¶ 1 BEA ko Neamani, koe eiki bule ki ke kau tau oe tu‘i o Silia, koe tagata ia nae eiki mo ogoogolelei i he ao o ene eiki, koeuhi koe mea iate ia, nae foaki e Jihova ae fakamoui ki Silia: koe tagata foki ia nae malohi aubito i he tau, ka koe kilia.

2 Bea i he alu atu ae gaahi kogakau oe kakai Silia, naa nau omi bobula ha taahine jii mei he fonua o Isileli; bea nae tauhi eia ki he unoho o Neamani.

3 Bea nae behe eia ki he ene fine eiki, Taumaia kuo nofo a eku eiki moe balofita aia oku i Samelia! he te ne fakamoui ia mei he ene kilia.

4 Bea nae aluage ae toko taha, mo ne tala ki he ene eiki, o behe, Oku behe mo behe e he taahine aia oku mei he fonua o Isileli.

5 Bea nae behe e he tu‘i o Silia, Oku lelei, alu, bea teu atu ha tohi ki he tu‘i o Isileli. Bea naa ne alu, bea ne ave moia ae taleniti siliva e hogofulu, moe koga koula e ono afe, moe kofu katoa e hogofulu.

6 Bea naa ne omi ae tohi ki he tu‘i o Isileli, o behe, Koeni oka hoko atu ae tohi ni kiate koe, vakai, kuou fekau atu moia kiate koe a Neamani ko eku tamaioeiki, koeuhi ke ke fakamoui ia mei he ene kilia.

7 Bea nae hoko o behe, hili a ene lau e he tu‘i o Isileli ae tohi, naa ne haehae a hono gaahi kofu, mo ne behe, He koe Otua au, ke tamate mo fakamoui, kuo fekau ai e he tagata ni keu fakamoui ha tagata mei he ene kilia? Koia mou vakai, bea mou tokaga ki he ene kumi ha mea ke fakatubu ai ae kovi kiate au.

¶ 8 Bea i he ene fanogo e Ilaisa koe tagata oe Otua ki he haehae e he tu‘i o Isileli a hono gaahi kofu, naa ne fekau ai ki he tu‘i, o behe, Koeha kuo ke haehae ai ho gaahi kofu? Tuku ke ne ha‘u kiate au, bea te ne ilo oku ai ha balofita i Isileli.

9 Koia nae ha‘u a Neamani mo ene faga hose bea mo ene jaliote, bea tuu i he mataba oe fale o Ilaisa.

10 Bea nae fekau atu e Ilaisa ha tagata fekau kiate ia, o behe, Alu o kaukau i Joatani ke liuga fitu, bea e toe hoko mai ho kakano kiate koe, bea te ke maa ai.

11 Ka nae ita lahi a Neamani, bea alu ia, mo ne behe, Vakai, naaku behe eau, te ne omi mooni kitua kiate au, bea tuu, o ne ui ki he huafa o Jihova ko hono Otua, mo ne ala aki a hono nima ki he botu, mo ne fakamoui ai ae kilia.

12 Ikai oku lelei hake a Abana mo Baabaa koe vaitafe i Tamasikusi, i he gaahi vai kotoabe o Isileli? ikai teu faa kaukau i ai, beau maa ai? Koia, naa ne foki atu o alu i he ita lahi.

13 Bea nae fakaofi atu a ene kau tamaioeiki kiate ia, mo nau lea kiate ia, o behe, Eku tamai, ka ne tala e he balofita ke ke fai ha mea lahi, ikai kuo ke fai ia? kae mua hake eni, a ene behe mai kiate koe, Kaukau, bea te ke maa ai?

14 Bea naa ne toki alu hifo, mo ne kaukau ia o liuga fitu i Joatani, o hage koe lea ae tagata oe Otua: bea nae toe hoko mai kiate ia a hono kakano, o hage koe kakano o ha tamajiijii, bea naa ne maa ai.

