¶ 1 AE gaahi motu, mou fakalogobe i hoku ao; bea tuku ke fakafoou e he kakai ho nau malohi: tuku ke nau ha‘u ke ofi; bea toki tuku ke nau lea: ke tau unuunu ke ofi ki he fakamāu.

2 Kohai naa ne fokotuu ae tagata maonioni mei he botu hahake, o ui ia ki hono va‘e, bea foaki ae gaahi buleaga i hono ao, be gaohi ia ke bule ki he gaahi tu‘i? naa ne foaki akinautolu o hage koe efu ki he ene heleta, bea hage koe veve kuo viligia ki he ene kaufana.

3 Naa ne tulia akinautolu, bea alu fiemalie be; io i he hala nae ikai fou ai hono va‘e.

4 Kohai kuo gaue mo fai ia, o ne ui ae toutagata mei he kamataaga? Ko au ko Jihova, koe uluaki bea moe kimui; ko au ia.

5 Nae mamata e he gaahi motu, bea manavahe; nae manavahe ae gaahi gataaga o mamani, o nau unuunu mai, bea ha‘u.

6 Nae tokoni taki taha ki hono kaugaabi; bea behe taki taha ki hono tokoua, Ke ke loto to‘a.

7 Koia nae tokoni ae tufuga akau ki he tufuga koula, bea mo ia oku fakamolemole aki ae hamala aia naa ne ta‘i ki he fakalalago, o behe, Kuo oji hono teu ki he fakahoko: bea ne fakamau ia aki ae gaahi fa‘o, ke oua naa gau‘e ia.

8 Ka ko koe, E Isileli, ko eku tamaioeiki, E Jekobe akoe kuou fili, koe hako o Ebalahame ko hoku kaiga.

9 Akoe kuou too mei he gataaga o mamani, bea ui mei he kau tagata tuu kimua i ai, bea kuou behe kiate koe, Ko koe ko eku tamaioeiki; kuou fili koe, ka nae ikai liaki koe.

¶ 10 Oua naa ke manavahe; he oku ou iate koe: oua e loto vaivai; he ko au ko ho Otua teu fakamalohi koe; io, teu tokoni koe; io, teu boubou hake koe aki ae nima toomatau o eku agatonu.

11 Vakai, ko kinautolu kotoabe nae ita kiate koe te nau ma bea bubutuu: te nau hage koe mea noabe; bea e auha mo kinautolu oku fai kovi kiate koe.

12 Te ke kumi akinautolu, ka e ikai ilo‘i akinautolu, io akinautolu nae fai mo koe: ko kinautolu oku tau‘i koe te nau hage koe mea noabe, bea hage ha mea oku ikai.

13 He ko au ko Jihova ko ho Otua teu buke ho nima toomatau, o behe kiate koe, Oua e manavahe; teu tokoni koe.

14 Oua naa manavahe akoe, koe kelemutu ko Jekobe, bea mo kimoutolu ae kau tagata o Isileli; Oku behe e Jihova, ko ho huhui, koe Toko Taha Maonioni o Isileli, teu tokoni kiate koe.

15 Vakai, teu gaohi kiate koe ha mea haha foou oku majila bea nifo: te ke haha ae gaahi mouga, bea ta‘i ke iki, bea gaohi ae gaahi tafugofuga o hage koe veve viligia.

16 Te ke tui‘i akinautolu bea koe matagi te ne buneekina akinautolu bea koe ahiohio te ne vetekina akinautolu: bea te ke fiefia koe ia Jihova, bea vikiviki i he Toko Taha Maonioni o Isileli.

17 Oka kumi e he majiva moe baea ae vai, bea oku ikai ia, bea oku vaivai ho nau elelo i he fieinu, Ko au ko Jihova teu fanogo kiate kinautolu, Ko au koe Otua o Isileli e ikai teu liaki akinautolu.

18 Teu fakaava ae gaahi vaitafe i he gaahi botu maoluga, bea moe gaahi matavai i he gaahi telea: teu gaohi ae toafa koe anovai, bea moe fonua momoa koe gaahi matavai.

19 Teu to i he toafa ae sita, ae akau koe jita, bea moe maile, bea moe akau lolo; teu to fakataha i he toafa lala ae akau koe fea, bea moe baini, bea moe akau koe bokasi:

20 Koeuhi ke nau mamata, bea ogo‘i, bea tokaga, bea ilo fakataha, koe nima o Jihova kuo ne fai ae mea ni, bea kuo fakatubu ia e he Toko Taha Maonioni o Isileli.

21 Oku behe e Jihova, Fakaha hoo mou mea; oku behe e he Tu‘i o Jekobe, Omi hoo mou lea mamafa.

22 Tuku ke nau omi ia, bea fakaha kiate kimautolu be koeha e hoko: tuku ke nau fakaha ae gaahi mea mua, be koeha ia, ke mau fifili ki ai, bea ilo mo hono fakamooni oia; be fakaha kiate kimautolu ae gaahi mea e ha‘u amui.

23 Fakaha ae gaahi mea e hoko amui, ke mau ilo koe gaahi otua akimoutolu: io, fai lelei, be fai kovi, ke mau ilifia, bea mamata fakataha ki ai.

24 Vakai, oku jii hifo akimoutolu i he mea oku ikai, bea ko hoo mou gaue koe mea noabe: oku fakalielia ia aia oku ne fili akimoutolu.

25 Kuou fokotuu ha toko taha mei he botu tokelau, bea e ha‘u ia: talu mei he hobo ae laa te ne ui ki hoku huafa: bea te ne molomoloki ae houeiki o hage koe lahe kuo hakaluku, bea hage oku molomoloki e he tagata gaohi ibu ae umea.

26 Kohai kuo ne fakaha mei he kamataaga, ke mau ilo ia? bea i mua, ke mau behe ai, Oku mooni ae mea ni? Koe mooni, oku ikai ha toko taha nae tomua tala ia, koe mooni, oku ikai ha taha nae fakaha ia, io, nae ikai ha toko taha te ne fanogo ki hoo mou gaahi lea.

27 Neu fuofua behe ki Saione, Vakai, vakai, kiate kinautolu: bea neu foaki ki Jelusalema ha toko taha oku omi ae ogoogolelei.

28 He naaku mamata, ka nae ikai ha tagata; io iate kinautolu, bea nae ikai ha fakahinohino, bea i he eku eke kiate kinautolu, nae ikai te nau tali aki ha momoi lea.

29 Vakai, koe vaiga kotoabe akinautolu; koe mea noabe ae nau gaue: koe matagi moe vaiga ae nau gaahi tamabua kuo haka.