¶ 1 I HE gaahi aho koia nae mahaki a Hesekaia o meimei mate. Bea nae ha‘u a Isaia koe balofita koe foha o Amosi, bea ne behe kiate ia, Oku behe e Jihova, Teuteu ho fale: he te ke mate, bea ikai moui.

2 Bea nae toki tafoki a Hesekaia o haga hono mata ki he holiji oe fale, bea lotu kia Jihova,

3 Bea ne behe, E Jihova, Oku ou kole kiate koe, ke ke manatu ki he aga o eku eveeva i ho ao i he mooni bea moe loto haohaoa, bea kuou fai aia oku lelei i ho ao. Bea nae tagi mamahi a Hesekaia.

¶ 4 Bea toki hoko ae folofola a Jihova kia Isaia, o behe,

5 Alu, o tala kia Hesekaia, Oku behe e Jihova, koe Otua o Tevita ko hoo tamai, Kuou fanogo ki hoo hu, Kuou mamata ki hoo loimata: vakai, teu fakalahi aki hoo gaahi aho ae ta‘u e hogofulu ma nima.

6 Bea teu fakamoui koe moe kolo ni mei he nima oe tu‘i o Asilia: bea teu malu‘i ae kolo ni.

7 Bea koe fakailoga eni kiate koe mei a Jihova, ki he ene fai e Jihova ae mea ni aia kuo ne folofola ki ai;

8 Vakai, teu toe omi ki mui ae ata oe gaahi tikeli, aia kuo alu hifo i he mea fakailoga laa o Ahasi, koe vahe e hogofulu. Bea nae foki ki mui ae laa i he tikeli e hogofulu, ae gaahi vahe koia aia kuo alu hifo ai ia.

¶ 9 Koe tohi  eni e Hesekaia koe tu‘i o Juta, i he hili a hono mahaki, bea kuo moui ia mei hono mahaki;

10 Naaku behe i he tuuji a hoku gaahi aho, Teu alu hifo ki he mataba oe fonualoto: kuo faao iate au hono toe o hoku gaahi ta‘u.

11 Naaku behe, E ikai teu mamata kia Jihova, io ko Jihova, i he fonua oe moui: e ikai teu toe mamata ki he tagata fakataha moe kakai o mamani.

12 Kuo alu hoku gaahi ta‘u, bea kuo ave ia iate au o hage koe fale fehikitaki oe tauhi sibi: naaku tuuji eku moui o hage koe tagata lalaga tubenu: te ne tuuji ke motu au i he fakaauaujino: mei he aho o a‘u ki he bo oku ke fakaoji au.

13 Naaku lau ki he bogibogi, koeuhi, o hage koe laione te ne feji‘i behe hoku gaahi hui kotoabe: mei he aho o a‘u ki he bo oku ke fai ke fakaoji au.

14 O hage koe kaleni be koe sualo, nae behe eku lea: neu tagi o hage koe lube: kuo vaivai hoku mata i he jio ki oluga: E Jihova, kuou taomia; ke ke lagomaki‘i au.

15 Koeha teu lea aki? kuo talaofa ia kiate au, bea kuo ne fai ki ai: teu alu i he agavaivai i hoku gaahi ta‘u kotoabe koeuhi koe mamahi a hoku laumalie.

16 E Jihova, i he gaahi mea ni oku moui ai ae tagata, bea i he gaahi mea ni kotoabe oku ai ae moui a hoku laumalie: kuo behe hoo fakamoui au, bea gaohi au keu moui.

17 Vakai, neu ma‘u ae mamahi lahi koe fetogi oe fiemalie: kae i hoo ofa ki hoku laumalie kuo ke fakamoui ia mei he luo oe fakaauha: he kuo ke li eku gaahi hia kotoabe ki ho tua.

18 He oku ikai faa fakamalo kiate koe ae faitoka, oku ikai faa fakaogoogolelei‘i koe e he mate: ko kinautolu oku alu hifo ki he luo oku ikai te nau faa amanaki ki he mooni.

19 Koe kakai moui, koe kakai moui, koia e fakamalo kiate koe, o hage koia oku ou fai i he aho ni: e fakaha hoo mooni e he tamai ki he fānau.

20 Nae tatali e Jihova ke fakamoui au: koia te mau hiva aki eku gaahi hiva i he mea faiva i he aho kotoabe oe mau moui i he fale o Jihova.

21 He nae behe e Isaia, Tuku ke nau too ae gaahi fiki, bea ai ia koe buluji ki he bala, bea te ne moui.

22 Bea ne behe foki e Hesekaia, Koeha ae fakailoga teu alu hake ai ki he fale o Jihova?