? kohai? bea nae jio mai mei he mataba jioata ha kau tagata tali fekau e toko ua be toko tolu.

33 Bea nae behe eia, Laku hifo ia. Koia naa nau laku ia ki lalo: bea nae buna a hono toto ki he a, bea ki he faga hose: bea naa ne malaki hifo ia i hono lalo va‘e.

34 Bea i he ene hu mai ki loto fale, naa ne kai mo inu, mo ne behe, Mou alu, o jio eni ki he fefine malaia ni, bea ave o tanu ia; he koe ofefine ia o ha tu‘i.

35 Bea naa nau alu atu ke fai hono tanu: ka nae ikai te nau ilo hano botu ka ko hono uluboko be, moe foi va‘e, bea moe aofi nima.

36 Koia naa nau toe omi ai o fakaha kiate ia. Bea nae behe eia, Koeni ia ae folofola a Jihova, aia naa ne folofola aki i he ene tamaioeiki ko Ilaija koe tagata Tisiba, o behe, I he botu  fonua o Jesilili e keina e he faga kuli ae kakano o Jisibeli.

37 Bea e tatau ae agaaga o Jisibeli moe kinohaa i he fuga fonua i he botu o Jesilili; bea e ikai ai te nau faa behe, Ko Jisibeli eni.