¶ 1 OKU kumi kiate au akinautolu nae ikai te nau fehui kiate au; kuo ilo au ekinautolu nae ikai kumi kiate au: naaku behe, Vakai kiate au, vakai kiate au, ki he buleaga nae ikai ke ui aki hoku huafa.

2 Kuou mafao atu hoku nima i he aho kotoa ki he kakai agatuu, aia oku eveeva i he hala oku ikai lelei, o hage koe nau gaahi filioi:

3 Koe kakai oku fakahouhau kiate au mau ai be ki hoku fofoga; oku fai feilaulau i he gaahi goue, bea oku tutu ae mea namu kakala i he gaahi eji maka umea;

4 Akinautolu oku nofo i he gaahi tanuaga, bea i he gaahi fale maoluga, oku kai ae kakano oe buaka, bea koe vaihu oe gaahi mea fakalielia oku i he e nau gaahi ibu;

5 Akinautolu oku behe, Tuu toko taha be koe, oua e ha‘u ke ofi kiate au; he oku ou maonioni hake iate koe. Koe ohuafi akinautolu ni i hoku fofoga, koe afi oku ulo i he aho kotoabe.

6 Vakai, oku tohi i hoku ao: E ikai teu fakalogobe, ka teu totogi, io e ai ae totogi ki ho nau fatafata.

7 Oku behe e Jihova, Ko hoo mou agahia, moe agahala a hoo mou gaahi tamai fakataha, akinautolu kuo tutu ae mea namu kakala i he gaahi mouga, bea kabe kiate au i he gaahi botu tafugofuga: koia teu fua ae nau muaki gaue ki ho nau fatafata.

8 Oku behe e Jihova, O hage oku ilo ae uaine foou i he fuhi, bea oku behe e ha taha, Oua e fakaauha ia; he oku i ai ha tabuaki; teu fai behe koeuhi ko eku kau tamaioeiki, koeuhi ke oua naaku fakaauha akinautolu kotoabe.

9 Bea teu omi ha hako mei a Jekobe, bea mei Juta ha taha ke ma‘u hoku gaahi mouga: bea e ma‘u ia e hoku kakai fili, bea e nofo ai a eku kau tamaioeiki.

10 Bea e hoko a Saloni koe lotoa ae faga sibi, bea koe telea o Akoli koe tokotoaga oe faga manu, ma a hoku kakai aia kuo kumi kiate au.

¶ 11 Ka ko kimoutolu kuo mou liaki a Jihova, kuo fakagalogalo‘i hoku mouga tabu, oku mou teuteu ha keinagaaga maa Kata, bea oku atu ae feilaulau inu kia Meni.

12 Koia teu lau ai akimoutolu ki he heleta, bea te mou bunou kotoabe ki he tamate‘i: koeuhi i he eku ui, nae ikai te mou tali; i he eku lea, nae ikai te mou fanogo; ka naa mou fai kovi i hoku ao, mo fili aia nae ikai teu fiemalie ai.

13 Koia oku behe e he Otua ko Jihova, Vakai, e kai e he eku kau tamaioeiki, ka te mou fiekaia: vakai, e inu e he eku kau tamaioeiki, ka te mou fieinua: vakai, e fiefia eku kau tamaiooiki, ka e ma akimoutolu.

14 Vakai, e hivehiva eku kau tamaioeiki koeuhi koe fiefia oe loto, ka te mou tagi koeuhi koe mamahi oe loto, bea e tagilāulāu i he mamahi oe laumalie.

15 Bea te mou tuku ho mou higoa koe fakamamahi kiate kinautolu kuou fili: koeuhi e tamate‘i akimoutolu e he Eiki ko Jihova, bea ui ene kau tamaioeiki aki ha higoa kehe:

16 Koeuhi koia oku ne tabuaki ia i he fonua te ne tabuaki ia i he Otua oe mooni; bea ko ia oku fuakava i he fonua te ne fuakava i he Otua oe mooni; koeuhi kuo fakagalo ae gaahi muaki mamahi, bea koeuhi kuo fakafufu ia mei hoku fofoga.

¶ 17 Vakai, he oku ou fakatubu ae gaahi lagi foou bea moe fonua foou: bea e ikai manatu aia nae i mua, be ai ha manatu loto ki ai.

18 Ka ke fiefia akimoutolu bea nekeneka o taegata i he mea oku ou fakatubu: he, vakai, oku ou gaohi a Jelusalema koe fiefiaaga, bea ke fiefia a hono kakai.

19 Bea teu fiefia ia Jelusalema, bea nekeneka i hoku kakai: bea e ikai ha toe fanogo ki ha le‘o oe tagi iate ia, be koe le‘o oe tagi mamahi.

20 E ikai toe ai i ai ha tamajii oku moui fuonounou, be ko ha tagata motua oku tae kakato hono gaahi aho: he ko ia e mate i hono teau ta‘u e mate koe tamajii be; bea koe tagata agahala oku mate i hono teau ta‘u e malaia ia.

21 Bea te nau laga ae gaahi fale, bea nofo ai; bea te nau to ae gaahi vaine, bea kai ae fua oia.

22 E ikai te nau laga, kae nofo ai ha taha kehe; e ikai te nau to, kae kai e ha taha kehe: he oku hage koe gaahi aho oe akau oku behe ae gaahi aho o hoku kakai, bea e leleiia fuoloa ae kakai kuou fili i he gaue a ho nau nima.

23 E ikai te nau gaue taeaoga, be fanau‘i ki he mamahi; he koe hako akinautolu kuo monuia ia Jihova, bea moe nau fānau fakataha mo kinautolu.

24 Bea e hoko o behe, i he heeki te nau ui, teu tali; bea i he lolotoga e nau lea, teu ogo‘i.

25 Oku behe e Jihova, E kai fakataha ae ulofi moe lami, bea e kai e he laione ae kau oe koane o hage koe bulu: bea koe mea kai oe gata koe efu. E ikai te nau fakamamahi be fakaauha i  ha botu o hoku mouga maonioni kotoabe.