OkuKhethiweyo okuThathwe
eNcwadini kaMose

1 Amazwi kaNkulunkulu, awakhuluma ku Mose langa limbe ngesikhathi uMose ehlwithwa eya entabeni ephakeme kakhulu,

2 Futhi wabona uNkulunkulu ubuso nobuso, futhi wakhuluma naye, futhi inkazimulo kaNkulunkulu yaba kuMose; ngakho-ke uMose wakwazi ukumelana nenkazimulo yakhe.

3 Futhi uNkulunkulu wakhuluma kuMose, ethi: Bheka, ngiyiNkosi uNkulunkulu uMninimandla Onke, futhi igama lami ngu-Ongenasiphelo; ngokuba anginasiqalo sezinsuku noma isiphelo seminyaka; ngabe akukona yini lokhu ukungabi nasiphelo na?

4 Futhi, bheka, uyindodana yami; ngalokho-ke buka, futhi ngizokutshengisa umsebenzi wezandla zami; kodwa hhayi wonke, ngokuba imisebenzi yami ayinasiphelo, ngokunjalo namazwi ami, ngokuba awaphezi.

5 Ngalokho-ke, akukho muntu ongabona yonke imisebenzi yami, ngaphandle kokuba abone yonke inkazimulo yami; futhi akukho muntu ongabona yonke inkazimulo yami, futhi emva kwalokho ahlale esenyameni emhlabeni.

6 Futhi nginomsebenzi engizokunika wona, Mose, ndodana yami; futhi wena ufana no Zelwe Yedwa wami; futhi oZelwe Yedwa wami unguye futhi uyoba ngu mSindisi, ngokuba ugcwele umusa ne qiniso; kodwa akukho Nkulunkulu ngaphandle kwami, futhi zonke izinto ziphambi kwami, ngokuba ngizazi zonke.

7 Manje, bheka, lento eyodwa ngikutshengisa yona, Mose, ndodana yami, ngokuba usemhlabeni, manje ngikutshengisa yona.

8 Futhi kwenzeka ukuthi uMose wabuka, futhi wabona umhlaba adalelwa kuwo; futhi uMose wabona umhlaba nesiphelo sawo, nabo bonke abantwana babantu abakhona, futhi nababedaliwe; ngalokho wamangala kakhulu futhi wababaza.

9 Futhi inkazimulo kaNkulunkulu yasuka kuMose, kangangoba inkazimulo yakhe yayingasekho kuMose; futhi uMose wasala yedwa. Futhi ngesikhathi esesele yedwa, wawela phansi.

10 Futhi kwenzeka ukuthi kwaba yisikhathi samahora amaningi ngaphambi kokuba uMose athole futhi amandla akhe emvelo njengawomuntu; futhi wathi kuye: Manje, ngenxa yalokhu sengiyazi ukuthi umuntu akalutho, okuyinto ebengingakaze ngiyicabange.

11 Kodwa manje amehlo ami abone uNkulunkulu; kodwa hhayi emvelo, kodwa amehlo ami omoya, ngokuba amehlo ami emvelo abengeke akwazi ukubona; ngokuba bekufanele ngibune futhi ngife enkazimulweni yakhe; kodwa inkazimulo yakhe ibiphezu kwami; futhi ngabona ubuso bakhe, ngokuba ngiguquliwe phambi kwakhe.

12 Futhi kwenzeka ukuthi ngesikhathi uMose esewashilo lamazwi, bheka, uSathane weza ezo mlinga, ethi: Mose, ndodana yomuntu, ngikhonze.

13 Futhi kwenzeka ukuthi uMose wabheka kuSathane wathi: Ungubani wena na? Ngokuba bheka, ngiyi ndodana kaNkulunkulu, efana noZelwe Yedwa wakhe; futhi iphi inkazimulo yakho, ukuze ngikhonze wena na?

14 Ngokuba bheka, ngangingeke ngibheke kuNkulunkulu, ngaphandle kokuba inkazimulo yakhe ibe kimi, futhi nginga guqulwanga phambi kwakhe. Kodwa ngingakubheka wena ngamehlo ami emvelo. Akunjalo, ngempela na?

15 Malibusiswe igama likaNkulunkulu wami, ngokuba uMoya wakhe awusukanga wonke kimi, kungenjalo ikuphi inkazimulo yakho na, ngokuba kuwubumnyama kimi? Futhi ngingahlukanisa phakathi kwakho noNkulunkulu; ngokuba uNkulunkulu uthe kimi: Khonza uNkulunkulu, ngokuba uyena yedwa oyo msebenzela.

16 Suka lapha, Sathane; ungangikhohlisi; ngokuba uNkulunkulu uthe kimi: Ufana noZelwe Yedwa wami.

17 Futhi wabuye wanginika imiyalelo ngesikhathi engibizela esihlahleni esivuthayo, ethi: Biza uNkulunkulu egameni loZelwe Yedwa wami, futhi ungikhonze.

18 Futhi phezu kwalokho uMose wathi: Ngeke ngiyeke ukubiza uNkulunkulu, nginezinye izinto engifuna ukuzibuza kuye: ngokuba inkazimulo yakhe ibiphezu kwami, ngalokho-ke ngingahlukanisa phakathi kwakhe nawe. Suka lapha, Sathane.

19 Manje, ngesikhathi uMose esesho lamazwi, uSathane wakhala ngezwi elikhulu, futhi waklabalasa emhlabeni, futhi wayala, ethi: Ngingo Zelwe Yedwa, ngikhonze.

