He Whakaahua nō te Pukapuka a Aperahama.
No. 3
Ko te whakamāramatanga mō te whakaahua i runga nei.
1. Ko Aperahama e noho ana i runga i te torona o Parao, he mea na te aroha o te kingi, me tetahi karauna kei runga i tona matenga, a ko tera he whakaritenga ki te Tohungatanga, ara ki te Tumuakitanga nui i roto i te Rangi; kei tona ringa e mau ana te hepeta o te tika me te whakarite whakawa.
2. Ko Kingi Parao, ko tona ingoa kei runga ake i tona matenga.
3. Ko te tikanga o tenei, ko Aperahama i roto i Ihipa. (E rite ana ki te mea i roto i te whakaahua tuatahi).
4. Ko te Piriniha o Parao, Kingi o Ihipa, e rite ana ki te tuhituhinga kei runga ake i te ringaringa.
5. Ko Hureune, tetahi o nga tino tuari o te kingi, e rite ana ki ta nga tuhituhinga kei runga ake i tona ringaringa.
6. Ko Orimira, tetahi o nga pononga, no te piriniha.
Ko Aperahama e korero ana i roto i te kooti o te kingi mo runga i nga tikanga o nga whetu me nga whetu-ao.