¶ 1 TAGI kalaga, oua e taofi, hiki hake ho le‘o o hage koe mealea, bea fakaha ki hoku kakai e nau agahala, bea ki he fale o Jekobe e nau gaahi hia.

2 Ka oku nau kumi i he aho kotoabe kiate au, bea fiefia i he ilo ki hoku gaahi hala, o hage koe buleaga nae fai maonioni, bea tae liaki ae tuutuuni a ho nau Otua: oku nau kole kiate au ae gaahi tuutuuni oe agatonu; oku nau fiefia i he unuunu atu ki he Otua.

¶ 3 Oku nau behe, Koeha kuo mau aukai, ka oku ikai te ke afio‘i? koeha kuo mau fakamamahi ai ho mau laumalie, bea oku ikai te ke tokaga‘i? Vakai i he aho o hoo mou aukai oku mou ilo ae fiemalie, bea bule ke fai hoo mou gaue kotoabe.

4 Vakai, oku mou aukai ke fakakikihi mo alea lalahi, bea ke ta aki ae nima oe agahala: e ikai te mou aukai o hage koe aho ni, ke gaohi ke ogo ho mou le‘o ki oluga.

5 Oku behe koa ae aukai kuou fili? koe aho ke fakamamahi e he tagata hono laumalie? koe mea ia ke mabelu ki lalo hono ulu o hage koe kaho, bea ke fofola ae tauagaa moe efuefu ki lalo iate ia? te ke ui ae mea ni koe aukai, bea koe aho fakatuotuamelie kia Jihova?

6 Ikai ko eni ae aukai kuou fili? ke vete ae gaahi noo oe agahala, ke vete ae gaahi kavega mamafa, bea ke tukuage ae kau tamaioeiki, bea ke motumotuhi ae gaahi haamoga kotoabe?

7 Ikai koe mea ke tufaki hoo ma ki he fiekaia, bea ke omi ae majiva kuo li kitua ki ho fale? oka ke ka mamata ki he telefua, ke fakakofu ia; bea oua naa ke fufu koe mei ho jino oou?

¶ 8 Ka behe e toki ulo atu hoo māma o hage koe bogibogi, bea e tubu vave hoo moui lelei: bea e muomua i ho ao a hoo maonioni; bea e muimui iate koe ae nāunāu o Jihova.

9 Bea te ke toki ui bea e tali e Jihova; te ke kalaga, bea te ne behe, Ko au eni. Kabau te ke too mei ho ao ae haamoga, ae tuhutuhu oe nima, moe lea taeaoga.

10 Bea kabau te ke tagaki ho laumalie ki he fiekaia, bea fafaga ae laumalie oku mamahi; bea e toki alu hake ho māma i he fakabouli, bea tatau ae fakabouli moe hoata malie:

11 Bea e fakahinohino koe e Jihova mau ai be, bea e fakainu ho laumalie oka ikai ha vai, bea e fakamalohi ho gaahi hui: bea te ke hage koe goue oku fakaviviku, bea hage koe matavai moui, oku tubu mau ai be hono vai.

12 Bea ko kinautolu oku iate koe te nau toe laga ae gaahi botu lala: te ke fokotuu hake ae tuuga oe gaahi toutagata lahi; bea e ui koe, Koe fakalelei oe botu a kuo maumau, moe toe fakababa oe hala ke alu ai ae kakai.

¶ 13 Kabau te ke taofi ho va‘e i he aho tabu, bea oua naa fai ki ho loto i hoku aho maonioni; bea ke ui ae aho tabu koe fakafiefia, koe aho maonioni o Jihova, koe ogoogolelei; bea fakaabaaba ki ai, o tae fai ki ho gaahi hala, o tae fai ki ho loto, bea tae lea aki ae gaahi lea aau:

14 Behe, te ke toki fiefia koe ia Jihova; bea teu gaohi koe ke ke heka i he gaahi botu maoluga o mamani, bea teu fafaga aki koe ae tofia o Jekobe ko hoo tamai: he kuo folofola behe ae fofoga o Jihova.