20 Futhi kwenzeka ukuthi uMose waqala ukwesaba kakhulu; futhi ngesikhathi eseqala ukwesaba, wabona ububi besi hogo. Nokho, ebiza uNkulunkulu, wafumana amandla, futhi wayala, ethi: Suka kimi, Sathane, ngokuba yiloNkulunkulu yedwa engizomkhonza, okunguNkulunkulu wenkazimulo.

21 Manje uSathane waqala ukuqhaqhazela, nomhlaba wazamazama; noMose wathola amandla, futhi wabiza uNkulunkulu, ethi: Egameni loZelwe Yedwa, suka lapha, Sathane.

22 Futhi kwenzeka ukuthi uSathane wakhala ngezwi elikhulu, ngokukhala, nokulila, noku gedla kwamazinyo; futhi wasuka lapho, ngisho naphambi kukaMose, kangangoba akabange esambona.

23 Manje uMose wafakaza ngalokhu; kodwa ngenxa yobubi akwaziwa phakathi kwabantwana babantu.

24 Futhi kwenzeka ukuthi ngesikhathi uSathane esesukile phambi kukaMose, ukuthi uMose waphakamisela amehlo akhe ezulwini, egcwaliswe ngo Moya oNgcwele, ofakaza ngoBaba neNdodana;

25 Futhi ebiza igama likaNkulunkulu, waphinde wabona inkazimulo yakhe, ngokuba yayisiphezu kwakhe; futhi wezwa izwi, lithi: Ubusisiwe, Mose, ngokuba mina, uMninimandla Onke, ngikukhethile, futhi uyokwenziwa ube namandla kuna manzi amaningi; ngokuba ayowuhlonipha umyalelo wakho kube sengathi ungu Nkulunkulu.

26 Futhi bheka, nginawe, ngisho kuze kube sekuphelene kwezinsuku zakho; ngokuba uyo khulula abantu bami kubo ubugqili, ngisho u-Israyeli okhethiweyo wami.

27 Futhi kwenzeka, ngesikhathi izwi lisakhuluma, uMose waphonsa amehlo akhe futhi wabona umhlaba, yebo, ngisho wonke, futhi kwakungekho nokuncane kwawo angakubonanga, ewubona ngoMoya kaNkulunkulu.

28 Futhi wabona abantu abahlala kuwo, futhi kwakungekho muntu angambonanga; futhi wayebabona ngoMoya kaNkulunkulu; futhi inani labo lali likhulu, ngisho bengabaleki njengesihlabathi phezu kosebe lolwandle.

29 Futhi wabona izindawo eziningi; futhi indawo ngayinye yayibizwa ngezwe, futhi kwakukhona abantu ebusweni bezwe ngalinye.

30 Futhi kwenzeka ukuthi uMose wabiza uNkulunkulu, ethi: Ngitshele, ngiyakucela, kungani lezi zinto zinjena, futhi wazenza ngani na?

31 Futhi bheka, inkazimulo yeNkosi yayiphezu kukaMose, kangangoba uMose wama phambi kukaNkulunkulu, futhi wakhuluma naye ubuso nobuso. Futhi iNkosi uNkulunkulu yathi kuMose: Ukuze ngifeze inhloso yami ngenze lezi zinto. Nakhu ukuhlakanipha futhi kuhleli kimi.

32 Futhi ngezwi lamandla ami, ngizidalile, okuyiNdodana yami eZelwe Yodwa, egcwele umusa ne qiniso.

33 Futhi imihlaba engabaleki ngiyi dalile; futhi nayo ngiyidalele inhloso yami; futhi ngeNdodana ngiyidalile, okungo Zelwe Yedwa wami.

34 Futhi umuntu wokuqala kubantu bonke ngambiza ngo-Adamu, okungukuthi abaningi.

35 Kodwa yindaba yalomhlaba kuphela, nabantu bawo, engikunika yona. Ngokuba bheka, miningi imihlaba eseyadlula ngezwi lamandla ami. Futhi miningi esamile namanje, futhi ayibaleki kumuntu; kodwa zonke izinto zibaliwe kimi, ngokuba zingezami futhi ngiyazazi.

36 Futhi kwenzeka ukuthi uMose wakhuluma neNkosi, wathi: Yiba nomusa encekwini yakho, O Nkulunkulu, futhi ungitshele ngokuphathelene nalomhlaba, nabantu bawo, futhi nangamazulu, futhi emva kwalokho inceku yakho izogculiseka.

37 Futhi iNkosi uNkulunkulu yakhuluma kuMose, yathi: Amazulu, maningi, futhi ngeke abaleka kumuntu; kodwa ayabaleka kimi, ngokuba angawami.

38 Futhi njengoba umhlaba omunye uyodlula, namazulu awo kanjalo-ke nomunye uyoza; futhi akukho siphetho emisebenzini yami, nasemazwini ami.

39 Ngokuba bheka, lokhu kungu msebenzi wami ne nkazimulo yami—ukufeza ukungafi no kuphila okuphakade komuntu.

40 Manje, Mose, ndodana yami, ngizokhuluma kuwe ngokuphathelene nalomhlaba ome phezu kwawo; futhi uzozi bhala izinto engizozikhuluma.

41 Futhi ngosuku lapho abantwana babantu beyolibuka izwi lami njengeze futhi basuse amaningi encwadini oyoyibhala, bheka, ngiyokhetha omunye ofana nawe; futhi ayophinda abekhona phakathi kwabantwana babantu—phakathi kwabo bonke abayokholwa.

42 (Lawamazwi akhulunywa kuMose entabeni, igama layo elingeke laziwe phakathi kwabantwana babantu. Manje asekhulunywa kuwe. Ungawatshengisi muntu ngaphandle kwalabo abakholwayo. Ngisho kanjalo. Amen.)