Kaati n Rongorongon te Ekaretia
Reiakin rongorongia aomata aika a kakawaki n rongorongon te Ekaretia! Korei nako kaati, rukumma iaon rain aika aki toma, ao teibini.
Taan Kakoaua aika Teniman
“Ti norii ao ni kaoti rongorongona bwa bwaai aikai a koaua.”
“Aia Koaua Taan Kakoaua ake Teniman,” ana Boki Moomon
-
Oliver Cowdery, David Whitmer, ao Martin Harris bon raraon te Burabeti Iotebwa Timiti.
-
A nora te anera, are e kaota nakoia bwatua koora. A korei aia kakoaua. Ko kona ni warekia imwiin te kabwarabwara n Ana Boki Moomon.
-
Bon ngaiia tabeman mai ibuakoia aomata ake a bwabetitoaki bwa kaain Ana Ekaretia Iesu Kristo Ibukiia Aika Itiaki ni Boong aika Kaitira.
Lucy Mack Smith
1775–1856
“E kaoti te boki man mwakan te Atua.”
Lucy Mack Smith, History of Joseph Smith (Bookcraft, 1958), p. 204
-
Bon tinan Iotebwa Timiti.
-
E reireiniia natina taekan te Atua. A uaia n tataro ao ni wareka te baibara.
-
E kaira te kurubu irouia Aika Itiaki n nako Kirtland iaon te booti. Ngke e a buraoki te ran, e kaungaia Aika Itiaki bwa a na tataro. E benauaaki te aiti ao e buti te booti n rinanona!
Kamataata n te tamnei iroun Brooke Smart