Օգնող ձեռքերի հրավեր
Կարող եք օգնել Հիսուսի օրինակով
Երբ Հիսուսը երկրի վրա էր, Նա օգնում էր բոլորին, ում տեսնում էր: Նա կերակրում էր նրանց, ովքեր քաղցած էին: Նա սփոփում էր նրանց, ովքեր տխուր էին: Նա ուսուցանում էր Իր ավետարանը բոլորին: Հիսուսը հրավիրեց մեզ հետևել Իրեն: Մկրտվելիս մենք խոստանում ենք փորձել անել այն, ինչ Նա էր անում:
Բազմաթիվ մարդիկ աշխարհում այսօր մեր օգնության կարիքն ունեն: Ոմանք միայնակ են: Ոմանք քաղցած են: Ոմանք ստիպված են եղել լքել իրենց տները: Ոմանք դեռևս չեն լսել ավետարանի մասին: Մեզանից յուրաքանչյուրը կարող է անել որևէ բան՝ օգնելու համար:
Ի՞նչ կարող են անել ձեր Օգնող ձեռքերը
Երեխաները կարող են աշխարհը փոխել իրենց սիրող սրտերի և օգնող ձեռքերի միջոցով: Մոտ 100 տարի առաջ Երեխաների միությունն օգնեց կառուցել հիվանդանոց Սոլթ Լեյք Սիթիում (Յուտա, ԱՄՆ): Ամեն շաբաթ նրանք մանրադրամ էին բերում նոր հիվանդանոցի համար: Երբ 1922 թվականին հիվանդանոցը բացվեց, այն կոչվեց Երեխաների միության մանկական հիվանդանոց: Որովհետև երեխաները քիչ-քիչ օգնեցին կառուցել այն:
Եթե նայեք ձեր շուրջը, կտեսնեք բազմաթիվ մարդկանց, ում կարող եք օգնել: Դուք կարող եք կիսվել ավետարանով՝ ձեր ապրելակերպով ցույց տալու և ուրիշներին ծառայելու միջոցով: Դուք կարող եք օգնել նրանց զգալ Երկնային Հոր սերը:
Օգնելու հրավեր
Այս տարի մենք հրավիրում ենք ձեզ օգտագործել ձեր սիրող սրտերը և օգնող ձեռքերը՝ ուրիշներին օգնելու համար: Այն երջանկությունը, որը դուք զգում եք ուրիշին օգնելիս, գալիս է Սուրբ Հոգուց: Այն ձեզ հուշում է, որ Երկնային Հայրը շատ գոհ է ձեր ջանքերից:
Նկարները՝ Լիզ Բրիզիի: