Man te Moan Beretitentii

E a Uti!

Iroun Beretitenti Henry B. Eyring

Kauoman ni Kauntira n te Moan Beretitentii

E anaaki man “E a Uti,” Riaona, Eberi 2013, 4– 5.

Jesus riding a donkey into Jerusalem

Mangautin Iesu Kristo e anganiira te kantaninga. E anganai te kantaninga ni bongin te kabuebue n 1969 ngke e mate tinau. I nanokawaki ibukina bwa I a kamaenakoaki ma ngaia.

Ma I namakina te kukurei ngke te Tamnei ae Raoiroi e tuangai bwa iai te Mangauti. I kona ni katamneia bwa tera aekakin ae N a manga nora tinau ao tabeman ake I tangiriia n te bong teuana.

E a mangauti Iesu Kristo. Bon mai Irouna, ae ni kabane natin Tamara ae i Karawa ake a bungiaki nakon te aonaaba a na manga uti n rabwataia ae e na aki kona ni mate.

Te Mangauti: Ngke tamnein Iesu e a manga oki nakon Rabwatana imwiin Matena. Ibukin Iesu, ni kabane ake a tia ni mate a na manga kautaki n te bong teuana.

“I kakoaua bwa Iesu Kristo bon te Kristo ae uti, ara Tia Kamaiu, ao ara banna ni katooto ao ara tia kairi ae kororaoi nakon te maiu are akea tokina.”

Beretitenti Henry B. Eyring

Karakin te Itita

Korea nako te kaati ao kanimwii nako aon te beba. Kabwangabwangai ao kabaei ma te kora. Ngkai e a reke am boki ni karaki n te Itita!

1. Jesus riding a donkey into Jerusalem

   Iesu Kristo e rin inanon te kawa i Ierutarem iaon te aati. Aomata a Kamoamoaa ao a katikui banikai iaon tano. (Taraa Mareko 11:1–11)

2. Jesus blessing a man

   Iesu e kawara te tembora. E kamarurungiia aomata ake a mwauku ao a mataki. (Taraa Mataio 21:12–14.)

3. bag of coins

   Ibonga ake a bakantang anga te mwane nakon temana ana reirei Iesu Kristo, Iuta Itekariota, 30 te mwane ae te tirewa bwa e na kamwanea Iesu nakoia. (Taraa Mataio 26:14-16.)

4. Jesus holding bread

   E amwarake Iesu ni bongin te Toa are te Riao ma Ana reirei . E anganiia te toa ni buokiia bwa a na Uringnga. (Taraa Mataio 26:19–20, 26–28.)

5. Jesus praying

   E nako Keketemane Iesu bwa e na tataro nakon te Tama are i Karawa. Ikekei are e moana iai karawawataakina ibukin ara bure. A roko aomata ma te kabaang ao a katikia ni kaburea. (Taraa Mataio 26:36–50.)

6. tomb with stone

   Iesu e korakai ao ni mate iaon te kai. E wene rabwatana inanon te ruanimate ma te atibu ae bubura i mataroan te ruanimate. (Taraa Mataio 27:27–35, 57–60.)

7. Resurrected Jesus in front of tomb

   Taian anera a karabinoa nako te atibu. A tuanga Nei Maria Te I-Maketara ao tabeman aine bwa e a tia n uti Iesu. E kaoti Iesu nakoia aine, ao a taromauriia. (Taraa Mataio 28:1–10.)

8. Resurrect Jesus in white robe

   E kaoti Iesu nakoia Ana reirei. A ringa rabwatana are e mangauti. E tuangiia bwa a na reireinia tabeman Ana euangkerio. Iesu Kristo e mangauti, ao ngaira ti konaa naba! (Taraa Ruka 24: 36– 43; Mataio 28:16–20.)

Nora Nakomai, Iriirai ibukin Reirei ao Berita aika Tabu 29 ao Itita.

Friend Magazine, 2021/03-04 Mar/Apr

Kamataata n te tamnei iroun Steliyana Doneva