O Le Liliuese ma le Toefuataiga
“Ua ou auina atu le atoatoa o la’u talalelei e ala i le lima o la’u auauna o Iosefa” (Mataupu Faavae ma Feagaiga 35:17).
O otootoga o i le iunite lenei o le a fesoasoani i alii talavou ia malamalama i le Liliuese Tele ma le auala na toefuataiina mai ai e Iesu Keriso Lana Ekalesia ma le atoatoaga o Lana talalelei e ala i le Perofeta o Iosefa Samita. I lenei iunite e mafai e alii talavou ona aoao e uiga i mea autu na tutupu o le Toefuataiga ma iloa ai le taua o nei mea na tutupu i o latou olaga.
Ua i ai i e umia le Perisitua Arona se tiute faaleperisitua e faasoa atu le talalelei ma valaaulia tagata uma e o mai ia Keriso. O aafiaga latou te maua i lenei iunite e mafai ona fesoasoani ia i latou e folafola atu ai le savali o le Toefuataiga i le manino ma le mana, i le taimi nei i le avea ai ma ni isi ua umia le Perisitua Arona ma i le lumanai i le avea ai ma ni faifeautalai faamisiona.
Ina ia avea le Tiute i le Atua ma se vaega o le fonotaga faalekorama i le Aso Sa, atonu e te mafaufau e aoao atu le otootoga o le Tiute i le Atua o i lalo i le taimi o lenei iunite.
Otootoga e Filifili mai ai i le Masina Lenei:
Mutuale
Mafaufau pe mafai faapefea ona e fuafuaina gaoioiga lea e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga mataalia o le Mutuale. Galulue ma au peresitene o korama e filifili ma fuafua gaoioiga talafeagai lea e faamalosia ai mea na aoaoina e alii talavou i le aso Sa.
Tiute i le Atua
O vaega nei mai le tusi o le Tiute i le Atua e fesootai i lesona i le iunite lenei:
“Valaau Atu i Tagata Uma ia O Mai ia Keriso,” itulau 28–29, 52–53, 76–77