¶ 1 VAKAI e bule ha tu‘i i he maonioni, bea e bule moe gaahi houeiki i he fai agatonu.

2 Bea e i ai ae tagata o hage koe toitoiaga mei he matagi, moe hufaga mei he afā; bea hage koe gaahi vaitafe i he botu momoa, o hage koe malumalu o ha maka lahi i he fonua oku buhegia.

3 Bea e ikai nenefu ae mata okinautolu oku a, bea e fakafanogo ae teliga okinautolu oku ogo.

4 Bea koe loto oe ohonoa e tokaga bea ma‘u ae ilo, bea koe elelo oku le‘ole‘ovale e lea vave mo totonu.

5 E ikai toe ui ae agakovi koe agalelei, be behe koe faa foaki aia oku manumanu.

6 He koe tagata vale te ne lea vale, bea e gaue kovi hono loto, ke fai kākā, bea lea hala kia Jihova, ke fakamaha ae laumalie oe fiekaia, bea taofi eia ae inu mei he fieinua.

7 Koe gaahi mea gaue oe agakovi oku kovi: oku ne fakakaukau kovi ke fakafihi ae majiva aki ae lea loi, bea ke mio‘i ae lea totonu ae majiva i he fakamāu.

8 Ka koe agalelei oku ne fakakaukau ki he gaahi mea lelei; bea i he gaahi mea lelei e fokotuu mau ia.

¶ 9 Mou tuu hake, akimoutolu ae kau fefine oku nofo fakafiemalie; fanogo ki hoku le‘o, akimoutolu ae gaahi ofefine tae tokaga; fakafanogo ki he eku lea.

10 Te mou ogojia i he gaahi aho moe ta‘u lahi, akimoutolu ae kau fefine tae tokaga: koeuhi e ikai hoko ae gaohi oe vaine, e ikai hoko hono tanaki.

11 Ke tetetete, akimoutolu ae kau fefine oku fakafiemalie; ke mamahi, akimoutolu oku tae tokaga: vete ho mou kofu, fakatelefua akimoutolu, bea nonoo ae tauagaa ki ho mou nootagavala.

12 Te nau lāuga koeuhi koe mata oe huhu, bea ki he gaahi goue lelei, bea ki he vaine fua.

13 E tubu hake ae gaahi akau talatala moe talatalaamoa i he fonua o hoku kakai; io, i he gaahi fale fakafiefia kotoabe i he kolo oe fiefia:

14 Koeuhi kuo liaki ae gaahi fale fakaeieiki; koe kolo oe toko lahi kuo jiaki; e hoko ae gaahi buke moe gaahi fale maoluga koe gaahi ana o taegata, koe fiefiaaga oe faga asi kaivao, koe keinagaaga oe faga manu;

15 Kae oua ke hua‘i hifo kiate kitautolu ae laumalie mei oluga, bea hoko ae toafa koe goue faa fua, bea lau ae goue faa fua koe vao akau.

16 Bea e toki nofo ae fakamāu i he toafa, bea nofo ae maonioni i he goue faa fua.

17 Bea koe gaue oe maonioni koe melino ia; bea koe fua oe maonioni koe fiemalie moe nofo lelei o taegata.

18 Bea e nofo a hoku kakai i he nofoaga oe melino, bea i he gaahi fale tuu mau, bea i he gaahi mālōlōaga oe fiemalie;

19 Ka e to ae uha maka, bea e fakahiga ae vao akau; bea e fakamoulaloa aubito ae kolo.

20 Oku monuia akimoutolu oku tūtū‘i i he vee vai kotoabe, bea fekau atu ki ai ae va‘e oe bulu moe asi.