¶ 1 KOHAI eni oku ha‘u mei Itomi, moe kofu kulokula mei Bosila? aeni oku nāunāuia hono kofu, o ne haele i he lahi o hono malohi? Ko au ia oku folofola i he maonioni, koe mafimafi ke fakamoui.

2 Koeha oku kulokula ai ho gaahi kofu, bea tatau ho gaahi kofu mo ia oku molomoloki i he tataoaga uaine?

3 Kuou molomoloki toko taha be ae tataoaga oe uaine; bea nae ikai kau ha toko taha kiate au: neu molomoloki akinautolu i he eku ita, bea moei akinautolu i hoku houhau lahi; bea kuo bani hoku kofu aki ho nau toto, bea neu gaohi ke lanu hoku gaahi kofu kotoabe.

4 He oku i hoku loto ae aho oe fai totogi, bea kuo hokojia ae ta‘u o hoku huhui.

5 Bea neu vakai, bea nae ikai ha taha ke tokoni; bea neu ofo i he ikai ha taha ke boubou hake: koia nae omi e hoku nima ooku ae fakamoui kiate au; bea ko hoku houhau, naa ne boubou au.

6 Bea neu molomoloki ae kakai i hoku houhau, bea gaohi ke nau kona i he houhau lahi, bea neu omi e nau malohi ki he kelekele.

¶ 7 Teu fakaha ae gaahi aloofa a Jihova, moe gaahi fakamalo a Jihova, o hage koia kotoabe kuo foaki e Jihova kiate kitautolu, bea moe agalelei lahi ki he fale o Isileli, aia kuo ne foaki kiate kinautolu o hage ko ene gaahi aloofa, o fakatatau mo hono lahi aubito o ene aloofa ogogofua.

8 He naa ne behe, Koe mooni ko hoku kakai akinautolu, koe fānau e ikai te nau loi; bea nae hoko ia ko ho nau Fakamoui.

9 I he e nau mamahi kotoabe nae mamahi ia, bea koe agelo o hono ao naa ne fakamoui akinautolu: i he ene ofa mo ene manavaofa naa ne huhui akinautolu: bea ne too hake akinautolu, mo fua akinautolu i he gaahi aho kotoabe i mua.

10 Ka naa nau agatuu, bea fakamamahi ki hono Laumalie Maonioni: koia nae liliu ai ia ko ho nau fili, bea naa ne tau‘i akinautolu.

11 Bea naa ne manatu ki he gaahi aho i mua, kia Mosese, mo hono kakai, o ne behe, Oku ife ia nae omi akinautolu mei he tahi, fakataha moe tauhi o ene faga sibi? oku ife ia aia nae ai kiate ia hono Laumalie maonioni?

12 Aia nae tataki akinautolu aki ae nima toomatau o Mosese, aki a hono nima nāunāuia, o vahe‘i ae vai i ho nau ao, ke gaohi moona ha huafa taegata?

13 Aia nae tataki akinautolu i he moana, o hage koe hose i he toafa, koeuhi ke oua te nau tūkia?

14 O hage koe alu hifo ae faga manu ki he vahaa mouga, nae gaohi ia e he Laumalie o Jihova ke mālōlō: nae behe hoo tataki a hoo kakai, ke gaohi moou na huafa ogoogolelei.

¶ 15 Afio hifo mei he lagi, bea vakai mei he afioaga o hoo maonioni bea mo ho nāunāu: kofaaia hoo ofa mo hoo mafimafi, ae gau‘e o hoo manavaofa bea mo hoo gaahi aloofa kiate au? kuo ke taofi ia?

16 Koe mooni koe mau tamai koe, ne ogo oku taeilo akimautolu e Ebalahame, bea tae tokaga‘i akimautolu e Isileli: ko koe, E Jihova, koe mau tamai, ko ho mau huhui; talu mei mua oku tae tubu a ho huafa.

¶ 17 E Jihova, koeha kuo ke tuku ai akimautolu ke mau he mei ho gaahi hala, bea fakafefeka ho mau loto ke oua te mau manavahe kiate koe? Toe tafoki mai koeuhi ko hoo kau tamaioeiki, koe gaahi faahiga o ho tofia.

18 Kuo ma‘u fuonounou be ia e he kakai a hoo maonioni: kuo molomoloki e ho mau gaahi fili a ho fale tabu.

19 Oku aau akimautolu: nae ikai aubito te ke bule‘i akinautolu; nae ikai ui aki akinautolu a ho huafa.