¶ 1 OKU behe e Jihova, Tauhi ae fakamāu, bea fai maonioni: he oku ofi ae ha‘u a eku fakamoui, bea moe fakaha o eku maonioni.

2 Oku monuia ae tagata oku fai ae mea ni, bea moe foha oe tagata oku buke ki ai; aia oku tauhi ae aho tabu tae fakauli ia, bea oku taofi hono nima mei he fai kovi kotoabe.

¶ 3 Ke oua foki naa lea ae foha oe muli, aia kuo ne fakahoko ia kia Jihova, o behe, Kuo vahe‘i aubito au e Jihova mei hono kakai: bea oua naa behe e he iunoke, Vakai, koe akau momoa au.

4 He oku behe e Jihova ki ho gaahi iunoke oku tauhi eku gaahi sabate, bea oku fili ae gaahi mea oku ou fiemalie ai, bea buke ki he eku fuakava.

5 Io teu foaki kiate kinautolu i hoku fale bea i hoku lotoa ha botu, bea mo ha higoa lelei lahi i he gaahi foha moe gaahi ofefine: teu foaki kiate kinautolu ha higoa taegata, aia e ikai auha.

6 Bea moe gaahi foha oe muli, oku fakahoko akinautolu kia Jihova, ke tauhi ia, bea ke ofa ki he huafa o Jihova, ke hoko ko eku kau tamaioeiki, ko kinautolu kotoabe oku tauhi ae aho tabu kae ikai fakauli ia, bea oku buke mau ki he eku fuakava;

7 Io ko kinautolu teu omi ki hoku mouga tabu, bea teu fakafiefia‘i akinautolu i hoku fale lotu: e ma‘u i hoku feilaulauaga ae nau gaahi feilaulau tutu moe nau gaahi feilaulau; koeuhi e ui hoku fale koe fale lotu ki he kakai fulibe.

8 Oku behe e he Eiki ko Jihova, aia oku tanaki ae kau liaki o Isileli, Ka teu toe tanaki mo ha niihi kiate ia fakataha mo kinautolu kuou tanaki kiate ia.

¶ 9 Mou ha‘u ke keina, akimoutolu kotoabe ae faga manu oe goue, io, akimoutolu ae faga manu kotoabe oe vao.

10 Oku kui hono kau tagata leo: oku vale kotoabe, koe faga kuli noa akinautolu kotoabe, oku ikai te nau faa kalou; oku mohe, bea tokoto hifo, o manake ki he mohe.

11 Io koe faga kuli uakai oku ikai aubito makona, bea koe kau tauhi tae ilo akinautolu: oku nau vakai kotoabe ki ho nau hala taki taha, ke ma‘u mea mei hono botu.

12 Oku nau behe, Ha‘u akimoutolu, teu omi ae uaine, bea te tau inu ke tau fonu i he inu malohi; bea e tatau ae abogibogi moe aho ni, bea e lahi hake ia.