¶ 1 OKU behe e Jihova ki he ene bani, kia Kolesi, aia kuou buke ki hono nima toomatau, ke fakavaivai ae gaahi buleaga i hono ao; bea teu vete ae nootaga vala oe gaahi tu‘i, ke fakaava i hono ao ae gaahi mataba lou ua; bea e ikai tabuni ae gaahi mataba;

2 Teu muomua iate koe, bea gaohi ae gaahi botu bikobiko ke totonu: teu laiki ae gaahi mataba balasa, bea tuuji ke motu ae gaahi ukamea fakamau:

3 Bea teu foaki kiate koe ae koloa oe bouli, moe koloa fufu oe gaahi botu lilo, koeuhi ke ke ilo ko au, ko Jihova, aia oku ui koe aki ho higoa, ko au koe Otua o Isileli.

4 Koeuhi ko Jekobe ko eku tamaioeiki, mo Isileli kuou fili, kuou ui aki koe ho higoa: kuou fakahigoa koe, ka oku heeki te ke ilo au.

¶ 5 Ko au ko Jihova, bea oku ikai mo ha taha, oku ikai, ha Otua mo au: naaku fakakofu‘i koe, ka oku heeki te ke ilo au:

6 Koeuhi ke nau ilo mei he hoboaga laa, bea mei he luluga, oku ikai ha taha mo au. Ko au ko Jihova, bea oku ikai mo ha taha.

7 Kuou gaohi ae māma, bea fakatubu moe bouli: oku ou fakahoko ae melino, bea fakatubu moe tau: ko au ko Jihova oku ou fai ae gaahi mea ni kotoabe.

8 Mabee hifo, akimoutolu ae gaahi lagi mei oluga, bea tuku ke liligi e he gaahi ao ae maonioni: tuku ke fakamaga ae kelekele, bea tuku ke tubu ai ae moui, bea tuku ke tubu fakataha moe agatonu; ko au ko Jihova kuou fakatubu ia.

9 E malaia ia aia oku fekuki mo hono Tubuaga! Tuku ke fai e he koga ibu maumau moe gaahi koga ibu maumau oe kelekele. E behe e he umea kiate ia oku ne fakafuofua ia, Koeha kuo ke gaohi? be ko hoo gaue, Oku ikai hano nima?

10 E malaia ia oku behe ki he ene tamai, Koeha kuo ke fakatubu? be ki he fefine, Koeha ia kuo ke fanau‘i?

11 Oku behe e Jihova, koe Toko Taha Maonioni o Isileli, mo hono Tubuaga, Fehui kiate au i he gaahi mea e hoko oku kau ki hoku gaahi foha, bea i he gaahi gaue a hoku nima mou fekau mai kiate au.

12 Kuou gaohi a mamani, bea fakatubu moe tagata i ai: ko au, kuou folahi e hoku nima ae gaahi lagi, bea kuou fekau ki ho nau toko lahi kotoabe.

13 Oku behe e Jihova oe gaahi kau tau, Kuou fokotuu hake ia i he maonioni, bea teu fakahinohino hono gaahi hala kotoabe: te ne laga eku kolo, bea te ne tukuage eku gaahi bobula, ka e ikai koeuhi koe fakatau, be koe totogi.

14 Oku behe e Jihova, E ha‘u kiate koe ae gaue a Ijibite, moe koloa a Itiobea bea moe kakai Siba, koe kau tagata lalahi, bea e aau akinautolu: te nau muimui iate koe; i he ukamea fihifihi te nau a‘u mai, bea te nau to ki lalo kiate koe, te nau kole kiate koe, o behe, Koe mooni oku iate koe ae Otua; bea oku ikai mo ha toko taha, oku ikai mo ha Otua.

15 Koe mooni ko koe koe Otua oku ke fufu koe, E Otua o Isileli, koe Fakamoui.

16 Te nau ma, bea bubutuu, akinautolu kotoabe: e tutuku fakataha i he maveuveu akinautolu oku gaohi tamabua.

17 Ka e fakamoui a Isileli ia Jihova aki ae moui taegata: e ikai te mou ma be bubutuu o lauikuoga bea taegata.

18 He oku behe e Jihova aia naa ne gaohi ae gaahi lagi; koe Otua be aia nae fakafuofua a mamani mo fakatubu ia; kuo ne fokotuu mau ia, nae ikai te ne gaohi ke tae aoga ia, naa ne fakafuofua ia ke nofo ai ae kakai: ko au ko Jihova: bea oku ikai mo ha toko taha.

19 Nae ikai teu lea i he lilo, i ha botu fakabouli o mamani: nae ikai teu behe taeaoga ki he hako o Jekobe, Kumi kiate au: Ko au ko Jihova oku ou lea aki ae maonioni, oku ou fakaha ae gaahi mea oku totonu.

¶ 20 Fakataha akimoutolu bea ha‘u; unuunu mai ke ofi akimoutolu kuo hao i he gaahi buleaga: oku ikai ha ilo iate kinautolu oku fokotuu ae akau oe nau tamabua kuo togi, bea hu ki he otua oku ikai faa fakamoui.

21 Mou tala, bea omi ke ofi akinautolu, io, tuku ke nau fakakaukau fakataha: kohai kuo ne fakaha ae mea ni mei he kuoga i mua? Kohai kuo ne tala ia mei he kuoga koia? ikai ko au ko Jihova? bea oku ikai mo ha Otua mo au; koe Otua agatonu bea koe Fakamoui; oku ikai ha taha mo au.

22 Jio mai kiate au bea mou moui ai, ae gaahi gataaga kotoabe o mamani: he ko au be koe Otua, bea oku ikai mo ha taha.

23 Kuou fuakava iate au be, kuo alu atu ae folofola i hoku fofoga i he maonioni, bea e ikai foki ia, E beluki ae tui kotoabe kiate au, e fuakava moe elelo kotoabe.

24 Koe mooni, e behe a ha toko taha, Oku ou ma‘u ae maonioni moe malohi ia Jihova: io e ha‘u kiate ia ae kakai; bea ko kinautolu kotoabe oku ita kiate ia e ma.

25 E tonuhia ia Jihova ae hako kotoabe o Isileli, bea te nau vikiviki ai.