Rao nakon te Rao
Namakina Ana Tangira Kristo
Man te intawiu ma Haley Yancey.
Ngke I ikawairake i Tiaban, I anganaki te baibara n te tabo n reirei. A uaia n airiiri te Ingiriti ao te taetae n Tiaban iai. Ara mataniwi n te reirei e tuangiira bwa ti na kabongana ni kamatebwaia iai te Ingiriti.
Ngke I warekia, I reiakina rongorongon Iesu. Antai te aomata aei ae e onrake n te tangira? I bon mimi. Taeka ake E taekin anganai te kukurei. I tangiria ni kan ataa riki Rongorongona.
Tabeua te tai imwina I a kaitibo ma mitinare. A anganai Ana Boki Moomon ao a tuangai bwa n na warekia ao n tataro ibukina. I tangiria ni wareka rongorongon Iesu inanon Ana Boki Moomon. I tataro ao I namakinna bwa e koaua.
Akea man au utu ae a tangiria ni kan reiakina rongorongon te Ekaretia. E reirei Iesu bwa ti riai ni karineia ara karo, ma au karo aki tangirai bwa na kaaina te Ekaretia. E bon matoatoa.
I tuangia au karo te bwai ae i namakinna. I tuangia au namakin n au tataro. A bon aki mataata. A mimi bwa e aera I tangiria ni kan kitana ara aro.
I reitinako ni kataia. N tokina au karo a taku bwa I a kona ni bwabetitoaki. Imwiin ririki aika mwaiti, e a manga bwabetitoaki naba tinau.
I ataia bwa I kakabwaiaaki ibukin kan iriran Iesu. I tangiria n reiakina Arona, ao I ataia bwa Iriirakina e uota te kakabwaia.
Iesu e Tangirai bwa Na Iriria
Iesu e tangiria bwa ti na Iriria man katauraoakira ni bwabetitoaki. Wareki kiibu aikai. Imwiina karanii tamnei ake a titebo.