¶ 1 HA‘U ke ofi, akimoutolu ae gaahi buleaga, o fanogo; bea fakafanogo, akimoutolu ae kakai: tuku ke fanogo a mamani, mo ia kotoabe oku i ai; a mamani, moe gaahi mea kotoabe oku tubu mei ai.

2 He oku i he gaahi buleaga kotoabe ae tubutamaki a Jihova, mo hono houhau lahi oku i ho nau gaahi kogakau kotoabe: kuo ne fakaauha malie akinautolu, kuo ne tukuage akinautolu ke tamate‘i.

3 Moe nau mate foki e li kitua, bea e alu hake ae namu haha mei ho nau agaaga, bea e molu o vai ae gaahi mouga i ho nau toto.

4 Bea e vela o vai ae gaahi kau tau kotoabe oe lagi, bea e takai ae gaahi lagi o hage koe takaiga beba: bea e to ki lalo a ho nau toko lahi, o hage koe gagana oe lau mei he vaine, bea tatau moe fiki oku to mei he akau koe fiki.

5 He kuo too a eku heleta i he lagi: Vakai, e alu hifo ia ki Itumia, bea ki he kakai o hoku houhau, ke totogi.

6 Kuo fonu ae heleta a Jihova i he toto, kuo bani ia i he gako, bea i he toto oe faga lami moe faga koji, i he gako oe kofuua oe faga sibi tagata: he oku ia Jihova ae feilaulau i Bosela, bea moe tamate‘i lahi i he fonua ko Itumia.

7 Bea e alu hifo mo kinautolu ae faga liimi, moe faga bulu fakataha moe faga bulu tagata; bea e kona ho nau fonua i he toto, bea e koloaia ae kelekele i he gako.

8 He koe aho ia oe houhau o Jihova, bea koe ta‘u oe gaahi totogi kiate ia oku fakahaofi a Saione.

9 Bea e liliu ae gaahi vaitafe oia koe bulu, bea moe efu oia koe sulifa, bea koe fonua koia e hoko koe bulu vela.

10 E ikai fuifui ia i he bo be i he aho; e alu hake taegata ae kohu mei ai: e lala ia mei he toutagata ki he toutagata; e ikai fou ai ha taha o taegata bea taegata.

11 Kae ma‘u ia e he komolaniti bea moe bitane; e nofo ai ae lulu moe leveni: bea te ne falo ki ai ae afo ae fakaauha, bea moe fua oe fakaojioji.

12 Te nau ui ho nau houeiki ki he buleaga, ka e ikai ha taha i ai, bea koe mea noabe hono houeiki kotoabe.

13 Bea e tutu ae akau talatala i hono gaahi fale fakaeieiki, koe akau veli moe akau talatala i hono gaahi kolo: bea e hoko ia koe nofoaga oe faga talakone, bea koe botu oe faga lulu.

14 E fetaulaki ae manu fekai oe toafa moe manu fekai oe motu, bea e tagi ae sataia ki hono toko ua; bea e mālōlō ai ae lulu oku tagi, bea ilo ai moona ha mālōlōaga.

15 E gaohi i ai e he motua lulu hono bunuga, bea fakato, bea fofoai, bea tanaki ki hono malumalu: e tanaki foki i ai ae gaahi volita, taki taha mo hono hoa.

¶ 16 Kumi akimoutolu i he tohi a Jihova, bea lau; e ikai ha taha i he gaahi mea ni e tae hoko, e ikai majiva ha taha i hono hoa: he kuo fekau ia e hoku gutu, bea ko hono laumalie kuo tanaki eia akinautolu.

17 Bea kuo ne talotalo eia ma anautolu, bea ko hono nima kuo vahe‘i ia kiate kinautolu aki ae afo: te nau ma‘u ia o lauikuoga, bea te nau nofo ai mei he toutagata ki he toutagata.