¶ 1 OKU foohifo a Beli, bea tulolo a Nibo, nae heka i he gaahi manu ae gaahi tamabua, bea i he faga bulu: nae māfajia hoo mou gaahi saliote; i hono fakaheka kuo ogojia ai ae manu.

2 Oku nau tulolo, oku nau bunou fakataha; nae ikai te nau faa fua ae kavega, ka kuo hoko o bobula akinautolu.

¶ 3 Fanogo kiate au, ae fale o Jekobe, bea mo hono toe kotoabe oe fale o Isileli, aia naaku fua mei he fatu, aia oku fua mei he manāva.

4 Bea o a‘u ki hoo motua ko au ia; bea o a‘u ki he ulu hina teu fua koe: kuou gaohi, bea teu fua ia; io teu fua, bea teu fakamoui.

¶ 5 Te mou fakatatau au ki ahai, bea teu tatau mo hai, io te mou fakatatau au ki ahai, koeuhi ke ma tatau mo ia?

6 Oku laku ae koula mei he kato, bea fakamamafa ae siliva i he mea fakatatau, bea fakakau ae tufuga koula; bea oku ne gaohi ia koe otua: oku nau bunou hifo, io, oku nau lotu.

7 Oku nau fua ia i he uma, oku nau habahabai ia, bea fokotuu ia i hono botu, bea oku ne tuu; bea e ikai te ne alu mei hono botu: io, e kalaga ha toko taha kiate ia, ka oku ikai te ne tali, be fakamoui ia mei he ene tuutamaki.

8 Manatu‘i ae mea ni, bea fakaha koe kau tagata akimoutolu: toe manatu ki ai, akimoutolu ae kau agahala.

9 Manatu ki he gaahi uluaki mea i mua: he ko au koe Otua, bea oku ikai ha taha kehe; Ko au koe Otua, bea oku ikai ha toko taha e tatau mo au,

10 Ke fakaha ae ikuaga mei he kamataaga, bea mei he gaahi kuoga i mua ae gaahi mea oku heeki ke fai, o behe, E tuu mau eku tuutuuni, bea teu fai eku faiteliha kotoabe:

11 O ui ae manu buna oku fekai mei he botu hahake, ae tagata oku ne fai ki he eku fekau mei he fonua mamao: io, kuou fakaha ia, bea teu fakahoko ia; kuou tuutuuni ki ai, bea teu fai ia.

¶ 12 Fanago kiate au, akimoutolu oku loto malohi, akimoutolu oku mamao moe maonioni:

13 Oku ou omi ke ofi eku maonioni; e ikai mamao ia, bea mo eku fakamoui e ikai tatali ia: bea teu tuku ae fakamoui i Saione ma a Isileli ko hoku nāunāu.