Tara cake na Matanitu ni Kalou Edaidai

“Me toso tikoga na matanitu ni Kalou, me qai yaco mai kina na matanitu vakalomalagi” (Vunau kei na Veiyalayalati 65:6).

Era a talai mai ki vuravura na lewe ni Matabete i Eroni ena nomu kuoramu mera mai veivuke ena vakarautaki ni vuravura me baleta na iKarua ni Lesu mai ni iVakabula. Sa tu vei ira na veimataqali isolisoli kei na taledi vakatabakidua ka vinakata na Turaga mera vakayagataka ena nodra veivuke ena tarai ni Nona matanitu kei na wasei ni Nona kosipeli. Ena vukei ira ena nodra vakatubura na veisolisoli oqori na veilesoni ena tabana oqo ka mera vakavakarau kina mera iliuliu ka qasenivuli ena Lotu kei na matanitu ni Kalou.

Me vakayacori na iTavi Vua na Kalou me tiki ni soqoni ni kuoramu ena Sigatabu, sa rawa ni o vakananuma mo vakatavulica na ituvatuva ni iTavi Vua na Kalou e ra ena gauna ni tabana oqo.

iTuvatuva mo Digidigi mai Kina ena Vula Oqo

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni Taviqaravi ni Tabagone ni lotu sa vakarautaki tu me vukei iko. E vuqa vei ira na itaviqaravi vakavulici ena idusidusi oqo era rawa talega ni na veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka vinaka na veika era vulica na cauravou ena Sigatabu.

iTavi Vua na Kalou

Na veiwase oqo mai na ivola ni iTavi Vua na Kalou era semati ki na veilesoni ena tabana oqo:

“Kila Na iVunau,” draunipepa 18–20, 42–44, 66–68

“Sureti Ki Na Tamata Kecega Me Ra Lako Mai Vei Karisito,” tabana e 28–29, 52–53, 76–77