¶ 1 VAKAI, he koe Eiki ko Jihova oe gaahi kau tau, oku ne too atu mei Jelusalema bea mo Juta ae falalaaga moe tokoni, ae tokoni kotoabe oe mea kai, moe tokoni kotoabe oe vai,

2 Koe tagata malohi, bea moe tagata tau, koe fakamāu, bea moe balofita, ae fakamakukaga, bea moe mātua,

3 Koe eiki tau ae toko nimagofulu, bea moe tagata ogoogolelei, bea moe tagata akonaki boto, bea moe tagata boto i he faiva, bea moe tagata lea malie.

4 Bea teu fakanofo ae tamaiki ko ho nau houeiki, bea e bule kiate kinautolu ae kau valevale.

5 Bea e fefakamamahiaki ae kakai iate kinautolu. bea mo ho nau kaugaabi: e aga fielahi ae tamajii ki he motua, moe agakovi kiate ia oku ogoogolelei.

6 Bea e buke e ha tagata a hono tokoua i he fale o ene tamai, o ne behe, Oku iate koe ae gaahi kofu, ke ke hoko ko ho mau bule, bea too e ho nima ae mau malaia ni:

7 I he aho koia te ne fuakava, o behe, E ikai teu hoko koe fakamoui; he oku ikai ha ma be ha kofu i hoku fale: oua naa gaohi au koe bule oe kakai.

8 He kuo malaia a Jelusalema, bea kuo higa mo Juta: he ko ho nau elelo moe nau faiaga oku kovi kia Jihova, ke fakahouhau‘i ae fofoga o ene afio.

¶ 9 Koe aga o ho nau mata koe fakailoga onautolu; bea oku nau fakaha ae nau agahala o hage ko Sotoma, oku ikai te nau fufu ia. E malaia ho nau laumalie! he kuo nau fakahoko ae kovi kiate kinautolu.

10 Mou behe ki he maonioni, e hoko be ae lelei: he te nau kai ae fua oe nau faiaga.

11 E malaia ae agahala! e hoko ae kovi kiate ia: he koe totogi o hono nima e age kiate ia.

¶ 12 Ka ko hoku kakai, kuo fakamalohi‘i akinautolu e he tamaiki, bea oku bule‘i akinautolu e he kau fefine. E hoku kakai, oku fakahala‘i koe e hoo kau takimua, o nau fakakehe ae aluaga o ho gaahi hala.

13 Oku tuu hake a Jihova ke folofola, oku tuu ia ke fakamāu ae kakai.

14 E fakamāu e Jihova ae kau mātua o hono kakai, bea mo ho nau houeiki: he kuo mou kai o oji ae goue vaine; oku i ho mou fale ae koloa kuo faao mei he kakai majiva.

15 Oku behe e Jihova koe Eiki oe gaahi kau tau, Koeha hono uhiga o hoo mou taomia a hoku kakai, o momoji ae mata oe majiva?

¶ 16 Bea oku behe e Jihova, Koeuhi oku fielahi ae gaahi ofefine o Saione, mo nau aeva fakamofutofuta moe mata holi kovi, mo alu fakatekiteki be, mo fakabakihi ho nau va‘e:

17 Koia e ta‘i e he Eiki ae tumuaki oe gaahi ofefine o Saione aki ae bala, bea e fakatelefua‘i akinautolu e Jihova.

18 I he aho koia e too e Jihova iate kinautolu ae teuga tatagi o ho nau va‘e, moe mea fau oe ulu, moe nau teuga o hage koe mahina,

19 Ae kahoa, bea moe gaahi vesa, bea moe gaahi bulou,

20 Ae gaahi tatā, bea moe teuga o ho nau va‘e, moe gaahi fua moe aiaga kakala, bea moe gaahi hau ki ho nau teliga,

21 Ae gaahi mama, moe teuga oe ihu,

22 Moe tuului o ho nau kofu, bea moe kofu tua, bea moe gaahi bulubulu, bea moe gaahi kato baaga,

23 Ae gaahi jioata, bea moe kofu lineni, bea moe gaahi kofu oe ulu, bea moe gaahi bulou.

24 Bea e hoko o behe, e fetogi aki ae namu kakala ae namukū; bea e fetogi aki ae noo lelei ae noo mahae; bea e liliu ae ulu lau lelei koe tula; bea e fetogi ae kofu fatafata aki ae kofu oe tauagaa; bea e fetogi aki ae hoihoifua ae fohia i he laa.

25 E to ho kau tagata i he heleta, mo hoo kau malohi i he tau.

26 Bea e mamahi mo tagi hono gaahi mataba; bea i he ene lala te ne nofo i he kelekele.