Baai n Ibuobuoki ni katobibia te Aonaaba
Kaitibo ma Raiarii mai Tahiti
Kaitibo ma ataein te Moanrinan ae a buokiia tabeman, n aron ae karaoia Iesu.
Ni kabane bon rongorongon Raiarii
Ana ririki: 9
Mai Tahiti
Taetae: Buranti
Utu: Tinana, Tamana, teniman tarina, ao temana mwanena
Ana kouru ao ana iango: 1) Reirei ni katanga te biano. 2) Wareka Ana Boki Moomon ni kabane. 3) N riki bwa te taokita ke te bwairati.
Raiarii ma Baai n Ibuobuoki
E tatangiria Raiarii ni kakawara tibuna te unaine, Mamy. E kona n takakaro iaon te bike ao n akawai iika i tari. E kanii mangkoo ao banana man te aroka. Tabeua te ririki n nako, e kaitibo ma tabeman raoraon Mamy Kali ao Mia.
Ni katoa moaningabong Raiarii ao Mamy a uaia ni wawareka Ana Boki Moomon. . A moana n iririia Kali ao Mia. E ibuobuoki Raiarii ni kabwarabwarai koroboki aika a tabu bwa e aonga ni bebete te mataata iai.
Raiarii ao tarina a tangiria ni buoka Kali n akawaa te ika. Te taina e taku Raiarii, “Tia tataro bwa ti aonga ni kamanoaki ao ni karekei iika aika bati.” N te bong anne e a rangi ni mwaiti konan Kali te ika nakon are mai imwaina! E iangoia Kali bwa e nang tatataro ni katoa tai imwaain nakona n akawa.
E a tauraoi Raiarii nakon te bwabetitoaki. E tuanga Kali taekan ae e na bwabetitoaki. Ngkanne a roko mitinare ao n reireiniia Kali ao Mia taekan riki te euangkerio. Ngke a bwabetitoaki Kali ao Mia, e bon mena ikekei Raiarii. “I rangi ni kukurei ngkai Kali e tangiria n iriira mwanekan Iesu,” e taku.
Mamaten Nanon Raiarii
Te Tabo: Mweengan Mamy
Karaki iaon Iesu: Ngke e kamwarakeia aomata aika mwaiti ma uoman te ika ao nimaua te mwakoro ni kariki
Moanrinan anene: “I Ataia E Tangirai Au Tia Kamaiu” (Rao, Maati 2015)
Kanana: Sashimi ae karaoaki ma te ika ae boou mai taari ao te keeke ae te tiaokureti ae rabakaun ana tibumamanu
Ana kara: Te uraura
Ana bwai n reirei ae tatangiria: Te Numera
Raiarii ma Kali ao tabeua konaia iika.
Kamataata n te tamnei iroun Maarten Lenoir