Matabete kei nai Dola ni Matabete
“Raica sa soli na lewa ni matanitu ni Kalou e vuravura vua na tamata” (Vunau kei na Veiyalayalati 65:2).
Sa vakarota na Turaga, “Raica sa kilikili ki na tamata yadua me vulica ka kila na nona itavi, io me vakayacora ena yalodina na itavi ni ilesilesi sa digitaki kina” (Vunau kei na Veiyalayalati 107:99). Ena rawa ni o vukei ira na lewe ni nomu kuoramu me ra raica na sala e vakalougatataki ira na luvena na Tamada Vakalomalagi ena nodra vakayagataka ena bula kilikili na matabete.
Me vakayacori na iTavi Vua na Kalou me tiki ni soqoni ni kuoramu ena Sigatabu, sa rawa ni o vakananuma mo vakatavulica na ituvatuva ni iTavi Vua na Kalou e ra ena tabana oqo.
iTuvatuva mo Digidigi mai Kina ena Vula Oqo
Muavata
Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni iTaviqaravi ni iTabagone ni Lotu sa vakarautaki tu me vukei iko. E vuqa vei ira na itaviqaravi vakavuli ena idusidusi oqo era rawa talega ni na veivuke vinaka sara ena veitaviqaravi ni Muavata. Cakacaka vata kei iratou na mataveiliutaki ni kuoramu mo digitaka ka tuvana na veitaviqaravi matau e na vaqaqacotaka vinaka na veika era vulica na cauravou ena Sigatabu.
iTavi Vua na Kalou
Na veiwase oqo mai na ivola iTavi Vua na Kalou era semati ki na veilesoni ena tabana oqo:
“Bula Kilikili,” draunipepa 16–17, 40–41, 64–65