¶ 1 MALAIA ki he tatā oe laukau, ki he kau kona o Ifalemi, akinautolu oku hage koe fiji akau mae ae nau toulekeleka ogoogolelei! kiate kinautolu oku nofo i he ulu oe vanu kelekele moui onautolu oku kona i he uaine!

2 Vakai, oku i he Eiki ha toko taha mafimafi mo malohi, o hage koe taufa uha maka, o hage koe afā fulikele, o hage koe tafe hifo ae gaahi vai lahi oku tafe malohi, te ne ta hifo ki he kelekele aki hono nima.

3 Koe tatā oe laukau, ae kakai kona o Ifalemi, e molomoloki i he lalo va‘e:

4 Bea koe toulekeleka ogoogolelei, aia oku i he ulu oe vanu kelekele moui, e hoko ia koe fiji akau mae, bea hage koe fua tubu vave i he heeki hoko ae faahita‘u mafana: aia oku toli leva eia oku mamata ki ai, bea i he ene i hono nima oku ne kai leva ia o oji.

¶ 5 I he aho koia e hoko a Jihova oe gaahi kau tau koe tatā ogoogolelei, bea koe bale fakasanisani, ki hono toe o hono kakai,

6 Bea koe laumalie oe fakamāu kiate ia oku nofo ke fakamāu, bea koe malohi kiate kinautolu oku fakafoki ae tau ki he mataba.

¶ 7 Ka kuo nau he i he uaine, bea koeuhi koe inu malohi kuo nau he mei he hala; kuo he ae taulaeiki bea moe balofita i he inu malohi, oku nau moua ki he uaine, kuo nau he mei he hala koe mea i he inu malohi; oku ninimo he nau mata, oku nau humu i he fakamāu.

8 He oku fonu ae gaahi keinagaaga kotoabe i he lua moe fakalielia, koia oku ikai ha botu oku maa.

¶ 9 Te ne ako ki ahai ae ilo? bea kohai te ne akonaki‘i ke ne ilo a ene akonaki? ko kinautolu kuo fakamavae mei he hua huhu, bea kuo too mei he huhu.

10 He kuo ai ae fekau ki he fekau, ae fekau ki he fekau; ae otu lea ki he otu lea, ae otu lea ki he otu lea; koe jii i heni bea jii i hena:

11 He te ne lea mooni aki ki he kakai ni ae lougutu fakale‘ole‘ovale bea moe elelo kehe.

12 Aia naa ne behe kiate kinautolu, Ko eni ae mālōlō te ke fakamālōlō aki ae kakai ogojia; bea ko eni ae fakafiemalie; ka naa nau fakaogotuli.

13 Ka nae iate kinautolu ae folofola a Jihova koe fekau ki he fekau, koe fekau ki he fekau; koe otu lea ki he otu lea, koe otu lea ki he otu lea; koe jii i heni, bea jii i hena; koeuhi ke nau alu ai, bea higa fakaholomui, bea mafejifeji bea tauhele‘i, bea moua ai akinautolu.

¶ 14 Koia mou fanogo ki he folofola a Jihova, akimoutolu ae kau tagata baetaku oku bule ae kakai ni oku i Jelusalema.

15 Koeuhi kuo mou behe, Kuo mau fuakava moe mate, bea kuo mau feofoofani mo heli; oka ba mai ae tautea fakaauha, e ikai a‘u mai ia kiate kimautolu: he kuo mau hufaga aki ae loi, bea kuo mau fufu akimautolu i he kākā:

16 Koia oku behe e he Eiki ko Jihova, Vakai, oku ou ai i Saione ae maka tuuga; ae maka kuo ahiahi‘i, koe fugani maka tuliki, koe tuuga mau: ko ia oku tui kiate ia e ikai bubutuu ia.

17 Teu ai foki ae fakamāu ki he afo fua, moe maonioni ki he mea fakatotonu: bea koe uha maka te ne tafi ke mole ae hufaga oe loi, bea e lomaki‘i e he gaahi vai ae toitoiaga.

¶ 18 Bea e maumau‘i hoo mou fuakava moe mate, bea e ikai tuu ho mou loto taha mo heli; oka ba mai ae tautea fakaauha, e toki malaki hifo ai akimoutolu.

19 Bea i he ene ba atu te mou moua ai; he te ne alu atu i he bogibogi moe bogibogi, io i he aho moe bo: bea naa mo ene uulu mai be e tubu ai ae ilifia.

20 He oku nounou ae mohega ki he tokoto i ai: bea oku lau jii ae kafu ke ne fakakafu aki ia.

21 E tuu hake a Jihova o hage ko ene i he mouga ko Bilasimi, te ne houhau o hage koia i he telea o Kibione, koeuhi ke ne fai ene gaue, a ene gaue fakaofo; ke ne fakahoko a ene gaue, ko ene gaue foou.

22 Koia ke oua naa mou manuki, telia naa gaohi ho mou ha‘i ke malohi: he kuou fanogo i he Eiki ko Jihova oe gaahi kau tau, e fai ae fakaauha, io kuo tuutuuni ki mamani kotoabe.

¶ 23 Mou fakatokaga, bea fanogo ki hoku le‘o; fanogo, bea fakaogo ki he eku lea.

24 He oku fakahinohino ae huo toho e he tagata keligoue i he aho kotoabe ke tūtū‘i? oku ne laga‘i bea fakamolu ae gaahi koga oe kelekele?

25 Oka fakamolemole ae fuga o ia, ikai oku ne tu‘i mamao ae gaahi tili, bea tūtū‘i ae kumino, bea ai moe uite lelei, moe baale kuo tuutuuni, bea moe lae i ho nau botu?

26 He oku ako ia ke boto e hono Otua, bea oku ne akonaki‘i ia.

27 He oku ikai haha ae tili aki ae mea haha, bea oku ikai fakatakamilo ae saliote ki he kumino; ka oku ta ke gagana ae tili aki ae akau, bea moe kumino aki ae tokotoko.

28 Oku fakavolu ae uite ki he ma; koeuhi oku ikai te ne fie haha mau ai be ia, be momoji ia aki ae teka o hono saliote, be fakavolu ia aki hono kau tagata heka hosi.

29 Oku ha‘u foki eni mei a Jihova oe gaahi kau tau, aia oku fakamanavahe i he fakahinohino, bea lelei lahi i he gaue.