Ko e Toluʻi ʻOtuá

“ʻOku mau tui ki he ʻOtua, ko e Tamai Taʻengatá, pea ki Hono ʻAlo, ko Sīsū Kalaisí, pea ki he Laumālie Māʻoniʻoní” (Ngaahi Tefito ʻo e Tui 1:1).

ʻE tokoni ʻa e ngaahi fokotuʻutuʻu ʻi he ʻiuniti ko ʻení ki he kau finemuí ke mahino e natula moʻoni ʻo e kau mēmipa ʻo e Toluʻi ʻOtuá pea mo honau ngaahi fatongia takitaha ʻi hono fakahoko e palani ʻo e fakamoʻui ʻa e Tamai Hēvaní. ʻE tokoni ʻa e ʻilo ko ʻení ki he kau finemuí ke mahino ange honau tuʻunga fakalangí mo e taumuʻa ko e ngaahi ʻofefine ʻo e ʻOtuá.

Ngaahi Fokotuʻutuʻu ke Fili mei ai ʻi he Mahiná Ni

• Ko e hā ʻoku tau ʻilo fekauʻaki mo e natula ʻo e Toluʻi ʻOtuá?

• Ko e hā ha founga te u lava ʻo ʻiloʻi ai ʻeku Tamai Hēvaní?

• Ko e hā ʻoku mahuʻinga ai ʻa Sīsū Kalaisi ʻi heʻeku moʻuí?

• Ko e hā ʻa e ngaahi fatongia ʻo e Laumālie Māʻoniʻoní?

• Ko hai au, pea te u lava ʻo tatau mo hai?

Fakamatala ki he Faiakó

‘I he ʻiuniti ko ‘ení, te ke lava ʻo fakamanatu ki he kau finemuí ko e huafa ‘o e ʻOtua ‘oku toputapu (vakai, Tokāteline mo e Ngaahi Fuakava 63: 61). Poupouʻi kinautolu ke nau fakaʻaongaʻi ‘a e ngaahi hingoa ko ʻení ‘i he ʻapasia mo e fakaʻapaʻapa.

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. ʻE lava ke fakaʻaongaʻi e lahi taha ʻo e ngaahi ʻekitivitī ako ʻi he ngaahi fokotuʻutuʻu ko ʻení ko ha ngaahi ʻekitivitī lelei ʻo e Mutualé. Ngāue fakataha mo e kau palesitenisī fakakalasí ke fili mo palani ha ngaahi ʻekitivitī feʻunga ʻoku nau fakamālohia e meʻa ʻoku ako ʻe he kau finemuí ʻi he Sāpaté.

Fakalakalaka Fakatāutahá

ʻOku fekauʻaki ʻa e ngaahi ʻekitivitī ko ʻeni mei he Fakalakalaka Fakatāutahá mo e ngaahi lēsoni ʻi he ʻiuniti ko ʻení:

Aʻusia ʻi he tuʻunga ʻulungaanga mahuʻinga ʻo e Tuí 5

Ngaahi aʻusia ʻi he tuʻunga ʻulungaanga mahuʻinga ʻo e Natula faka-ʻOtuá 1, 2, mo e 6

Aʻusia ʻi he tuʻunga ʻulungaanga ʻo e Mahuʻinga Fakatāutahá 1