¶ 1 TUU hake, bea ulo; he kuo hoko mai hoo māma, bea kuo ha hake iate koe ae nāunāu o Jihova,

2 He, vakai, e ufiufi e he bouli a mamani, moe bouli matolu ae kakai: ka e hobo hake a Jihova kiate koe, bea e ha hono nāunāu iate koe.

3 Bea e ha‘u ae kakai Jenitaile ki hoo māma, moe gaahi tu‘i ki he māma lahi o hoo alu hake.

4 Hiki hake ho mata o jio takatakai, bea mamata: oku nau tanaki fakataha akinautolu kotoabe, oku nau ha‘u kiate koe: e ha‘u ho gaahi foha mei he mamao, bea e faaki ki ho vakavaka ho gaahi ofefine.

5 Bea te ke toki mamata, bea tanaki fakataha, bea e manavahe ho loto, bea e fakalahi ia; koeuhi e fakatafoki kiate koe ae koloa oe tahi, e ha‘u kiate koe ae koloa oe gaahi Jenitaile.

6 E ufiufi aki koe ae faga kameli lahi, koe faga kameli o Mitiani mo Efaa; akinautolu kotoabe mei Siba te nau ha‘u: te nau omi ae koula moe mea namu kakala; bea te nau fakaha ae ogoogolelei o Jihova.

7 E tanaki kiate koe ae faga manu kotoabe o Keta, ae faga sibi tagata o Nebeoti te nau tokoni kiate koe: teu fiemalie i he o hake ia ki hoku feilaulauaga, bea teu fakaogoogolelei ae fale o hoku nāunāu.

8 Kohai akinautolu na oku buna o hage ha ao, bea hage koe faga kulukulu ki ho nau gaahi mataba?

9 Koe mooni e tatali kiate koe ae otu motu, bea e muomua ae gaahi vaka o Tasisi, ke omi ho gaahi foha mei he mamao, ae nau siliva moe nau koula fakataha mo kinautolu, ki he huafa o Jihova ko ho Otua, bea ki he Toko Taha Maonioni o Isileli, koeuhi kuo ne fakaogoogolelei‘i koe.

10 Bea e toe laga ho a e he gaahi foha oe muli, bea e tauhi kiate koe ho nau gaahi tu‘i: he naaku ta‘i koe i hoku houhau, ka i he eku ofa kuou aloofa kiate koe.

11 Koia e ava mau ai be ho gaahi mataba; e ikai tabuni ia i he aho be i he bo; koeuhi ke omi kiate koe ae koloa oe gaahi buleaga, bea ke omi mo ho nau gaahi tu‘i.

12 He koe kakai moe buleaga e ikai tauhi kiate koe e auha ia; io, e lala aubito ae gaahi buleaga koia.

13 E omi kiate koe ae nāunāu o Lebanoni, ae akau koe fea, moe akau koe baini, fakataha moe bokesi, ke teuteu aki ae botu o hoku fale tabu; bea teu gaohi ae botu o hoku tuuga va‘e ke nāunāuia.

14 Bea koe gaahi foha okinautolu nae fakamamahi‘i koe te nau ha‘u o hu kiate koe; bea ko kinautolu nae fehia kiate koe te nau bunou akinautolu ki ho aofiva‘e; bea te nau ui koe, Koe kolo a Jihova, Koe Saione oe Toko Taha Maonioni o Isileli.

15 Koe mea i he liaki koe moe fehia kiate koe, koeuhi nae ikai fou ha tagata iate koe, teu gaohi koe koe lelei taegata, koe fiefiaaga oe toutagata toko lahi.

16 Bea te ke huhu i he hua huhu oe gaahi Jenitaile, bea mimiji i he huhu oe gaahi tu‘i: bea te ke ilo ko au ko Jihova ko ho Fakamoui mo ho Huhui koe Toko Taha Mafimafi o Jekobe.

17 Teu omi ae koula koe fetogi oe balasa, bea teu omi ae siliva koe fetogi oe ukamea, bea koe balasa koe fetogi oe akau, bea koe ukamea koe fetogi oe maka: bea teu gaohi ho kau fakamāu koe melino, bea mo ho kau bule koe maonioni.

18 E ikai toe fanogo ki ha fakamalohi i ho fonua, ae maumau be ae fakaauha i ho gaahi gataaga; ke te ke ui ho gaahi a koe Fakamoui, mo ho gaahi mataba koe Fakamalo.

19 E ikai toe hoko ae laa ko hoo māma i he aho; be koe ulo oe mahina koe māma kiate koe: ka e hoko a Jihova koe māma taegata kiate koe, bea ko ho nāunāu a ho Otua.

20 E ikai toe to hifo hoo laa; bea e ikai toe fufu eia hoo mahina: koeuhi e hoko a Jihova ko hoo mama taegata, bea e gata ae gaahi aho o hoo mamahi.

21 Bea e maonioni foki a hoo kakai kotoabe; te nau ma‘u ae fonua o taegata, koe vaa naaku to, koe gaue a hoku nima, koeuhi keu ogoogolelei ai.

22 E hoko ae toko taha oku jii koe toko afe, moe toko taha oku iki koe buleaga malohi: ko au ko Jihova teu fakavave ia i hono kuoga.