¶ 1 BEA nae hoko o behe i he gaahi aho o Ahasi koe foha o Jotame, koe foha o Usia, koe tu‘i o Juta, nae alu hake ki Jelusalema a Lesini koe tu‘i o Silia, mo Beka koe foha o Lemalia, koe tu‘i o Isileli, ke tau‘i ia ka nae ikai te na faa lava ia.

2 Bea nae fakaha ki he fale o Tevita, o behe, Oku kau fakataha a Silia mo Ifalemi. Bea nae gau‘eu‘e hono loto, moe loto o hono kakai, o hage oku lūlū‘i e he matagi ae gaahi akau oe vao.

3 Bea nae toki behe e Jihova kia Isaia, Alu atu o fakafetaulaki kia Ahasi, akoe mo Siajasube ko ho foha, i he gataaga oe tafeaga oe vai tau botu ki oluga i he hala lahi oe goue ae tagata fakamaa kofu;

4 Bea te ke behe kiate ia, Tokaga, bea ke fiemalie; oua e manavahe, bea oua naa vaivai ho loto ki he botu‘i toume oe ogo tuhulu oku kohu ni, ki he ita lahi o Lesini bea mo Silia, bea moe foha o Lemalia.

5 Koeuhi kuo fakakaukau ki he kovi ke fai kiate koe, e Silia, mo Ifalemi, bea moe foha o Lemalia, o behe,

6 Ke tau alu o tau‘i a Juta, bea fakamamahi‘i, bea ke tau gaohi ke ava hono botu moo tautolu, bea fokotuu ha tu‘i i ai, io ae foha o Tabeale:

7 Oku behe e he Eiki ko Jihova, E ikai tuu mau ia, bea e ikai hoko ia.

8 He koe ulu o Silia ko Tamasikusi, bea koe ulu o Tamasikusi ko Lesini; bea i he heeki ke kakato ae ta‘u e onogofulu ma nima e maumau‘i a Ifalemi, ke oua naa kei ai hano kakai.

9 Bea koe ulu o Ifalemi ko Samelia, bea koe ulu o Samelia ae foha o Lemalia. Kabau e ikai te mou tui, koe mooni e ikai te mou tuu mau.

10 Bea nae toe folofola a Jihova kia Ahasi, o behe,

11 Ke ke kole ha fakailoga mei a Jihova ko ho Otua; kole ia mei he loloto, be mei he lagi i oluga.

12 Ka nae behe e Ahasi, E ikai teu kole, bea e ikai teu ahiahi kovi kia Jihova.

13 Bea naa ne behe, Fanogo mai, ae fale o Tevita; He koe mea jii ke ke fakafiu‘i ae tagata, ka te ke fakafiu‘i mo hoku Otua foki?

14 Koia ko Jihova be te ne atu kiate koe ae fakailoga; Vakai, e tuituia ae tāuboou, bea e faele‘i ae tama, bea e ui hono huafa ko Imanuela.

15 Te ne kai ae bota moe honi, koeuhi ke ne ilo ke jiaki ae kovi, bea fili ae lelei.

16 I he heeki ke ilo e he tamajii ke jiaki ae kovi, bea fili ae lelei, e mole mei he fonua oku ke fehia ki ai a hono ogo tu‘i e toko ua.

¶ 17 E fakahoko e Jihova kiate koe, bea ki hoo kakai, bea ki he fale o hoo tamai, ae gaahi aho oku heeki ai hano tatau, talu ae aho nae mahui a Ifalemi mei Juta, io ae tu‘i o Asilia.

18 Bea i he aho koia, e ui e Jihova ke ha‘u ae lago mei he vaitafe i he gaahi gataaga o Ijibite, bea moe bi oku i he fonua ko Asilia.

19 Bea te nau ha‘u, bea e nofo akinautolu kotoabe i he gaahi telea liaki; bea i he gaahi ana maka, bea i he gaahi akau talatala kotoabe, moe gaahi akau kotoabe.

20 I he aho koia e fafai e Jihova aki ae tele kuo ma‘u i he totogi, iate kinautolu i he tua vaitafe, io ae tu‘i o Asilia, ae ulu, bea moe fulufulu oe va‘e: bea te ne fakaoji moe kava foki.

21 Bea e hoko i he aho koia, e tauhi e ha tagata ae bulu mui fefine, moe sibi e ua;

22 Bea e behe, i he lahi oe hua huhu e ma‘u mei ai, koia te ne kai bota, he koe bota moe honi e kai ekinautolu fulibe oku toe i he fonua.

23 Bea e hoko i he aho koia o behe, koe botu kotoabe nae i ai ae vaine e afe o tatau moe koga siliva e afe, e tubu i ai ae akau talatala moe talatalaamoa.

24 E ha‘u ki ai ae kakai moe gaahi gahau moe kaufana; koeuhi e ufiufi ae fonua kotoabe aki ae akau talatala moe talatalaamoa.

25 Bea i he gaahi maoluga kotoabe e keli aki ae huo, e ikai hoko ki ai ae manavahe ki he akau talatala: ka koe botu ia ke ave ki ai ae faga bulu, bea ke moloki ia e he faga sibi.