Au na vakavakarau vakacava meu tara cake e dua na vuvale va-Karisito?

Na taraicake ni Matanitu ni Kalou e tekivu ena taraicake ni dua na vale kei na matavuvale buladodonu. Sa dua dina na tiki bibi sara ni Lotu na matavuvale. Ni da lewe ni Lotu, sa dodonu meda vakaduria e dua na vale ka tiko kina na Yalotabu. E dua na vale va-Karisito sa dua na isasabai mai na ivalavala ca, ka ivakaruru mai vuravura,ka ivakadei ni loloma dina. Se vakacava na levu se lailai ni noda vale, ena rawa tikoga ni dua na “vale ni masumasu, vale ni lolo, ka vale ni vakabauta, vale ni vuli, vale ni vakarokoroko, ka vale ni caka dodonu, io na vale ni Kalou” (V&V 88:119).

Mo vakarautaki iko vakayalo

Na cava o na cakava me yaco na nomu itikotiko me isasabai ni ivalavala ca ka ivakaruru mai na vuravura oqo? Na cava o sa vakayacora tiko mo vakavulica kina vei ira na luvemu kei na nomu matavuvale na kosipeli?

Vakasamataka na veivale era vakaitikotiko kina na cauravou. Na cava soti e yaco tiko oqo vei ira ka na vukea na nodra susuga cake na nodra dui matavuvale yalododonu?

Na veiivolanikalou kei na vosa cava ena vukei ira na cauravou mera tauyavutaka na veivuvale va-Karisito?

1 Nifai 1:1; Inosi 1:1–3; Mosaia 27:14 (Na nodra veivakayarayarataki na tama yalododonu)

Same 127:3; Mosaia 4:14–15; V&V 68:25–28; 88:119; 93:40 (Era sa vakaroti na itubutubu mera vakavulici ira na susugu ira cake na luvedra)

“Na Matavuvale: Ai Vakaro ki Vuravura Raraba,,” Ensign se Liaona, Nove. 2010, 129

Henry B. Eyring, “Kivei Ira na Makubuqu,” Ensign se Liaona, Nove. 2013

Richard G. Scott, “Me Rawa na Vakacegu mai Vale,” Ensign se Liaona, Me 2013

David A. Bednar, “Na Kaukauwa ga Vakalomalagi,” Ensign se Liaona, Me 2012, 48–51

“Na Vuvale,” Me iSakisaki ni iTabagone (2011), 10–11

Vidio: “A Father Indeed”

7:8

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakauqeti ira mera wasea na veika era sota kaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Vola ena vava ni volavola na taro mai na lesoni ni macawa sa oti, ka qai taroga vei ira na cauravou se era na sauma vakacava na taro oqo.
Sureti ira na cauravou se na vakacava e dua na vale kevaka a cakava na kena droini e dua ka dau taleitaka na ivakatagi (se yaloyalo se qito). Na cava era raica e kea na cauravou? Na cava era na vakila mai kina? Qai tarogi ira se cava era nanuma me ivakaraitaki ni dua na vale va-Karisito. Ena duatani tu li vakacava? Na cava beka era na raica? Na cava era na vakila mai kina? Kerei ira mera vakatura na veiisau ni taroni “Au na vakavakarau vakacava meu tara cake e dua na vuvale va-Karisito?”

Vulica vata

Na veiitaviqaravi yadua e ra ena rawa ni vukei ira na lewe ni kuoramu ena nodra kila na sala mera tauyavutaka kina e dua na vuvale va-Karisito. Muria na veivakauqeti ni Yalotabu ena nomu digitaka e dua se sivia ka na ganita vinaka na nomu kuoramu:

