¶ 1 E FIEFIA ae toafa moe botu lala koeuhi ko kinautolu, bea e fiefia ae botu liaki, bea fiji o hage koe lose.

2 E fiji lahi ia, bea fiefia i he fiefia moe hiva: e foaki ki ai ae nāunāu o Lebanoni, koe lelei o Kameli mo Saloni: te nau mamata ki he nāunāu o Jihova, moe lelei lahi o ho tau Otua.

¶ 3 Mou tokoni ki he nima vaivai, bea boubou ae tui oku fegataliaki.

4 Ke ke behe kiate kinautolu oku loto manavajii, Ke mou malohi, oua e manavahe: vakai, e haele mai ho mou Otua moe tautea, io ae Otua aki ae totogi; te ne haele mai o fakamoui akimoutolu.

5 Bea e toki faka a ae mata oe kui, bea e fakaava moe teliga oe tuli.

6 Bea e toki hobohobo ae tagata ketu o hage koe haate, bea e hiva ae elelo oe noa: koeuhi e tubu i he toafa ae gaahi vai, moe gaahi vaitafe i he botu lala.

7 Bea e hoko ae kelekele momoa koe anovai, moe fonua fie inu koe gaahi matavai: bea koe nofoaga oe faga talakone, i he botu nae taki taha tokoto ai, e tubu ai ae mohuku moe kaho moe mohuku oe ano.

8 Bea e i ai ae hala motua, bea moe hala, bea e ui ia koe hala oe maonioni; e ikai alu ai ae tae maa; ka e tuku ia kiate kinautolu ni: bea ne ogo koe vale ae kakai fonoga e ikai te nau he ai.

9 E ikai i ai ha laione, bea e ikai alu hake ki ai ha manu fekai, e ikai ilo ia i ai; ka e eveeva ai ae kakai kuo huhui:

10 Bea e foki mai ae kakai kuo huhui e Jihova, o ha‘u ki Saione moe gaahi hiva moe fiefia taegata i ho nau ulu: te nau ma‘u ae fiefia moe nekeneka, bea e buna atu ae mamahi moe to‘e.