Lakanga Fakataulaʻeikí mo e Ngaahi Kī ‘o e Lakanga Fakataulaʻeikí
“Kuo tuku mai ʻa e ngaahi kī ʻo e puleʻanga ʻo e ʻOtuá ki he tangatá ʻi he māmaní” (Tokāteline mo e Ngaahi Fuakava 65:2).
ʻE tokoni ʻa e ngaahi fokotuʻutuʻu ʻi he ʻiuniti ko ʻení ki he talavou takitaha ke ne “[ako] ʻa hono fatongiá, pea ke ngāue ʻi he lakanga kuo fakanofo ia ki aí, ʻi he faivelenga kakato” (Tokāteline mo e Ngaahi Fuakava 107:99). ʻI he ʻiuniti ko ʻení, te ke lava ʻo tokoniʻi ʻa e kau mēmipa ʻi hoʻo kōlomú ke nau fakatokangaʻi ʻa e founga te nau lava ai ʻo tāpuakiʻi e fānau ʻa e Tamai Hēvaní ʻi haʻanau fakaʻaongaʻi ʻi he moʻui taau ʻa e lakanga fakataulaʻeikí.
Koeʻuhí ke hoko e Fatongia ki he ʻOtuá ko ha konga ʻo e fakataha fakakōlomu he ʻaho Sāpaté, mahalo te ke fakakaukauʻi hano akoʻi e fokotuʻutuʻu ki he Fatongia ki he ʻOtuá ʻoku ʻoatu ʻi laló lolotonga e ʻiuniti ko ʻení.
Ngaahi Fokotuʻutuʻu ke Fili mei ai ʻi he Māhiná Ni
Mutualé
Fakakaukau ki he founga te ke lava ʻo palani ai ha ngaahi ʻekitivitī ʻoku fakafehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
ʻOku fekauʻaki e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:
“Moʻui Taau,” peesi 16–17, 40–41, 64–65
“Mahino ʻa e Tokāteliné,” peesi 18–20, 42–44, 66–68
“Ngaahi Fatongia ‘o e Lakanga Fakataulaʻeikí,” peesi 22–29, 46–53, 70–77