¶ 1 BEA i he aho koia e buke e he fefine e toko fitu ki he tagata e toko taha, o nau behe, Te mau kai e mau ma amautolu, bea kofu aki ho mau gaahi kofu: kae kehe ke ui akimautolu i ho higoa, bea too atu ai ho mau manukia.

2 I he aho koia e toulekeleka mo ogoogolelei ae vaa o Jihova, bea e lelei lahi mo matamata lelei ae fua oe fonua kiate kinautolu kuo hao i Isileli,

3 Bea e hoko o behe, ko ia kuo toe i Saione, bea mo ia oku nofo i Jelusalema, e ui ia koe maonioni, io ko kinautolu kotoabe kuo tohi i he kakai moui o Jelusalema:

4 Oka hili ae fufulu e Jihova ae uli oe gaahi ofefine o Saione, bea hili ene fakamaa ae toto o Jelusalema mei he lotolotoga o ia, aki ae laumalie oe fakamāu, bea moe laumalie oe vela.

5 Bea e fakatubu e Jihova i he nofoaga kotoabe oe mouga ko Saione, bea ki hono gaahi fakataha, ae ao moe ohu afi i he aho, bea moe māma oe afi ulo i he bo: bea e fakamalu aki ae nāunāu ae mea kotoabe.

6 Bea e i ai ae fale koe malumaluaga i he aho mei he bubuha, bea koe botu hufaga, bea koe maluaga mei he afā moe uha.