Vahe 52
1 Oku fakaloto‘i e Kalaisi ae jiaji ke tui ki hono huhui lahi. 7 Ke ma‘u ae kau faifekau oia. 9 Ke fiefia i hono malohi oia, 11 bea ke fakahaofi akinautolu mei he fakabobula. 13 E hakeaki‘i ae buleaga o Kalaisi.
¶ 1 KE ke a, ke ke a; ai ho malohi, E Saione; ai ho gaahi kofu matamatalelei, E Jelusalema, ae kolo maonioni: koeuhi e ikai toe hu kiate koe ae taekamu moe taemaa.
2 Tube‘i koe mei he efu; tuu hake, bea nofo hifo, E Jelusalema: vete koe mei he gaahi ha‘i o ho kia, E ofefine bobula o Saione.
3 He oku behe e Jihova, Kuo mou fakatau akimoutolu tae ha totogi; bea e huhui akimoutolu tae ha baaga.
4 He oku behe e he Eiki ko Jihova, Nae alu hifo i mua a hoku kakai ki Ijibite ke nofo ai; bea nae fakamalohi‘i tae totonu akinautolu e he kakai Asilia.
5 Bea koeni, oku behe e Jihova, Koeha oku ou ma‘u ni, koeuhi oku ave tae hano uhiga a hoku kakai? Ko kinautolu oku bule kiate kinautolu oku nau fakaioho mamahi akinautolu, oku behe e Jihova, bea oku kabea mau be i he aho kotoabe a hoku huafa.
6 Koia e ilo ai a hoku huafa e hoku kakai: Bea te nau ilo i he aho koia, Ko au ia oku folofola: vakai, ko au ia.
¶ 7 Hono ikai fakaofoofa i he gaahi mouga ae va‘e oia oku omi ae ogoogolelei, aia oku fakaha ae melino; aia oku omi ae ogoogolelei oe lelei, mo ne fakaha ae fakamoui; aia oku behe ki Saione, Oku bule a ho Otua!
8 E hiki hake ae le‘o o ho kau tagata leo; bea e fakataha ho nau le‘o o nau hiva: he te nau mamata koe mata ki he mata, oka toe omi e Jihova a Saione.
9 Ke ba mai i he fiefia, hiva fakataha, akimoutolu ae gaahi botu lala o Jelusalema, he kuo fakafiemalie‘i e Jihova a hono kakai, kuo ne huhui a Jelusalema.
10 Kuo fakaha e Jihova a hono nima i he ao oe gaahi buleaga kotoabe; bea e mamata e he gaahi gataaga kotoabe o mamani ae fakamoui a ho tau Otua.
¶ 11 Alu akimoutolu, alu akimoutolu, mou alu atu mei ai, oua e ala ki ha mea tae maa; alu akimoutolu mei he lotolotoga oia; ke maa akimoutolu oku mou fua ae gaahi ibu a Jihova.
12 Koeuhi e ikai te mou alu atu fakavave, be alu i he hola: he ko Jihova e muomua iate kimoutolu; bea koe Otua o Isileli e muimui iate kimoutolu.
¶ 13 Vakai, e fai fakabotoboto a eku tamaioeiki, e hakeaki‘i ia bea fakaogolelei, bea te ne maoluga aubito.
14 O hage nae ofo ae toko lahi kiate ia, i he liliu o kovi hono fofoga o lahi hake i he tagata kotoabe, mo hono jino o lahi hake i he gaahi foha oe tagata.
15 Koia te ne taufui ae gaahi buleaga lahi; e tabuni e he gaahi tu‘i ho nau fofoga kiate ia: he koia nae ikai fakaha kiate kinautolu te nau mamata ki ai; bea koia nae ikai te nau fanogo ki ai te nau tokaga‘i.