He Whakaahua nō te Pukapuka a Aperahama.

1. Ko Korapa, tona tikanga ko te mea tuatahi i hanga, ko te mea e patata ana ki te Tikitiki-o-rangi, ara ki te nohoanga a te Atua. Ko te matamua i roto i te whakahaere, te whakamutunga ki ta te tatau taima. Te tatau taima e rite ana ki to te Tikitiki-o-rangi (celestial). Ko te ra kotahi i roto i a Korapa e rite ana ki te kotahi mano tau i runga i te whenua e karangatia nei e nga Ihipiana ko Hahohe.

2. Ko tenei e tu ana kei te taha o Korapa, a e karangatia ana e nga Ihipiana ko Oripihi, koia ano tetahi ao whakahaere, a e tata ana ki te Tikitiki-o-rangi, ara te wahi e noho neite Atua; kei tera ano te kii o te mana mo runga i etahi atu ao; e rite ana ki ta te Atua i whakakite ai ki a Aperahama i a ia e patu whakahere ana i runga i te aata i hangaa nei e ia ki te Ariki.

3. He whakaahua tenei mo te Atua, e noho ana i runga i Tona torona, e kakahuria ana ki te kaha me te mana; kei runga ano i tona matenga he karauna o te marama mau tonu; kei reira ano nga Kupu-Kii o te Tohungatanga Tapu i whakakitea ki a Arama i roto i te Kaari o Erene, ki a Heta ano hoki, ki a Noa, ki a Merekihereke, ki a Aperahama, me te katoa atu ano i whakakitea ai te Tohungatanga ki a ratou.

4. He whakaritenga tenei ki te kupu Hiperu Raukianga, tona tikanga nei ko te takiwa, ara te kiko o nga rangi; e rite ana ano ki te whika o nga Ihipiana kotahi mano; he whakaritenga ano ki te tatau taima o Oripihi, e rite tonu ana ki te takahurihuri o Korapa me to reira tatau taima.

5. Ko tenei e karangatia ana i roto i te reo Ihipiana ko Enihiko-ana-taha; ko tenei ano he ao whakahaere, a e kiia ana e nga Ihipiana ko te Ra, a he mea tango mai tona maiama i Korapa ma roto i Kaewhanaraha, koia nei te Kii nui, ara, ki tetahi aronga o te kupu, ko te mana whakahaere, e whakahaere nei i nga ao tekau ma rima ara nga whetu, me Whorihi ano hoki, ara te Marama, te Whenua me te Ra i roto i nga takahurihuri-a-tau. Ko te kaha o tenei ao e ma roto mai ana i Kir whohihe, ara i Hakokaupiima, nga whetu, e whakaritea ana ki nga whika 22 me 23 a e whiwhi ana i tona marama he mea na nga takahurihuri o Korapa.

6. He whakaritenga tenei ki te ao i roto i ona topito e wha.

7. He whakaritenga tenei ki te Atua e noho ana i runga i Tona torona, e whakakitea ana ma roto i nga rangi nga Kupu-Kii o te Tohungatanga, me te tohu o te Wairua Tapu ki a Aperahama i roto i te ahua o te kukupa.

8. Ko tenei he tuhituhinga e kore nei e tika kia whakakitea atu ki te ao, engari kei roto anake i te Temepara Tapu o te Atua.

9. Kahore e tika ana kia whakakitea tenei i roto i enei wa.

10. Me tenei ano.

11. Me tenei ano hoki. Me he mea e taea ana e te ao kia mohio ki enei whika, e pai ana. Amine.