¶ 1 BEA nae behe e he gaahi foha oe kau balofita kia Ilaisa, Vakai eni, kuo abiabi kiate kitautolu ae botu oku tau nonofo ai mo koe.

2 Oku mau kole kiate koe, ke ke tuku ke mau alu ki Joatani, bea taki taha too e he tagata haane akau lalaga, bea mau gaohi i ai ha botu ke tau nofo ai. Bea nae talaage eia, o behe, Mou alu.

3 Bea nae behe e he toko taha, Oku ou kole ke ke fiemalie mo ke alu mo hoo kau tamaioeiki. Bea naa ne beheage, Teu alu be.

4 Koia naa ne alu ai mo kinautolu. Bea i he e nau hoko atu ki Joatani, naa nau fai ae taaga.

5 Kae lolotoga a ene ta ha akau e he toko taha, nae to hifo ae toki ukamea ki he vai: bea naa ne tagi mo behe, Oiaue, a  eku eiki! he nae no ia.

6 Bea nae behe e he tagata oe Otua, Nae to hifo ia i he fe? Bea naa ne fakaha kiate ia ae botu. Bea naa ne tutuu mai ha vaa akau mo ne li ia ki ai; bea nae tētē hake ae ukamea.

7 Koia nae behe eia, Too hake ia kiate koe. Bea naa ne mafao atu hono nima, mo ne too ia.

¶ 8 Bea nae fai ae tau e he tu‘i o Silia ki Isileli, bea ne fakakaukau mo ene kau tamaioeiki, o behe, E i he botu koe moe a hoku abitaga tau.

9 Bea nae fekau atu e he tagata oe Otua ki he tu‘i o Isileli, o behe, Vakai ke oua naa ke aluage ki he botu na; he kuo hoko hifo ki ai ae kakai Silia.

10 Bea nae fekau atu e he tu‘i o Isileli ki he botu nae fakailo e he tagata oe Otua mo valoki ai ia, bea naa ne fakamoui ia i ai o ikai ke liuga taha be liuga ua.

11 Koia nae bubutuu lahi ae loto oe tu‘i o Silia i he mea ni; bea naa ne ui mai a ene kau tamaioeiki, mo ne behe kiate kinautolu, E ikai te mou fakaha mai be kohai iate kitautolu oku kau ki he tu‘i o Isileli?

12 Bea nae behe e he toko taha o ene kau tamaioeiki, A eku eiki koe tu‘i, oku ikai ha toko taha ka ko Ilaisa be koe balofita aia oku i Isileli, oku tala ki he tu‘i o Isileli ae gaahi lea aia oku ke lea aki i hoo botu mohe.

13 Bea naa ne behe, Alu o vakai be oku ife ia, koeuhi keu fekau atu mo omi ia. Bea nae tala kiate ia, o behe, Vakai oku ne nofo i Totani.

14 Koia naa ne fekau ki ai ae faga hose, moe gaahi jaliote, moe fuu kakai toko lahi: bea naa nau omi bouli be o nau kabui ae kolo.

15 Bea i he ene tuu hegihegi hake ae tamaioeiki ae tagata oe Otua, mo ne alu kitua, Vakai, nae kabui ae kolo e he fuu kakai toko lahi aki ae faga hose moe gaahi jaliote. Bea nae behe e he ene tamaioeiki kiate ia, Oiaue a eku eiki! koeha te ta fai?

16 Bea nae beheage eia, Oua naa ke manavahe: he ko kinautolu oku kau mai kiate kitaua oku toko lahi hake iate kinautolu oku kau kiate kinautolu.

17 Bea nae lotu a Ilaisa, o ne behe, E Jihova, oku ou kole kiate koe, ke ke fakaa a hono mata, koeuhi ke ne mamata. Bea nae fakaa ae mata oe talavou e Jihova; bea naa ne jio: bea vakai, nae fonu ae mouga i he faga hose moe gaahi jaliote afi nae nofo takatakai ia Ilaisa.

18 Bea i he e nau hoko hifo kiate ia, nae lotu a Ilaisa kia Jihova, o ne behe, Oku ou kole kiate koe ke ke ta‘i ae kakai ni ke nau kui. Bea naa ne ta‘i ke kui akinautolu o hage koe lea a Ilaisa.