Ni wilika vata vakuoramu na Mosaia 4:14–15 ka lisitaka ena vava ni volavola na veivakavuvuli ena veitikina oqo ka na vukei ira na cauravou mera tauyavutaka e dua na vuvale sa va-Karisito. Vakaraitaka e dua se ruarua na vidio ka vakatututaki ena ituvatuva oqo. Dusimaki ira na cauravou mera nanuma tu mada ni ra sa tama ni ra sarasara tiko. Ni cava na vidio yadua, kerei ira na cauravou mera veivosakitaka na uto ni itukutuku kei na ikuri ni ivakavuvuli era sa vulica ka na vukei ira mera tauyavutaka e dua na vuvale sa va-Karisito. Vakasamataka mo kuria na ituvatuva ena vava ni volavola na veiivakavuvuli oqo. Sureti ira mera wasea na ivakaraitaki ni veivakavuvuli oqo mai na nodra dui matavuvale vakakina eso tale.
Kerea e dua na cauravou me wilika e cake na Vunau kei na Veiyalayalati 88:119 ka vola ena vava ni volavola na ivakavuvuli ni dua na vuvale yalododonu. Sureti ira na cauravou mera digia e dua vei ira na ivakavuvuli oqo ka qai wasea na veisala era na rawa ni vakayagataki kina ena dua na vuvale yalododonu. Vakauqeti ira mera wasea na ivakaraitaki era sa raica. Na cava era rawa ni vakayacora na cauravou mera tauyavutaka kina na ivakavuvuli oqo ena nodra vuvale ena gauna oqo kei na kena ena qai muri mai? Me vaka ni tiki ni veivosaki oqo, sureti ira na cauravou mera wilika na iwase ka kena iulutaga tiko “Yalovinaka ni Vukei Watiqu me Kila Vakavinaka”mai na vosa nei Elder David A. Bednar “Na Kaukauwa Ga Vakalomalagi.” Tarogi ira na cauravou se cava era nanuma me kena ibalebale mera dua na iliuliu ni matabete ena vuvale.
Kerei ira na cauravou mera vakasamataka na ivakaraitaki ni tama dau veivakayarayarataki ena iVola i Momani (me baleta e so na ivakaraitaki, raica na ituvatuva oqo). Sureti ira na cauravou mera vola eso na ikuri ni tiki ni nodra ivakarau na tamadra se so tale na tama era kila ka ra na via vakamurimuria. Na cava na itavi ni tama ena taraicake ni matanitu ni Kalou? Na cava era sa vakayacora na tama oqo ka veivakayarayarataki vinaka vei ira na luvedra? Na cava e rawa ni ra cakava na cauravou mera muria kina na nodra ivakaraitaki?
Kerei ira na cauravou me ra vola ena vava ni volavola na nodra ivakasala vinaka duadua vei rau e rua e rau vakarau vakamau. Wasewasea na vosa nei Peresitedi Henry B. Eyring “Kivei Ira na Makubuqu” ka solia vei ira na cauravou na iwasewase eso ni vosa me ra wilika. Kerei ira me ra vakuria na veika eso era kunea ena vosa nei Peresitedi Eyring ki na ituvatuva ena vava ni volavola ka veivosakitaka na veika e rawa ni ra cakava ena gauna oqo me ra vakarau kina me ra tauyavutaka e dua na vuvale va-Karisito.
Wasewasei ira na kuoramu, ka qai wasewasea na vosa nei Elder Richard G. Scott “Me Rawa na Vakacegu mai Vale” vei ira na ilawalawa. Kerei ira na ilawalawa mera vulica na nodra iwase ni vosa, ka mera vaqara na ivakamacala vakakina na ivakarau ni dua na vuvale va-Karisito. Sureti ira mera wasea na ka era kunea ena nodra droinitaka eso na iyaloyalo ka vakaraitaka e dua na vuvale va-Karisito. Na cava era rawa ni vakaraitaka ena gauna oqo na cauravou ka rawa me vukea na kena va-Karisito vakalevu cake na nodra vuvale? Era na vakavakarau vakacava mera tauyavutaka mai muri e dua na vuvale sa va-Karisito?

Kerei ira na cauravou mera wasea na veika era sa vulica nikua. Era sa kila vinaka li na sala me vakaduri kina e dua na vuvale va-Karisito? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me na tauri vakalevu na gauna ena ivunau oqo?

Me Veivuke ena Veivakavulici

“Na veivosaki vakailala ena rawa ni ra dau vakaitavi kina o ira na lewenikalasi era sega ni dau vakaitavi kei ira na sega ni dau taleitaka na lesoni” (Veituberi, Me iLutua ni Noda Bula [1999], 83).

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Wasea na ka e sa vakayacora tiko me vakarautaka kina nona tauyavutaka e dua na vuvale va-Karisito.
Sureti ira na lewe ni kuoramu mera vakayacora e dua na ka me vaqaqacotaki kina na nodra vuvale.