¶ 1 BEA nae toki lea a Ilaisa ki he fefine, aia naa ne fokotuu moui ki ai a ene tama, o ne behe, Tuu hake, bea alu akoe mo ho kau nofoaga, bea āunofo i ha botu be te ke faa āunofo ki ai: he kuo bau be mei a Jihova ke ai ha hoge; bea e hoko foki ia ki he fonua i he ta‘u e fitu.

2 Bea nae tuu hake ae fefine, o ne fai o hage koia nae lea ki ai ae tagata oe Otua: bea naa ne alu fakataha mo hono kaugaabi, mo ne nofo i he fonua oe kakai Filisitia i he ta‘u e fitu.

3 Bea i he ene hiliage ae ta‘u e fitu, nae toe liliu mai ae fefine mei he fonua oe kakai Filisitia: bea naa ne alu atu ke tagi ki he tu‘i ke toe ma‘u a hono fale bea mo hono fonua.

4 Bea nae alea ae tu‘i mo Kehesi aia nae tamaioeiki ki he tagata ae Otua, o behe, Oku ou kole ke ke fakaha mai ae gaahi mea lahi kotoabe aia kuo fai e Ilaisa.

5 Bea iloage, lolotoga a ene fakaha ki he tu‘i, a ene toe fakamoui ae jino mate, vakai, nae tagi mai ki he tu‘i ae fefine aia nae fakamoui ki ai a ene tama, ke ne toe ma‘u mai a hono fale bea mo hono fonua. Bea nae behe e Kehesi, E hoku eiki koe tu‘i, koe fefine eni, bea ko ene tama eni, aia nae fakamoui e Ilaisa.

6 Bea i he ene eke atu e he tu‘i ki he fefine, naa ne fakamatala ia kiate ia. Koia nae fekau ai e he tu‘i ki ha matābule e toko taha, o behe, Toe atu kiate ia ae mea kotoabe nae aana, bea moe tubu kotoabe o ene goue talu mei he aho naa ne alu ai mei he fonua, o a‘u mai ki he aho ni.

¶ 7 Bea nae hoko mai a Ilaisa ki Tamasikusi; bea nae mahakiia a Benihatati koe tu‘i o Silia; bea nae tala kiate ia, o behe. Kuo ha‘u ki heni ae tagata oe Otua.

8 Bea nae behe e he tu‘i kia Hasaeli, Too ha mea ofa i ho nima, bea ke alu o fakafetaulaki moe ta ata oe Otua, bea ke fehui kia Jihova te ia, o behe, Be teu toe moui hake mei he mahaki ni?

9 Koia nae alu ai a Hasaeli ke fetaulaki moia, o ne ave ae mea ofa i hono nima, io mei he mea lelei kotoabe i Tamasikusi, koe gaahi kavega nae fua e he faga kameli e fagofulu, bea naa ne ha‘u o tuu i hono ao, mo ne behe, Kuo fekau‘i au e ho foha ko Benihatati koe tu‘i o Silia, ke behe, Teu toe moui hake mei he mahaki ni be ikai?

10 Bea nae behe e Ilaisa kiate ia, Alu, o tala kiate ia, Oku ke faa moui hake mooni: ka kuo fakaha mai e Jihova koe mooni be te ne mate.

11 Bea nae jio fakamamau ia, bea naa ne ma ai: bea nae tagi ae tagata oe Otua.

12 Bea nae behe e Hasaeli, Koeha oku tagi ai a hoku eiki? Bea nae beheage eia, Koeuhi oku ou ilo ae kovi kotoabe aia te ke fai ki he fānau a Isileli: te ke tutu a ho nau gaahi kolo tau, bea te ke tamate‘i ae nau kau talavou aki ae heleta, bea te ke laiki ae nau tamaiki, mo fahi‘i ae kau fefine oku feitama.

13 Bea nae behe e Hasaeli, Ka koeha, koe kuli a hoo tamaioeiki ko au, keu fai ha mea behe fau? Bea nae beheage e Ilaisa, Kuo fakailo mai e Jihova ke ke tu‘i koe ki Silia.

14 Koia naa ne alu ai mei a Ilaisa, mo ne ha‘u ki he ene eiki; aia nae behe kiate ia, Koeha ae lea a Ilaisa kiate koe? Bea naa ne beheage, Naa ne fakaha mai te ke moui hake mooni.

15 Bea nae hoko o behe i he aho nae feholoi, nae too  e Hasaeli ha koga holo matolu, mo ne unu ia i he vai, bea naa ne folahi ia ki hono mata, ke ne mate ai: bea nae fetogi ai ia i he bule e Hasaeli.

¶ 16 Bea i hono nima oe ta‘u o Jolami koe foha o Ehabi koe tu‘i o Isileli, ka nae tu‘i a Jihosafate i he kuoga koia i Juta, nae kamata bule a Jiholami koe foha o Jihosafate koe tu‘i o Juta.

17 Nae tolugofulu ma ua a ene ta‘u i he ene kamata bule; bea naa ne bule i he ta‘u e valu i Jelusalema.

18 Bea naa ne alu i he hala oe gaahi tu‘i o Isileli, o hage koia nae fai e he fale o Ehabi: he naa ne unoho moe ofefine o Ehabi: bea naa ne fai ae kovi i he ao o Jihova.

19 Ka nae ikai fie fakaauha a Juta e Jihova, koeuhi be ko Tevita ko ene tamaioeiki, aia naa ne talaofa ki ai ke foaki mau ai be kiate ia ha māma, bea ki hono hako.

¶ 20 I hono kuoga oona nae agatuu a Itomi ki he bule a Juta, bea naa nau fakanofo ha tu‘i ma anautolu be.

21 Koia nae alu atu ai a Jolami ki Saili, bea nae alu moia ae gaahi jaliote kotoabe: bea naa ne tuu hake i he bouli, mo ne teia ae kakai Itomi nae nofo takatakai iate ia, bea moe gaahi eiki oe gaahi jaliote: bea nae feholaki ae kakai ki ho nau gaahi fale fehikitaki.

22 Ka kuo agatuu a Itomi ki he bule a Juta o a‘u mai ki he aho ni. Bea nae agatuu a Libina i he kuoga be koia.

23 Bea ko hono toe oe gaahi gaue a Jolami, moia kotoabe naa ne fai, ikai kuo tohi ia i he tohi fakamatala ki he gaahi tu‘i o Juta?

24 Bea nae mohe a Jolami ki he ene gaahi tamai, bea nae fai hono butu ki he botu a ene gaahi tamai i he kolo o Tevita: bea nae fetogi ia i he bule e hono foha ko Ahasia.

¶ 25 Bea i hono hogofulu ma ua oe ta‘u o Jolami koe foha o Ehabi koe tu‘i o Isileli nae kamata bule a Ahasia koe foha o Jiholami koe tu‘i o Juta.

26 Nae uofulu ma ua ae ta‘u oe motua a Ahasia i he ene kamata bule; bea naa ne bule i Jelusalema i he ta‘u e taha. Bea koe higoa o ene fa‘e ko Atalia, koe ofefine o Omili koe tu‘i o Isileli.

27 Bea naa ne eveeva i he hala oe fale o Ehabi, mo ne fai ae kovi i he ao o Jihova, o hage koia nae fai e he fale o Ehabi: he koe foha ia i he fono ki he fale o Ehabi.

¶ 28 Bea naa ne alu mo Jolami koe foha o Ehabi ki he tau nae fai kia Hasaeli koe tu‘i o Silia i Lemoti‐kiliati; bea nae lavea a Jolami i he kakai Silia.

29 Bea nae toe alu a Jolami ki Jesilili ke fakamoui a hono gaahi lavea aia nae lavea ai ia i he kakai Silia i Lama, i he ene tau‘i a Hasaeli koe tu‘i o Silia. Bea nae alu hifo a Ahasia koe foha o Jiholami koe tu‘i o Juta ke mamata kia Jolami koe foha o Ehabi i Jesilili, koe mea i hono lavea.