¶ 1 NAE hoko o behe i hono ta‘u e hogofulu ma fa oe bule a Hesekaia, nae ha‘u a Senakalibe koe tu‘i o Asilia ki he gaahi kolo kotoabe o Juta nae teu ki he tau, bea ne lava‘i akinautolu.

2 Bea nae fekau atu e he tu‘i o Asilia a Labisake mei Lakisi ki Jelusalema kia Hesekaia moe kogakau toko lahi mo ia. Bea naa ne tuu i he vee vai tau botu ki oluga i he hala lahi oe goue ae tagata fakamaa kofu.

3 Bea nae toki ha‘u kiate ia a Iliakimi, koe foha o Hilikia, aia nae bule i he fale, bea mo Sebina koe tagata tohi, mo Joa, koe foha o Asafi, koe matabule tohi.

¶ 4 Bea behe e Labisake kiate kinautolu, Mou behe kia Hesekaia, Oku behe e he tu‘i lahi, koe tu‘i o Asilia, Koeha koa ae falalaaga ni oku ke falala ki ai?

5 Kuo ke behe ekoe, (ka koe lea taeaoga,) Oku iate au ae fakakaukau moe malohi ki he tau: ka oku ke falala ki ahai, ke ke agatuu ai kiate au?

6 Vakai, oku ke faaki ki he tokoni oe kaho mafeji ni, ko Ijibite; aia i he faaki ki ai ha tagata, e aji ia ki hono nima, bea e lavea ia: oku behe a Felo koe tu‘i o Ijibite kiate kinautolu kotoabe oku falala kiate ia.

7 Ka i hoo behe mai kiate au, Oku mau falala kia Jihova ko ho mau Otua: ikai kuo liaki e Hesekaia hono gaahi botu maoluga bea mo hono gaahi feilaulauaga bea ne behe ki Juta mo Jelusalema, Te mou lotu i he ao oe feilaulauaga ni?

8 Koia oku ou fekau kiate koe ke ke omi ae gaahi mea fakamooni, ki hoku eiki koe tu‘i o Asilia, bea teu foaki atu ae hose e ua afe, o kabau te ke faa fakaheka ekoe ha kau tagata ki ai.

9 Bea ka kuo behe, e fefe hoo fakafoki ae mata o ha eiki tau oku jii hifo i he gaahi tamaioeiki o eku eiki, bea falala ki Ijibite ke ma‘u mei ai ae gaahi saliote moe kau tagata heka hosi?

10 Bea kuou ha‘u eni ki he fonua ni ke tau‘i bea fakaauha ia kae tae kau ki ai a Jihova? nae behe mai e Jihova kiate au, Alu hake ki he fonua ni, bea fakaauha ia.

¶ 11 Bea nae toki behe e Iliakimi mo Sebina bea mo Joa kia Labisake, Oku mau kole kiate koe, ke ke lea, ki hoo kau tamaioeiki i he lea faka‐Silia; he oku mau ilo ia: kae oua e lea kiate kimautolu i he lea faka‐Jiu, i he teliga oe kakai oku tuu i he a.

¶ 12 Ka nae behe e Labisake, Kuo fekau au e he eku eiki ki ho eiki bea mo koe ke lea aki ae gaahi lea ni? ikai kuo ne fekau au ki he kau tagata oku nofo i he a, ke nau kai ho nau kinohaa, bea inu ho nau tuu tata, fakataha mo kimoutolu?

13 Bea nae toki tuu hake a Labisake, bea kalaga ia i he le‘o lahi i he lea faka‐Jiu, o behe, Mou fanogo ki he lea ae tu‘i lahi, ae tu‘i lahi o Asilia.

14 Oku behe e he tu‘i, Oua naa tuku a Hesekaia ke kākā‘i akimoutolu; koeuhi e ikai te ne faa fakamoui akimoutolu.

15 Bea oua naa tuku a Hesekaia ke ne fakaloto‘i akimoutolu ke mou falala kia Jihova, o behe, Koe mooni e fakamoui akitautolu e Jihova: e ikai tukuage ae kolo ni ki he nima oe tu‘i o Asilia.

16 Oua naa fanogo kia Hesekaia: he oku behe e he tu‘i o Asilia, Mou fakalelei mo au aki ha foaki, bea ha‘u kituaa kiate au: bea kai taki taha i he ene vaine, bea taki taha i he ene akau koe fiki, bea taki taha inu ae vai o ene buha vai.

17 Kae oua keu ha‘u o ave akimoutolu ki ha fonua oku hage ko ho mou fonua, koe fonua oe uite moe uaine, koe fonua oe ma moe goue vaine.

18 Vakai telia naa fakaloto‘i akimoutolu e Hesekaia, o behe, E fakamoui akitautolu e Jihova. Oku ai ha otua oe gaahi buleaga kuo ne fakamoui hono fonua mei he nima oe tu‘i o Asilia?

19 Oku ife ae gaahi otua o Hamati mo Aabati? oku ife ae gaahi otua o Sifaveimi? bea kuo nau fakamoui a Samelia mei hoku nima?

20 Kohai i he gaahi otua kotoabe oe gaahi fonua ni, kuo fakamoui ho nau fonua mei hoku nima, koeuhi ke fakamoui e Jihova a Jelusalema mei hoku nima?

21 Ka naa nau fakalogobe, bea ikai ha lea jii kiate ia: he nae behe ae fekau ae tu‘i, Oua naa talia ia.

22 Bea nae toki ha‘u kia Hesekaia a Iliakimi, koe foha o Hilikia, aia nae bule i he fale, mo Sebina koe tagata tohi, mo Joa, koe foha o Asafi, koe matābule tohi, kuo mahae ho nau kofu, bea nae tala kiate ia ae gaahi lea o Labisake.