¶ 1 OKU behe e ho mou Otua, Mou fakafiemalie‘i, mou fakafiemalie‘i, a hoku kakai.

2 Lea fakafiemalie ki Jelusalema, bea kalaga kiate ia, kuo gata ene tau, kuo fakamolemole ene hia: he kuo fai ae totogi ke liuga ua kiate ia mei he nima o Jihova i he ene hia kotoabe.

¶ 3 Koe le‘o oia oku kalaga i he toafa, Teuteu ae hala o Jihova, fakatonutonu ae hala lahi i he toafa ma a ho tau Otua.

4 E hakeaki‘i ae gaahi luo kotoabe, bea e holoki ae gaahi mouga moe tafugofuga kotoabe: bea e fakatonutonu ae bikobiko, bea e fakatokalelei ae gaahi botu oku tokakovi:

5 Bea e fakaha ae nāunāu o Jihova, bea e mamata ki ai ae kakai kotoabe: he kuo folofola behe ae fofoga o Jihova.

6 Nae behe e he le‘o, Kalaga. Bea naa ne behe, Koeha teu kalaga aki? Koe mohuku ae kakano kotoabe, bea koe nāunāu kotoabe oia oku tatau moe fiji oe goue.

7 Oku fakaaau ke momoa ae mohuku, oku mae ae fiji akau: koeuhi oku agi ki ai ae matagi a Jihova: ta koe mooni koe mohuku ae kakai.

8 Oku fakaaau ke momoa ae mohuku, oku mae ae fiji akau: ka e tologa o taegata ae folofola a ho tau Otua.

¶ 9 Akoe, oku omi ae ogoogolelei ki Saione, alu hake koe ki he mouga maoluga; akoe, oku omi ae ogoogolelei ki Jelusalema, hiki hake ho le‘o i he malohi; hiki hake ia oua e manavahe; ke ke behe ki he gaahi kolo o Juta, Vakai ki ho mou Otua!

10 Vakai, e haele mai ae Eiki ko Jihova i he malohi, bea e bule hono nima moona: vakai, oku iate ia hono totogi, bea oku i hono ao a ene gaue.

11 Te ne fafaga ene faga sibi o hage koe tauhi: te ne tanaki ae faga lami aki hono nima, bea fua akinautolu i hono fatafata, bea tataki fakafiemalie akinautolu oku feitama.

¶ 12 Kohai kuo ne fua ae gaahi vai i hono aofi nima, bea fuofua ae lagi aki ae haga, bea fakakatoa ae efuefu oe fonua i he mea fuofua, bea kuo fakamamafa, ae gaahi mouga i he mea fakamamafa, bea moe gaahi tafugofuga i he mea fakatatau?

13 Kohai kuo ne fakahinohino ae Laumalie o Jihova, bea hoko ko ene akonaki ke fakahinohino ia?

14 Kohai naa na fakakaukau mo ia, koeuhi ke ne fakaboto‘i ia, be ako kiate ia i he hala oe fakamāu, be kohai naa ne akonaki‘i ia i he ilo, bea fakaha kiate ia ae hala oe iloilo?

15 Vakai, oku tatau ae gaahi buleaga moe tuluta oe ibu vai, bea oku lau ia o hage koe efuefu iki oe mea fakatatau: vakai, oku ne too hake ae gaahi motu o hage koe mea jii aubito.

16 Bea oku jii a Lebanoni ke tutu, bea oku jii ae faga manu i ai ki ha feilaulau tutu.

17 Oku hage koe mea noabe ae gaahi buleaga kotoabe i hono ao; bea oku lau ia kiate ia koe jii hifo i he mea noabe, moe vaiga.

¶ 18 Bea te mou fakatatau ki ahai ae Otua? be koeha ha fakatātā te mou fakatatau kiate ia?

19 Oku haka e he tagata tufuga ha tamabua, bea koe tufuga koula oku ufiufi ia aki ae koula, bea oku ne gaohi ae kahoa fihifihi aki ae siliva.

20 Ko ia oku lahi ene majiva bea oku ikai haa ne feilaulau, oku ne fili ha akau e ikai bobo; oku ne kumi kiate ia ha tufuga boto ke fokotuu ha tamabua kuo ta aia e ikai ue‘i.

21 Kuo tae ilo ekimoutolu? nae ikai te mou fanogo? ikai kuo fakaha kiate kimoutolu mei he kamataaga? ikai kuo mou ilo talu mei he ai ae tuuga o mamani?

22 Ko ia ia oku afio i he takatakai o mamani, bea koe kakai oku nofo ai oku tatau kiate ia moe faga hee; koia ia oku ne fofola ae gaahi lagi o hage koe buibui, bea folahi ia o hage koe fale fehikitaki ke nofo ai:

23 Ko ia oku ne fakahifo ki lalo ae houeiki ke ikai; oku ne gaohi ae kau fakamāu oe fonua koe vaiga.

24 Io, e ikai to akinautolu; io, e ikai tūtū‘i akinautolu: io, e ikai aka i he kelekele ho nau tefito: bea te ne ifi kiate kinautolu, bea te nau mae, bea e ave akinautolu e he ahiohio o hage koe veve.

25 Oku behe e he Toko Taha Maonioni, Bea te mou fakatatau au ki ahai, be teu tatau mo hai?

26 Hiki hake ho mou mata ki oluga, bea vakai be kohai kuo ne fakatubu ae gaahi mea ni, aia oku ne lau mo taki kitua ho nau toko lahi; oku ne ui akinautolu kotoabe i ho nau higoa i he lahi o hono mafimafi, koeuhi oku malohi ia i he mafimafi, oku ikai ha taha oku tae ha mai.

27 Koeha oku ke behe, E Jekobe, bea ke behe, E Isileli, Kuo fufu hoku hala mei a Jihova, bea kuo taetokaga a hoku Otua ki hoku fakamāu?

¶ 28 Ikai naa ke ilo? ikai naa ke fanogo, ko Jihova koe Otua taegata ia, koe Tubuaga oe gaahi gataaga o mamani, oku ikai bogia ia, bea oku ikai vaivai? oku tae faa ilo‘i a ene ilo.

29 Oku ne foaki ae malohi ki he vaivai; bea kiate kinautolu oku ikai haa nau malohi oku ne fakatubu ae malohi.

30 Io e bogia ae fānau tubu bea vaivai, bea e higa aubito moe kau talavou:

31 Ka ko kinautolu oku tatali kia Jihova e fakafoou ho nau malohi; te nau buna hake aki ae kabakau o hage koe faga ikale; te nau lele ka e ikai vaivai; bea te nau eveeva ka e ikai bogia.