Օգնող ձեռքերը ամբողջ աշխարհում
Ծանոթացեք Գանայից Ստելայի հետ
Ծանոթացեք Երեխաների միության երեխաների հետ, ովքեր օգնում են ուրիշներին Հիսուսի օրինակով:
Ամեն ինչ Ստելայի մասին
Տարիքը՝ 11
Բնակավայրը՝ Գանա
Լեզուները՝ անգլերեն և տվի
Ընտանիքը՝ մայր, հայր և Յոու անունով եղբայր
Նպատակները և երազանքները՝ 1) Միսիա ծառայել իր մայրիկի օրինակով: 2) Ամուսնանալ տաճարում: 3) Հագուստի մոդելավորող դառնալ:
Ստելան կարդում է սուրբ գրություններն իր եղբոր հետ:
Ստելայի Օգնող ձեռքերը
Դուք կարող եք տեսնել, որ գրեթե ամեն օր Ստելան և իր ընտանիքն այցելում են իրենց շենքում բնակվող տանտիրուհուն: Նրանք բարեկամներ չեն, սակայն Ստելան և իր եղբայրը նրան «Սեսիլիա տատիկ» են անվանում: Ստելան ասում է. «Նա 83 տարեկան է և չունի սեփական երեխաներ»: Ստելան և իր ընտանիքը նկատել են, որ նա օգնության կարիք ունի և որոշել են «որդեգրել» նրան:
Ստելան միշտ օգնության ձեռք է մեկնում՝ ավլելով և մաքրելով Սեսիլիա տատիկի սենյակի հատակը: Մաքուր տունը առողջ լինելու կարևոր նախապայմաններից է: Այնպես որ Ստելան անում է այն, ինչն իսկապես օգնում է Սեսիլիա տատիկին: «Հիսուս Քրիստոսը ծառայել է ուրիշներին, - ասում է Ստելան,- և դա ինձ ոգեշնչեց ծառայել նրան: Ես գիտեմ, որ Հիսուս Քրիստոսը և Նրա Հայրը երջանիկ են, երբ ես ծառայում եմ»:
Ստելայի սիրած բաները
Վայրը՝ Աքրա Գանա տաճարը («Այն, կարծես, դրախտ լինի երկրի վրա»:)
Հիսուսի մասին պատմությունը՝ «Երբ նա ժողովրդի հոծ բազմությանը կերակրեց երկու ձկով և հինգ հացով»:
Երեխաների միության երգը՝ “Called to Serve” («Կոչված ծառայելու») և “A Child’s Prayer” («Մանկան աղոթքը») (“They give me strength to love and serve” («Նրանք ինձ ուժ են տալիս՝ սիրելու և ծառայելու»):
Ուտեստը՝ ֆուֆու (պլանտանի պյուրե, որը բանանի տեսակ է և կասավա) ապուրով և այծի մսով:
Գույնը՝ դեղին
Առարկան՝ ստեղծագործական արվեստ
Նկարները՝ Փոլա Պանգի