19 Bea nae behe e Ilaisa kiate kinautolu, Oku ikai koe hala eni, bea oku ikai koe kolo eni: muimui mai iate au, bea teu omi akimoutolu ki he tagata oku mou kumi ki ai. Ka naa ne tataki akinautolu ki Samelia.

20 Bea i he e nau hoko mai ki Samelia, nae behe e Ilaisa, E Jihova, ke ke fakaa ae mata oe kau tagata ni, koeuhi ke nau mamata. Bea nae fakaa ho nau mata e Jihova, bea naa nau mamata; bea vakai, kuo nau i he loto  kolo o Samelia.

21 Bea nae behe e he tu‘i o Isileli kia Ilaisa, i he ene mamata kiate kinautolu, A eku tamai, teu teia akinautolu be ikai? teu teia akinautolu?

22 Bea nae beheage eia, E ikai te ke teia akinautolu: te ke fie tamate akinautolu kuo ke ma‘u bobula i hoo heleta bea mo hoo kaufana? tuku ki ho nau ao ae ma moe vai, koeuhi ke nau kai mo inu, bea alu ki ho nau eiki.

23 Bea naa ne teuteu ma anautolu ae meakai lahi: bea hili e nau kai mo inu, naa ne fekau ke nau alu, bea naa nau alu ki ho nau eiki. Bea behe, nae ikai toe ha‘u ae gaahi kau tau mei Silia ki he fonua o Isileli.

¶ 24 Bea hiliage eni, nae tanaki e Benihatati koe tu‘i o Silia a ene kau tau kotoabe, mo ne alu hake, o ne kabui a Samelia aki ae tau.

25 Bea nae lahi aubito ae hoge i Samelia: bea vakai, naa nau kabui ai be ia aki ae tau, bea koe mea ia nae fakatau ai ae ulu oe asi aki ae baaga siliva e valugofulu, bea moe vahe fa oe kabe oe te lube ki he koga siliva e nima.

26 Bea lolotoga ae aluage ae tu‘i o Isileli i he fuga a, nae tagi mai kiate ia ha fefine, o behe, E hoku eiki, koe tu‘i, tokoni mai.

27 Bea nae behe eia, Kabau e ikai fakamoui koe e Jihova, e fefe a eku tokoni koe eau? mei he tukuaga uite, be mei he tataoaga uaine?

28 Bea nae behe e he tu‘i kiate ia, Koeha a hoo mamahi? Bea nae behe eia, Nae behe mai e he fefine ni kiate au, Foaki hoo tama aau, ke ta kai ia he aho ni, bea te ta kai a eku tama aaku i he abogibogi.

29 Koia ne ma haka a eku tama, bea ne ma kai ia: bea naaku behe kiate ia i be aho e taha, Foaki a hoo tama aau, ke ta kai ia: ka kuo ne fufu a ene tama.

30 Bea vakai i he ene fanogo e he tu‘i ki he gaahi lea ae fefine, naa ne haehae a hono gaahi kofu; bea naa ne aluage i he fuga a, bea nae jio ae kakai, bea vakai kuo ne ai ae kofu tauagaa ki loto ki hono kakano.

31 Bea naa ne toki behe, Ke fai behe e he Otua kiate au o lahi hake, o kabau e kei tuu ae ulu o Ilaisa koe foha o Safati kiate ia he aho ni.

32 Ka nae nofo be a Ilaisa i hono fale, bea nae nonofo moia ae kau mātua; bea nae fekau atu  e he tu‘i ha tagata meiate ia: ka i he heeki hoko mai ae talafekau kiate ia, naa ne behe ki he kau mātua, Oku mou vakai, ki he ene fekau mai e he foha ni oe fakabo, ke ne too o ave a hoku ulu? vakai, oka hoko mai ae talafekau, tabuni ae mataba, bea taofi mau ia ki he mataba: ikai kuo batū mai ae va‘e o ene eiki ki mui iate ia?

33 Bea lolotoga a ene kei talanoa mo kinautolu, vakai, nae hoko hifo kiate ia ae talafekau: bea naa ne behe, Vakai oku mei a Jihova ae kovi ni; koe umaa a eku kei tatali ai kia Jihova?