¶ 1 KOEUHI e aloofa a Jihova kia Jekobe, bea te ne fili a Isileli, e fokotuu akinautolu i ho nau fonua: bea e fakataha mo kinautolu ae kakai muli, bea te nau bikitai ki he fale o Jekobe.

2 Bea e tataki akinautolu e he kakai, o omi akinautolu ki ho nau botu: bea e ma‘u akinautolu e he fale o Isileli i he fonua o Jihova koe kau tamaioeiki moe kau kaunaga: bea te nau fakabobula‘i akinautolu, naa nau bobula ki ai; bea te nau bule‘i akinautolu nae fakamalohi‘i akinautolu.

3 Bea e hoko o behe, i he aho koia e foaki kiate koe ae mālōlō mei hoo mamahi, mo hoo manavahe, bea mei he bobula mamahi aia naa mou moulaloa ki ai.

¶ 4 Te ke too hake ae lea mamafa ni ki he tu‘i o Babilone, o behe, Hono ikai kuo jiaki aia nae bule fakamalohi! hono ikai kuo jiaki ae kolo nae faa kumi koula!

5 Kuo feji‘i e Jihova ae tokotoko oe agakovi, bea moe fakailoga oe kau bule.

6 Ko ia nae ta‘i ae kakai i he tubutamaki aki ae tautea taetuku, ko ia nae bule‘i ae gaahi buleaga i he ita, kuo fakataga‘i ia, bea oku ikai taofi e ha taha.

7 Oku mālōlō a mamani kotoabe, bea fiemalie: oku nau kamata hiva fiefia.

8 Io, oku fiefia iate koe ae gaahi akau koe baini, bea moe gaahi sita o Lebanoni, o nau behe, Talu hoo to ki lalo koe, kuo ikai ha‘u kiate kimautolu ha tagata taaga.

9 Oku gau‘e a hetesi mei lalo maau ke fakafetaulaki kiate koe i ho ha‘u: oku ne ue‘i ae mate maau, io ae kau tuu kimua kotoabe o mamani; kuo ne fokotuu mei ho nau nofoaga ae gaahi tu‘i kotoabe oe gaahi buleaga.

10 E lea akinautolu kotoabe o behe kiate koe, Kuo ke hoko o vaivai o hage ko kimautolu ni? kuo ke hoko o tatau mo kimautolu ni?

11 Kuo fakahifo hoo laukau ki he faitoka, bea moe logoaa o hoo gaahi mea lea: kuo fofola i lalo iate koe ae faga kelemutu, bea kafu aki koe ae faga kelemutu.

12 E Lusifa, koe foha oe bogibogi! hono ikai to hifo koe mei he lagi! hono ikai tuuji ki lalo koe ki he kelekele, akoe ne ke fakavaivai‘i ae gaahi buleaga!

13 He naa ke behe i ho loto, Teu alu hake ki he lagi, teu fokotuu ke maoluga hake a hoku nofoaga i he gaahi fetuu oe Otua: bea teu nofo i he mouga oe fakatahaaga, i he gaahi botu tokelau:

14 Teu alu hake ke maoluga i he gaahi ao; teu tatau mo ia oku maoluga taha be.

15 Ka e hifo koe ki lalo ki he faitoka, ki he kaokao oe luo.

16 Ko kinautolu e mamata kiate koe te nau jio fakamamau kiate koe, bea fakalaulauloto kiate koe, o behe, Koe tagata koa eni nae gaohi ke tetetete ai a mamani, aia nae lulululu ae gaahi buleaga;

17 Aia naa ne gaohi a mamani ke hage ko ha toafa, bea ne fakaauha hono gaahi kolo; aia nae ikai fakaava ae fale o ene kau bobula?

18 Oku takoto i he nāunāu ae tu‘i kotoabe oe gaahi buleaga, io akinautolu kotoabe, taki taha i hono fale.

19 Ka kuo li koe mei ho fonualoto o hage koe vaa fakalielia, bea hage koe kofu okinautolu kuo tamate‘i, aia kuo hoka‘i aki ae heleta, aia oku alu hifo ki he gaahi maka oe luo; bea hage koe agaaga kuo malamalaki i he lalo va‘e.

20 E ikai fai fakataha ho tanu mo kinautolu, koeuhi kuo ke fakaauha ho fonua, bea tamate‘i mo hoo kakai: e ikai aubito ogoogolelei ae hako oe fai mea kovi.

21 Teu‘i ae fakabo ki he ene fānau koeuhi koe hia ae nau gaahi tamai; ke oua naa nau tuu hake, be ma‘u ae fonua, be ufiufi aki ae fuga o mamani ae gaahi kolo.

22 He oku behe e Jihova oe gaahi kau tau, Teu tuu hake kiate kinautolu, bea tuuji mei Babilone ae higoa, mo hono toega  kakai, moe foha, bea moe fānau a hono foha, oku behe e Jihova.

23 Oku behe foki e Jihova oe gaahi kau tau, Teu gaohi ia koe botu oe bitani, moe gaahi luo vai; bea teu tafi kituaniu ia aki ae mea tafi oe fakaauha.

¶ 24 Kuo fuakava a Jihova oe gaahi kau tau, o behe, Koe mooni e hoko o hage koia kuou fifili ki ai, bea hage koia kuou tuutuuni, koia be e tuu mau:

25 Keu laiki ae tagata Asilia i hoku fonua bea teu malaki hifo ia i hoku gaahi mouga: bea e toki mahui iate kinautolu a ene haamoga, bea hiki mo ene kavega mei ho nau uma.

26 Ko eni ae mea kuo tuutuuni ki mamani kotoabe: bea ko eni ae nima kuo mafao atu ki he gaahi buleaga kotoabe.

27 He kuo finagalo ki ai a Jihova oe gaahi kau tau, bea kohai te ne taofi ia? bea kuo mafao atu hono nima, bea kohai te ne fakafoki ia?

28 I he ta‘u nae bekia ai ae tu‘i ko Ahasi nae fakaha ae tala mamafa ni.

¶ 29 Oua naa ke fiefia, e Filisitia kotoa, koeuhi kuo feji‘i ae mea ta oia naa ne ta‘i koe: koeuhi e tubu mai mei he tefito oe gata ae gata fekai lahi, bea ko hono fua oia koe gata vela oku buna.

30 Bea e makona ae uluaki fanau ae baea, bea e tokoto i he fiemalie ae majiva: bea teu tamate‘i ho tefito aki ae hoge, bea te ne ta‘i ho toega  kakai.

31 Tagi, ae mataba, tagiloa, ae kolo; akoe, ko Filisitia kotoa, kuo mole i he manavahe: koeuhi e ha‘u mei he tokelau ae ohuafi, bea e ikai he ha toko taha i he ene gaahi kau tau.

32 Bea koeha ha lea e tali aki e ha toko taha ki he kau talafekau mei he buleaga? Aeni, Kuo laga hake e Jihova a Saione, bea e falala ki ai ae kau majiva a hono kakai.