¶ 1 BEA nae toe behe e Jihova kiate au, Too kiate koe ha takaiga lahi, bea tohi i ai aki ha beni ae tagata ae mea oku kau kia Maha‐sala‐hase‐base.

2 Bea naaku too kiate au ae kau fakamooni agatonu ke tohi, ko Ulia koe taulaeiki, mo Sakalia koe foha o Jebelikaia.

3 Bea neu alu ki he balofita fefine; bea nae tuituia ia, bea fanau‘i ae tama. Bea nae toki behe e Jihova kiate au, Ui hono higoa ko Maha‐sala‐hase‐base.

4 Koeuhi i he kei vale ae tamajii ke lea, Ko eku tamai, mo eku fa‘e, e ave i he ao oe tu‘i o Asilia ae koloa o Tamasikusi moe vete taua o Samelia.

¶ 5 Bea nae toe folofola foki a Jihova kiate au, o behe,

6 Koe mea i he liaki e he kakai ni ae gaahi vai o Siloa oku tafetafemalie, bea oku nau fiefia ia Lesini moe foha o Lemalia;

7 Koia foki, vakai, oku omi e Jihova kiate kinautolu ae gaahi vai oe vaitafe, oku malohi bea lahi, io ae tu‘i o Asilia, mo hono malohi kotoabe: bea te ne alu hake ki hono tafeaga vai kotoabe, bea e lomaki‘i ae gaahi kau vai kotoabe:

8 Bea te ne oho i Juta; bea fetafeaki ia o malofa, o a‘u hake ia ki he kia; bea koe folahi o hono kabakau e feouga moe māukubu o ho fonua, E Imanuela.

¶ 9 Mou kau fakataha, akimoutolu ae kakai, bea e laiki akimoutolu; bea fakafanogo, akimoutolu ae gaahi fonua kotoabe oku mamao: nonoo akimoutolu, bea e momoji akimoutolu; nonoo akimoutolu, bea e liaki akimoutolu.

10 Mou fakakaukau fakataha, ka e hoko koe mea noabe ia; mou alea, ka e ikai tuu mau ia: he oku iate kimautolu ae Otua.

¶ 11 He nae folofola behe a Jihova kiate au i he nima malohi, mo ne akonaki‘i au ke oua naaku alu i he hala oe kakai ni, o ne behe,

12 Oua naa mou behe, Koe tau, kiate kinautolu kotoabe oku behe ki ai ae kakai ni, koe tau, bea oua e manavahe ki he e nau fakamanavahe‘i, bea oua naa mou ilifia.

13 Mou fakatabu‘i be a Jihova oe gaahi kau tau; bea tuku ke hoko ia ko hoo mou manavaheaga, bea mou ilifia iate ia.

14 Bea e hoko ia koe hufaga malu; ka koe maka tukiaaga, bea koe maka fakaita ki he fale fakatouoji o Isileli, koe tauhele moe heleaga ki he kakai o Jelusalema.

15 Bea koe toko lahi iate kinautolu te nau tohumuhumu, bea higa, bea laiki, mo tauhele, bea touia akinautolu.

16 Fakamaoboobo ae fakamooni, buluji ae fono ma a eku kau akoga.

17 Bea teu tatali kia Jihova, aia oku fufu hono fofoga mei he fale o Jekobe, bea teu amanaki kiate ia.

18 Vakai, ko au moe fānau kuo foaki e Jihova kiate au, kuo mau hoko koe gaahi fakailoga bea moe gaahi mea fakaofo i Isileli, mei a Jihova oe gaahi kau tau, aia oku afio i he mouga ko Saione.

¶ 19 Bea oka nau ka behe mai kiate kimoutolu, Kumi kiate kinautolu oku ai ae gaahi laumalie kovi, bea ki he gaahi kikite oku mabu mo femuhumuhu‘i: ikai oku totonu ke kumi ehe kakai ki ho nau Otua? oku totonu koa e nau jiaki ae moui kae kumi ki he mate?

20 Kumi ki he fono bea ki he fakamooni: kabau e ikai te nau lea o hage koe folofola ni, oku behe koeuhi oku ikai ha māma iate kinautolu.

21 Bea te nau alu i ai, i he mamahi moe fiekaia, bea e hoko o behe, i he e nau fiekaia, te nau tagi, bea kabe‘i ho nau tu‘i mo ho nau Otua, bea jio ki oluga.

22 Bea te nau jio ki he kelekele; bea vakai koe mamahi, moe fakabouli, moe ninimo, moe ogojia; bea e kabuji akinautolu ki he fakabouli.

23 Ka koeni, e ikai kei i ai ha fakabouli i he fonua nae mamahi: i he kuoga i mua naa ne fakavaivai‘i ae fonua o Sebuloni moe fonua o Nafitali, ka kuo ne fakalelei ia i he kuoga ki mui; io, i he hala oe tahi, i he tua Joatani, i Kaleli oe gaahi buleaga.