Na Lewe Tolu Vakalou

“Keimami vakabauta na Kalou, na Tamada Tawamudu, kei na Luvena, ko Jisu Karisito, kei na Yalo Tabu” (Na Yavu ni Vakabauta 1:1).

Na ituvatuva ena tabana oqo ena vukei ira na goneyalewa mera kila vinaka na ituvaki dina ni Lewetolu Vakalou kei na nodratou dui itavi ena kena vakayacori na ituvatuva ni veivakabulai ni Tamada Vakalomalagi. Na vakasama oqo ena vukei ira mera kila deivaki cake vakai ira na nodra kilai vakalou kei na inaki ni ra sa luvena yalewa na Kalou.

iTuvatuva mo Digidigi mai kina ena Vula Oqo:

• Na cava eda kila me baleta na ituvaki ni Lewe Tolu Vakalou?

• Au na kila vakacava na Tamaqu Vakalomalagi?

• Na cava e bibi kina o Jisu Karisito ena noqu bula?

• Na cava-so na itavi ni Yalo Tabu?

• O cei ko i au, kau na rawa ni yaco me o cei?

iVakamacala vei Qasenivuli

Ena tabana taucoko oqo, sa rawa mo vakavotuya vei ira na goneyalewa ni sa ka tabu sara na yacadratou va‑Kalou (raica na Vunau kei na Veiyalayalati 63:61). Vakauqeti ira mera cavuta na yacadratou ena vakarokoroko kei na veidokai.

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na vanua ni iTaviqaravi ni iTabagone ni Lotu sa tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi veiganiti ka vaqaqacotaka na veika era vulica na goneyalewa ena Sigatabu.

Torocake Yadudua

Na itaviqaravi eso oqo mai na Torocake Yadudua e sema ki na lesoni ni tabana oqo:

Veika e sotavi ena yavunilewa ni Vakabauta 5

Veika e sotavi ena yavunilewa ni Bula Vakalou 1, 2, kei na 6

Veika e sotavi ena yavunilewa ni Kequ Yaga 1