¶ 1 KOE tala mamafa oku kau ki he telea oe mea ha mai. Koeha kuo hoko kiate koe, koeuhi ke alu ai hoo kakai kotoabe ki he gaahi tua fale?

2 Akoe oku ke fonu i he logoaa, koe kolo maveuveu, koe kolo oe fakavā: ko hoo kakai kuo mate nae ikai mate i he heleta, be mate i he tau.

3 Kuo hola fakataha hoo kau bule kotoabe, kuo ha‘ijia akinautolu e he kau tagata fana: ko kinautolu kotoabe oku ilo iate koe kuo ha‘i fakataha, akinautolu kuo hola mei he mamao.

4 Koia naaku behe, Jio kehe meiate au; teu tagi mamahi, oua naa ahiahi ke fakafiemalie‘i au, koeuhi koe maumau oe ofefine o hoku kakai.

5 He koe aho oe mamahi ia, moe malaki hifo, bea moe faigataa, koeuhi koe Eiki ko Jihova oe gaahi kau tau i he telea oe mea ha mai, i he maumau‘i ae gaahi a maka, bea moe tagi ki he gaahi mouga.

6 Bea nae too e Ilami ae hofagahau moe gaahi saliote ae tagata moe tagata heka hose, bea too e Kili ae kofu oe fakaū.

7 Bea e behe, e fonu ho gaahi telea lelei i he gaahi saliote, bea e fakate ae kau tau heka hose i he mataba.

8 Bea e tatala ae mea ufiufi o Juta, bea te ke vakai i he aho koia ki he mahafu tau i he fale oe vao lahi.

9 Bea te mou mamata ki he gaahi ava i he kolo o Tevita, koeuhi oku lahi ia: bea te mou tanaki fakataha ae gaahi vai ki he luo vai ki lalo.

10 Bea kuo mou lau ae gaahi fale o Jelusalema, bea kuo mou veteki ae gaahi fale ke fakamalohi aki ae a maka.

11 Bea te mou gaohi ae keli i he vahaa oe ogo a maka ki he vai oe luo vai motua: ka oku heeki te mou vakai kiate ia aia nae gaohi ia, be fakaabaaba kiate ia aia nae fakatubu ia i mua aubito.

12 Bea i he aho koia nae ui e he Eiki ko Jihova oe gaahi kau tau ke tagi, bea ke tagilāulāu, bea ke fafai ae ulu, bea ke vala aki ae tauagaa.

13 Bea vakai nae i ai ae fiemalie moe fiefia, koe tamate‘i oe faga bulu, moe tamate‘i oe faga sibi, moe kai ae kakano, moe inu uaine: ke tau kai mo inu; he koe abogibogi te tau mate.

14 Bea nae fakaha e Jihova oe gaahi kau tau ki hoku teliga, Koe mooni e ikai te mou maa i he hia ni kae oua ke mou mate, oku behe e he Eiki ko Jihova oe gaahi kau tau.

¶ 15 Oku behe e he Eiki ko Jihova oe gaahi kau tau, Alu, ke ke hoko ki he tagata tauhi koloa ni, io kia Sebina, aia oku bule ki he fale, bea ke behe,

16 Koeha oku ke ma‘u i heni? bea kohai oku ke ma‘u i heni? Koeuhi kuo ke ta moou i heni ha fonualoto, o hage koia oku ta moona ha fonualoto i he maoluga, bea oku togi ha nofoaga moona i he maka?

17 Vakai, e ave koe e Jihova i he fakabobula fakamanavahe, bea koe mooni te ne taomia koe.

18 Koe mooni te ne foki mai bea li malohi koe o hage ko ha mea fuobotoboto ki ha fonua lahi: bea te ke mate ai, bea e hoko i ai a hoo gaahi saliote lelei koe fakama oe fale o hoo eiki.

19 Bea teu kabuji koe mei hoo botu, bea te ne toho hifo koe mei ho buleaga.

¶ 20 Bea e hoko o behe i he aho koia, teu ui eku tamaioeiki ko Iliakimi koe foha o Hesekaia:

21 Bea teu fakakofu aki ia a ho kofu tōtōlōfa, bea teu fakamalohi aki ia ho noo, bea teu tuku hoo bule ki hono nima: bea te ne hoko koe tamai ki he kakai o Jelusalema, bea ki he fale o Juta.

22 Bea koe ki oe fale o Tevita teu ai ki hono uma; koia te ne too, bea e ikai tabuni e ha taha; bea te ne tabuni, bea e ikai too e ha taha.

23 Bea teu fakamau ia o hage ha fa‘o i ha botu oku mau; bea te ne hoko koe nofoaga lelei lahi ki he fale o ene tamai.

24 Bea te nau tautau iate ia ae lelei kotoabe oe fale o ene tamai, koe hako moe fānau, ae gaahi ibu jii kotoabe, mei he kihii ibu inu, o a‘u ki he gaahi ibu kehe kotoabe.

25 Oku behe e Jihova oe gaahi kau tau, i he abo koia e too ae fa‘o nae takamau ki he botu mau, bea e tuuji ki lalo, bea homo ia; bea koe kavega nae i ai e tuuji ke motu; he kuo folofola behe a Jihova.