¶ 1 BEA nae hoko o behe, i he teu e Jihova ke too hake a Ilaija ki loto lagi i he ahiohio, nae alu a Ilaija mo Ilaisa mei Kilikali.

2 Bea nae behe e Ilaija kia Ilaisa, Oku ou kole ke ke tatali koe i heni; he kuo fekau‘i au e Jihova ki Beteli. Bea nae behe e Ilaisa, Oku moui a Jihova, bea oku moui ho laumalie, bea e ikai teu mahui meiate koe. Bea koia naa na alu hifo ai ki Beteli.

3 Bea nae hu mai kia Ilaisa ae gaahi foha oe kau balofita aia nae i Beteli, o nau behe kiate ia, Oku ke ilo e ave e Jihova a hoo eiki mei ho ulu he aho ni? Bea nae behe eia, Io, oku ou ilo; ka mou logo be akimoutolu.

4 Bea nae behe e Ilaija kiate ia, Ilaisa, oku ou kole ke ke tatali i heni; he kuo fekau‘i au e Jihova ki Jeliko. Bea nae behe eia, Oku moui a Jihova, bea oku moui ho laumalie, bea e ikai teu mahui meiate koe. Koia naa na hoko ai ki Jeliko.

5 Bea nae ha‘u ae gaahi foha oe kau balofita aia nae i Jeliko kia Ilaisa, o nau behe kiate ia, Oku ke ilo e ave e Jihova a hoo eiki mei ho ulu he aho ni? Bea nae behe eia, Io, oku ou ilo; ka mou logo be akimoutolu.

6 Bea nae behe e Ilaija kiate ia, Oku ou kole ke ke tatali koe i heni; he kuo fekau‘i au e Jihova ki Joatani. Bea nae behe eia, Oku moui a Jihova, bea oku moui ho laumalie, bea e ikai teu mahui meiate koe. Bea nae alu atu be akinaua ni.

7 Bea nae alu ae kau tagata e toko nimagofulu oe gaahi foha oe kau balofita, o nau tutuu ke jio mei he mamao: bea nae tutuu akinaua o feouga atu mo Joatani.

8 Bea nae too e Ilaija a hono bulubulu, mo ne taka‘i fakataha ia, mo ne ta aki ia ae gaahi vai, bea nae vaheua ia, bea koia naa na alu atu ai i he kelekele momoa.

¶ 9 Bea hili e na alu ki he kauvai e taha nae behe e Ilaija kia Ilaisa, Ke ke tala mai be koeha ha mea teu fai maau i he teeki ave au meiate koe. Bea nae behe e Ilaisa, Oku ou kole kiate koe, tuku ke iate au ha vahega e ua o ho ulugaaga oou.

10 Bea nae behe eia, Oku faigataa ae mea kuo ke kole ki ai: Ka koeuhi, kabau te ke mamata ki he ave au meiate koe, e hoko o behe kiate koe; bea kabau e ikai, bea e ikai hoko ia.

11 Bea vakai, lolotoga a e na kei alu atu, mo talanoa, nae ha mai ha jaliote afi, moe faga hose oe afi, bea nae mavae ai akinaua; bea nae alu hake a Ilaija i he ahiohio ki he lagi.

¶ 12 Bea nae mamata ki ai a Ilaisa, bea naa ne kalaga, A eku tamai, a eku tamai, koe jaliote o Isileli, moe kau heka hosi oia. Bea nae ikai toe mamata ia kiate ia: bea naa ne buke a hono gaahi kofu oona, mo ne hae ua ia.

13 Naa ne too hake foki ae bulubulu o Ilaija aia nae to hifo meiate ia, bea ne foki ki mui, mo ne tuu ki ke kauvai o Joatani:

14 Bea naa ne too ae bulubulu o Ilaija aia nae to hifo meiate ia, o ne ta aki ae gaahi vai, mo ne behe, Kofaia a Jihova koe Otua o Ilaija? bea i he ene ta foki eia ae gaahi vai, naa nau vahe kehekehe, ka ka alu atu a Ilaisa  ki he kauvai e taha.

15 Bea i he jio kiate ia ae gaahi foha oe kau balofita aia nae alu atu mei Jeliko ke mamata, naa nau behe, Kuo hoko ae laumalie o Ilaija kia Ilaisa. Bea naa nau omi ke fetaulaki mai kiate ia, mo nau fakatomabee hifo akinautolu ki he kelekele i hono ao.

16 Bea naa nau behe kiate ia, Koeni, vakai, oku i hoo kau tamaioeiki ae kau tagata malohi e toko nimagofulu; oku mau kole, ke ke tuku akinautolu ke alu, o kumi ki hoo eiki: telia naa kuo too hake ia e he Laumalie o Jihova, mo ne li hifo ia ki ha tumuaki mouga, be ki ha telea. Bea nae beheage eia, E ikai te mou fekau  ha niihi.

17 Bea i he e nau kole fakafiu kiate ia, naa ne behe, Fekau be. Koia naa nau fekau atu ae kau tagata e toko nimagofulu; bea naa nau kumi i he aho e tolu, ka nae ikai ilo ia.

18 Bea i he e nau toe hoko mai kiate ia, (he naa ne tatali be i Jeliko,) naa ne behe kiate kinautolu, Ikai naaku tala kiate kimoutolu, Ke oua naa mou alu?

¶ 19 Bea nae behe e he kau tagata oe kolo kia Ilaisa, Vakai koe, oku matamatalelei ae tuuaga oe kolo ni, o hage koia oku jio ki ai a hoku eiki: ka oku kovi a hono vai, bea oku kakā ae kelekele.

20 Bea nae beheage eia, Omi kiate au ha ibu kelekele foou, bea ai ha masima ki ai. Bea naa nau omi ia kiate ia.

21 Bea nae alu atu ia ki he bunaaga oe gaahi vai, mo ne li ki ai ae masima, mo ne behe, Oku behe e Jihova, Kuou fakamoui ae gaahi vai ni; e ikai toe hoko mei ai ha mate be ha taefua.

22 Bea behe, nae fakamoui ae gaahi vai o a‘u mai ki he aho ni, o fakatatau ki he lea nae lea aki e Ilaisa

¶ 23 Bea naa ne alu hake mei he botu koia ki Beteli: bea i he ene alu hake i he hala, nae hu mai mei he kolo ae tamaiki iki, o nau manuki kiate ia, mo nau behe ki ai, Alu hake, akoe koe tula; alu hake akoe koe tula e.

24 Bea naa ne tagaki ki mui, mo ne jio kiate kinautolu, bea ne fakamalaia‘i akinautolu i he huafa o Jihova. Bea nae ha‘u mei he vao ae faga beaa fefine e ua, o na haehae ae fānau e toko fagofulu ma toko ua iate kinautolu.

25 Bea naa ne alu atu mei he botu koia ki he mouga ko Kameli, bea naa ne foki mai mei ai ki Samelia.