¶ 1 BEA e tubu hake ha tokotoko mei he tefito o Jese, bea e tubu ha Vaa mei hono gaahi aka:

2 Bea e nofo iate ia ae Laumalie o Jihova, ae laumalie oe boto moe faa ilo, ae laumalie oe akonaki moe malohi, ae laumalie oe ilo bea moe manavahe kia Jihova;

3 Bea e ilo vave eia ae manavahe kia Jihova: bea e ikai te ne fakamāu i he vakai a hono fofoga, be valoki o hage koe fanogo a hono teliga:

4 Ka i he maonioni te ne fakamāu ae majiva, bea valoki i he tae filifilimanako ma ae agavaivai oe fonua: bea te ne ta‘i a mamani aki ae mea ta o hono fofoga, bea te ne tamate ae agakovi aki ae mānava o hono lougutu.

5 Bea koe noo o hono koga loto ae maonioni, bea koe nonoo o hono nootaga vala ae mooni.

6 Bea e toki nofo fakataha ae ulofi moe lami, bea e tokoto fakataha ae lebate moe uhiki‘i koji; bea e fakataha ae uhiki‘i bulu moe laione mui bea moe manu fafaga; bea e tataki akinautolu e ha tamajii jii.

7 Bea e kai fakataha ae bulu fefine moe beaa; bea e tokoto fakataha ho nau uhiki: bea e kai e he laione ae kau oe koane o hage koe bulu.

8 Bea koe tamajii oku kei huhu te ne vaiga i he luo oe gata, bea koe tamajii kuo fakamavae te ne ai hono nima ki he ana oe gata fekai.

9 E ikai te nau fakamamahi be fakaauha i ha botu o hoku mouga maonioni: koeuhi e fonu a mamani i he ilo‘i o Jihova, o hage oku ufiufi e he gaahi vai ae kiliji tahi.

¶ 10 Bea i he aho koia e i ai ae aka o Jese, aia e tuu koe fuka ae kakai: e kumi ki ai ae gaahi Jenitaile: bea e lelei aubito a hono mālōlōaga.

11 Bea e hoko o behe i he aho koia, e toe ai e Jihova hono nima ko hono liuga ua ke fakamoui ae toega o hono kakai, aia e fakatoe, mei Asilia, bea mo Ijibite, bea mo Batolose, bea mo Kusi, bea mo Ilami, bea mei Saina, bea mei Hamate, bea mei he gaahi motu oe tahi.

12 Bea te ne fokotuu ha fuka ki he gaahi buleaga, bea te ne fakataha ae kau liaki o Isileli, bea tanaki fakataha ae kau vetekina o Juta mei he vahe e fa o mamani.

13 Bea e mole ae meheka mei a Ifalemi, bea e fakaauha moe gaahi fili o Juta: e ikai kei fehia a Ifalemi kia Juta, bea ko Juta e ikai te ne fakamamahi‘i a Ifalemi.

14 Ka te na buna ki he luluga i he uma oe kakai Filisitia; bea te na faao moe botu hahake: te nau ai ho nau nima ki Itomi mo Moabe; bea e talagofua kiate kinautolu ae fānau a Amoni.

15 Bea e fakaauha aubito e Jihova ae elelo oe tahi o Ijibite; bea te ne lulululu hono nima ki he vaitafe aki ene matagi lahi, bea e ta‘i eia i hono maga‘i vai e fitu, bea e alu tae viku ai ae kakai.

16 Bea e i ai ae hala motua ki he toega o hono kakai, aia e toe i Asilia, o hage koia ne ma‘u e Isileli i he aho nae alu hake ai ia mei he fonua ko Ijibite.