15 Bea naa ne toe aluage ki he tagata oe Otua, aia mo ene kau fonoga kotoabe, bea ha‘u, o ne tuu i hono ao: bea naa ne behe, Vakai, oku ou toki ilo eni oku ikai ha Otua i mamani kotoabe, ka i Isileli be: bea koia oku ou kole, ke ke ma‘u ha mea ofa mei hoo tamaioeiki.

16 Ka nae behe eia, Oku moui a Jihova aia oku ou tuu ni i hono ao, bea e ikai teu ma‘u ha mea. Bea naa ne kole fakamatoato ke ne ma‘u ia; ka nae ikai loto ia ki ai.

17 Bea nae behe e Neamani, Bea ka ku o behe, oku ou kole ai ke omi ki hoo tamaioeiki ha kavega e ua oe kelekele ke fakaheka ki ha miuli e ua? Koeuhi e ikai jii toe atu e hoo tamaioeiki ha feilaulau tutu, be ha feilaulau ki ha gaahi otua kehe, ka kia Jihova be.

18 Ke fakamolemole e Jihova a hoo tamaioeiki i he mea koeni, oka hu atu a eku eiki ki he fale o Limoni ke lotu ai, bea oku ne faaki ki hoku nima, bea oku ou bunou hifo i he fale o Limoni: o kau ka bunou hifo au i he fale o Limoni, ke fakamolemole e Jihova a hoo tamaioeiki i he mea ni.

19 Bea naa ne behe kiate ia, Ke ke alu i he fiemalie. Bea naa ne alu o mamamamao jii mei he botu koia.

¶ 20 Ka nae behe e Kehesi koe tamaioeiki a Ilaisa koe tagata oe Otua, Vakai, kuo mamae a eku eiki ki he tagata Silia ni ko Neamani, koe mea i he ene tae ma‘u mei hono nima ae mea naa ne omi: kae hage oku moui a Jihova, teu lele atu kiate ia, o ma‘u ha mea meiate ia.

21 Koia nae muimui atu a Kehesi kia Neamani. Bea i he jio a Neamani ki he ene lele mai kiate ia, naa ne alu hifo mei he ene jaliote ke fetaulaki kiate ia, mo ne behe, Oku lelei kotoabe?

22 Bea naa ne behe, Oku lelei kotoabe. Kuo fekau au e he eku eiki, ke fakaha, Vakai, kuo ha‘u eni kiate au mei he mouga o Ifalemi ae ogo talavou mei he gaahi foha oe kau balofita: bea oku ou kole ke ke foaki kiate kinaua, ha taleniti siliva e taha, moe gaahi kofu katoa e ua.

23 Bea nae behe e Neamani, Ke ke fiemalie be, ave ae taleniti e ua. Bea naa ne ue‘i malohi ia, bea naa ne nootaki ae taleniti siliva e ua ki he kato e ua, moe gaahi kofu katoa e ua, bea naa ne ai ia ki he ene tamaioeiki e toko ua; bea naa na fua atu ia i hono ao.

24 Bea i he ene hoko atu ki he fale leo, naa ne too ia mei ho na nima, mo ne ai atu ia ki fale: bea naa ne tukuage ae ogo tagata ke alu, bea naa na alu.

25 Ka nae hu atu ia  ki fale, mo ne tuu i he ao o ene eiki. Bea nae behe e Ilaisa kiate ia, Kuo ke ha‘u meife Kehesi? Bea naa ne behe eia, Nae ikai alu hoo tamaioeiki ki ha botu.

26 Bea naa ne beheage kiate ia, Ikai nae alu a hoku loto mo koe, i he ene tafoki mai ae tagata mei hono jaliote ke fakafetaulaki kiate koe? he koe kuoga eni ke ma‘u kofu, moe goue olive, moe goue vaine, moe faga sibi, moe faga bulu, moe kau tamaioeiki, moe kau kaunaga?

27 Koia foki, e biki kiate koe ae kilia nae ia Neamani, bea ki ho hako o taegata. Bea naa ne alu atu mei hono ao koe kilia o tatau moe uha hinehina.