O Le Togiola a Iesu Keriso

“Faauta ou te fai atu ia te outou, tou te faamoemoe, e ala i le togiola a Keriso” (Moronae 7:41).

O otootoga i lenei iunite o le a fesoasoani i tamaitai talavou e “o mai ia Keriso … ma taumamafa i lana olataga, ma le mana o lana togiola” (Ominae 1:26). A oo ina malamalama tamaitai talavou i le Togiola ma lona mana i o latou olaga, o le a latou maua le malosi e faatoilalo ai le agasala ma le fili e ala i le alofa tunoa o le Faaola. O le a latou maua le filemu ma le malologa. O le a faalolotoina lo latou alolofa ma le tautinoga i le Faaola, ma o le a latou lagona le manao silisili e faasoa atu a latou molimau e uiga ia te Ia i isi.

Otootoga e Filifili mai ai i le Masina Lenei:

• O le a le Togiola a Iesu Keriso?

• O le a le uiga o le maua o le faatuatua ia Iesu Keriso?

• E mafai faapefea e le salamo ona fesoasoani ia te a’u i aso uma?

• O le a le alofa tunoa?

• Aisea e manaomia ai lo’u faamagaloina o isi?

• O le a le Toetu?

• E mafai faapefea e le Faaola ona fesoasoani ia te a’u i taimi o o’u tofotofoga?

Mutuale

Mafaufau pe mafai faapefea ona e fuafuaina gaoioiga lea e fesootai ma mea o loo aoaoaina e le autalavou. O loo avanoa le saite o Gaoioiga a le Autalavou e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.

Alualu i Luma o le Tagata Lava Ia

O mea faatonuina nei e fai mai le Alualu i Luma o le Tagata Lava Ia e faatatau i lesona o loo i le iunite lenei:

• O mea faatonuina nei e fai o le tulaga faatauaina o le Faatuatua 5

• O mea faatonuina nei e fai o le tulaga faatauaina o le Mama 4